Vi fann 2471 artiklar i dette arkivet.
I dag lanserte Friluftsrådet Nordmøre og Romsdal nyheita Sammen på tur i turappen sin. Stikk UT! Sammen er det nyaste i tilbodet til Frilufstrådet Nordmøre og Romsdal, og noko Friluftsrådet har god tru på skal bli nok ein suksess for Stikk UT! konseptet.
Fredag 12. november, mellom klokka 12:00 – 17:00, er det igjen ope bakeriutsal hos Lia gard. Her er det mykje godt å få kjøpt, både grovbrød og kaffebrød.
Indre Nordmøre senioruniversitet inviterer til operatur til Festiviteten i Kristiansund onsdag 9. februar 2022. Det er oppsettinga av operaen «Tosca» i Festiviteten som er det endelege målet for turen, men det blir også middag og desert på Smia før operaen. Senioruniversitetet har reservert 40 billettar, så her er det berre å «kaste seg rundt» og bestille billettar.
i dag er det førpremiere på den storslagne nyinnspelinga av den årlege nasjonaltradisjonen «Tre nøtter til Askepott» på Surnadal kulturhus. Førpremieren tek til klokka 14:00. Fredag 12. november klokka 18:00 følger dei opp med Norgespremiere på same film.
Todalen sanitetsforening markerer i dag Eigenberedskapsveka 2021 med stand på Matkroken Todalen. Dei vil vere til stades her utover dagen og fram i mot stengetid. Her viser dei fram ting det kan vere lurt å ha i huset om ein kritisk situasjon skal oppstå. Dei har også med seg brosjyrer laga av Direktoratet for samfunnstrygghet og beredskap, brosjyrer som fortel litt om kva det kan vere lurt å tenke på, slik at ein er godt førebudd om ein kritisk situasjon skal oppstå.
Vi går unekteleg mot vinter og dårlegare turføre ute. Difor startar Surnadal Pensjonistlag opp att med «Bøy og tøy» i Meierisalen på Landbrukshuset. Første «Bøy og tøy» blir torsdag 11. november klokka 11:00 i Meierisalen på Landbrukshuset.
Under dagens møte i Surnadal kommunestyre, fremma Lars Inge Kvande (Sp), på vegne av Senterpartiet, eit oversendingsforslag til administrasjonen, der administrasjonen, i samband med budsjettet, blir bedt om å legge fram ei sak om at Todalen Idrettslag skal få leige gymsalen, ved Todalen skule, gratis i 2-3 dagar i veka fram til endeleg etterbruk av skulebygningane er bestemt.
Søndag 7. november klokka 14:00 inviterer Todalen sokneråd til allehelgensdagsgudsteneste i Todalen kyrkje. Liturg er Torbjørn Brøske denne søndagen, medan Ronny Kjøsen er organist. Takkofferet går til kyrkjelydsarbeidet.
Styret i Todalen Idrettslag søkte tidlegare i år, som det også vart orientert om på medlemsmøtet 20. oktober, Surnadal kommune om å få låne gymsalen ved Todalen skule frå oktober – april til innandørs-aktivitetar. Søknaden var både for organiserte og uorganiserte aktivitetar som mellom anna: «Dame- og gubbetrim», balleik for ungane og volleyball. Konkrete ønske om slike aktivitetar i gymsalen ved skulen kom og fram på medlemsmøtet 20. oktober, men styret i idrettslaget måtte avvente svaret frå Surnadal kommune, på søknaden sin om lån, før dei uttale seg om saka. No har idrettslaget fått svar, og saka vart diskutert på gårsdagens styremøte i idrettslaget.
Eystein Opdøl har teke kontakt med redaksjonen for å etterlyse nokre sauer. Det er snakk om to unge søyer med to lam kvar, og ei søye med eitt lam. Sauene går vanlegvis i Innerdalen, men sidan Eystein ikkje har sett snurten av sauene under saueleitinga, mistenker Eystein at dei har trekt ned i liene i Todalen, utover mot Øyakjerringa/Virumkjerringa eller utover mot Vasnebba/Grånebba. Det er også mogleg dei har trekt innover mot Bjøråskaret og Storfjellet.
Torsdag 4. november klokka 19:00 inviterer Nasjonalforeningen for folkehelsen i samarbeid Surnadal demensforening og helselag alle til å bli med å sjå filmen «Vær her» på Surnadal kino. Filmen er gratis for alle som ønskjer å sjå den. Så har du lyst til å sjå den, så er det berre å krysse av datoen i kalenderen og møte opp på Surnadal kino torsdag 4. november!
Sosiale media er altfor viktige til berre å bli synsa om. Magnus Hoem Iversen har difor saumfart forskinga og gjev deg oppdaterte svar på dette på Surnadal bibliotek onsdag 3. november klokka 19:30. Er du på Facebook? Instagram? Snapchat? Eller nokre av dei andre? Og veit du kva det gjer med deg?