Vi fann 2203 artiklar i dette arkivet.
Surnadal kommune har framleis att influensavaksiner og kan difor no gje tilbod om vaksine til dei som ikkje tok denne vaksina i fjor haust. Tilbodet er særleg aktuelt for personar over 65 år og personar som er i risikogruppa.
Svinviks arboret inviterer, onsdag 11. mai klokka 18:00, til vårdugnad i Svinviks arboret. Ta gjerne med eigne redskap, rive og hagesaks er mest aktuelt. Det er varierte oppgåver, med både luking av blomsterbed og arbeid med rydding av stiar og trapper etter ein vinter med mykje vêr.
I ein e-post frå Bernt G. Bøe, i Åsskard sokneråd, blir vi informert om at det etter rakar-dugnaden på Åsskard kyrkjegard måndag 9. mai, blir kveldskonsert med trekkspelaren Ronny Kjøsen og Trio No Treble. Konserten tek til klokka 21:00 i Åsskard kyrkje. «Tittelen på programmet gjer oss nysgjerrige! Tyr vi til rapportar, mellom anna frå Trøa i Rindal sist måndag, forstår vi at dette handlar om sprelske framføringar av svært forskjellig musikk», kan Bernt G Bøe i Åsskard sokneråd.
I går kveld var det seriestart for Søya/Todalen sitt J11 lag i fotball. Kampen vart spela på Søyabanen, og på motsett banehalvdel var det Nordlandet sitt J11 lag hadde teke oppstilling, for å måle krefter mot heimelaget.
Tysdag 10. mai startar Fjellgruppa i Surnandal Pensjonistlag oppatt sesongen etter «vinnterdvalen». Grunna overlag mykje snø i høgda, må Fjellgruppa, inntil vidare, halde seg i låglandet. «Vi trur ein tur til Kvalnesvika gjer seg no i starten», seier Kristian Ranes i Fjellgruppa. Oppmøte på parkeringsplassen nedanfor Øye kyrkje klokka 10:00.
I kveld hadde Todalen sokneråd invitert til kyrkjegardsdugnad, for å klargjera kyrkjegarden til ein ny vår- og sommarsesong. Sjølv om vêrgudane ikkje akkurat varta opp med det beste rett før dugnaden, så vart det opphandsvêr under sjølve dugnaden. Knappe femti personar møtte opp for å vere med på dugnaden, så sjølve dugnaden gjekk unna på ein stor time.
8. mai markerer Nordmøre Brigadeveteranforening i samarbeid med Nordmøre forsvarsforening frigjeringsdagen/veterandagen. I år vil det bli markeringar ved Russergravene ved Vinje kirke kokka og ved Aure kyrkje.
Torsdag 5. mai klokka 11:00, inviterer Stavganggruppa i Surnadal Pensjonistlag til stavgangtur frå Kalkstranda og oppover mot toppen. Stavganggruppa ber deltakarane ta med seg stolar for å sitje på under kaffen etter turen.
Fredag 6. mai, mellom kl. 12:00 – 17:00, er det ope bakeriutsal hos Lia gard. Her er det mogleg å få kjøpt både fleire sortar med grovbakst, og ikkje minst kaffebrød til helgakosen.
I dag inviterte Surnadal Arbeiderparti til god «gammeldags» 1. mai-feiring på Surnadal kulturhus. «Arbeidernes internasjonale kampdag» har vore feira i Norge sidan slutten på 1800-talet. I år var hovudparolane: Frihet, demokrati og solidaritet, noko som dessverre er meir aktuelt enn på lenge, sidan vi igjen opplever krig og krigshandlingar i Europa. Mange møtte opp på kulturhuset for å vere med på 1. mai-feiringa i Surnadal, slik at det vart eit flott arrangement.
Da er tida inne for å fornye støttemedlemskapet sitt i Todalen.no. Støttemedlemskapet kostar kroner 200,- per person per år. Dei som er registrert med e-postadresse har fått faktura for støttemedlemskap i innboksen sin i dag. Det er mogleg å betale støttemedlemskap på tilsendte faktura eller via vippse til 107600. Ved bruk av vipps, husk å skrive namn på den det blir betalt støttemedlemskap for.
Søndag 1. mai klokka 14:00, inviterer Surnadal Arbeiderparti til god «gammaldags» 1. mai-feiring på Surnadal kulturhus. Helge Røv vil vere programleiar for eit innhaldsrikt og variert program. Emely Stangvik og Ole Dalsegg, leiar og nestleiar i Surnadal AUF, vil halde apell for dagen, medan Ordførar i Aure kommune, Hanne Berit Brekken vil halde festtalen.