Vi fann 2403 artiklar i dette arkivet.
I ei melding frå Kristian Ranes no i kveld, har vi fått beskjed om at annonserte «Bøy og tøy» torsdag 9. desember må avlysast. Dette er ein direkte konsekvens av koronasituasjonen og dei nye smitteverntiltaka i samband med dette.
I ei pressemelding no seint på føremiddagen, informerer Todalen Sokneråd om at søndagens julekonsert med «Prosjekt 17»-koret må avlysast. Dette er eit direkte resultat av dei nye nye nasjonale smitteverntiltaka, som regjeringa offentleggjorde i går kveld. Både Todalen Soknerådet og «Prosjekt 17»-koret beklagar avlysinga, men understrekar at det er viktig å følgje nasjonale smitteverntiltak.
I går kveld kom regjeringa med nye nasjonale smitterverntiltak. Styret i Todalen Idrettslag har med bakgrunn i desse tilpassa drifta si til dei nye smitteverntiltaka. Dette inneber at «Revyfesta» 3.juledag (27. desember) blir avlyst, medan «Romjulsmarsjen» går som normalt!
I år har Svorka bestemt at alle tilsette skal få kr. 1.000 for å gje til eit ikkje-kommersielt føretak. Sylvia Stokke, konsernleder salg og marked i Svorka, valde å gje si gåve til Todalen sanitetsforening. Dette fekk medlemmene i Todalen sanitetsforening vite under deira juleavslutning i Todalen sanitetshuset i går kveld.
I går kveld vart dei nye nasjonale tiltaka for å få bukt med den aukande koronasmitta presentert. Kommuneoverlege Bjørn Buan i Surnadal kommune har, med bakgrunn i desse, sendt oss ei pressemelding. – Tiltaka samsvarar i stor grad med dei råda eg har gitt lokalt dei siste vekene. Det er trusselen bak omikronvarianten av koronaviruset som begrunnar skjerpinga av tiltaka, sier buan.
Fjord1 melder at kveldens avgang klokka 23:35 (8.12) frå Rykkjem, og avgangen frå Kvanne i morgon tidleg (9.12) klokka 05:15 blir innstilt. Grunnen til dette er kaiarbeid på fergekaia på Kvanne. Alternativ reiserute er via rute 48, Halsa – Kanestraum.
Under Sunnmøre Fotballkrets sin Fotballgalla i helga fekk Nikolai Søyset Hopland, son av Anne Søyset frå Heimstad i Hallsetgrenda, tildelt Sparebanken Møres spillerstipend. Nikolai har hatt ein enorm opptur gjennom sesongen 2021, der han resten av laget sikra opprykk til Eliteserien. Nikolai har og vore kaptein på G17-landslaget til Norge og er no flytta opp på G18-landslaget.
Søndag 12. desember klokka 19:30 inviterer «Prosjekt 17»-koret til julekonsert i Todalen kyrkje. Sigrid Vetleseter Bøe, Tor Strand og koret Prosjekt 17 er hovudaktørar under søndagens julekonsertar i Todalen og Åsskard kyrkjer. Tradisjonen «Vi syng jula inn» blir ivaretatt med kor, solo, instrument og allsong. Etter opning med Alnæs´ klassiske «Julemotett» syng Prosjekt 17 variert musikk for både damekor, mannskor og blandakor. «Stille natt» (Glade jul) blir å høre i 200 år gamle originalsatsar.
Kommuneoverlegen i Surnadal kommune, fekk i går kveld melding om to nye bekrefta smittetilfelle. Dette informerer Surnadal kommune no i føremiddag i ei pressemelding, som er underskriven av kommuneoverlege Bjørn Buan.
Surnadal Pensjonistlag inviterer torsdag 9. desember klokka 11:00, til siste «Bøy og tøy», før jul i Meierisalen på Landbrukshuset. Det er fysioterapeut Oda som rettleier på torsdagens «Bøy og tøy». Det gjer godt med litt bøying og tøying no før jul. Dersom nokon kvier seg på den bratte troppa opp, så kan dei ta inngangen lenger vest og ta heisen opp. Derifrå er det ein grei korridor til Meierisalen.
Fredag 10. desember mellom klokka 12:00 – 17:30 er det ope gardsutsal hos Lia gard. Dette er nest siste bakeriutsal før jul, og Lia gard kan denne gongen freiste med fleire sortar julebakst.
Todalen Idrettslag har no fått på plass ein avtale med Surnadal kommune om å få låne gymsalen ved Todalen skule vinteren 2021/22. Det blir aktivitetear i regi av idrettslaget tysdagar og torsdagar. Det blir ikkje mogleg å dusje etter aktivitetar, og det er ein garderobe som vil vere open for sko- og klesskift. Her vil det og vere mogleg å bruke toaletta.