Vi fann 2204 artiklar i dette arkivet.
Det fine «kinovêret» held fram, så Surnadal kino har sett opp enno meir film enn planlagt (og annonsert). Mest for dei yngre; det skal seiast. Men Surnadal kino har opplevd godt besøk, og vel difor å sette opp nokre ekstra kinoframsyningar, medan vi alle venter på godvêret.
Sommaren er tid for å lese – og ta ferie… Feriestengt. Det er ikkje rom for ferievikarar, så biblioteket i Surnadal vil vere heilt stengt i tida 18.–31. juli. Biblioteket vil ha meirope tilgang, for dei med slik avtale, 1.–7. august.
Regnveret og rett temperatur i Toåa lovar godt for fisket dei komande dagane. I kveld møtte vi på ein fornøgd fiskar på veg heim frå Nedre Skjorahølen, der han fekk på ein laks på fin størrelse.
Stavganggruppa i Surnadal pensjonistlag inviterer til stavgangtur til Tjønnmyra torsdag 7. juli. Stavganggruppa hadde eigentleg Nauståfossen på programmet, men dei tek altså turen til Tjønnmyra, og går tur der i staden.
Surnadal kino følger med på yr.no. Vêrutsiktene fører til at det blir ekstra med framsyningar i dei to vekene før kinoen må feriestenge.
Da har vi lagt inn REMIDT sin tømmekalender for glass- og metallavfall, restavfall, papp og papir, plastavfall og matavfall, for tredje kvartal, inn i aktivitetskalenderen vår her på Todalen.no. Tredje kvartal strekker seg frå 1. juli – 30. september. Tømmekalenderen for fjerde kvartal, vil bli lagt inn siste halvdel av september månad.
Da Todalsdagen vart stoppa på grunn av regnvêret i går, bestemte Todalen IL seg for å invitere til ettermiddagsgrilling på Bordholmen, rett og slett for å få selt ut meir av grillmaten som vart att da arrangementet vart stoppa. Så klokka 18 kom både finvêret og folket for å kose seg med grillmat og andre ting frå kosken.
Dette var overskrifta i avisa Tidens Krav ein gong på 60-talet, etter at Todalen sitt herrelag i fotball vann 8-1 over KFK. Og kanskje kunne ein ha bruka same overskrifta i dag også? Men resultatmessig vart det i alle fall jamnare i dag enn den gongen, og i dag er KFK ein del av KBK (Kristiansund Ballklubb). I dag var det KBK sitt bylag, som hadde teke turen til Todalen for å spele kamp mot eit Todalslag, samansett for anledninga.
I dag var dagen da den 30. TodalsCupen skulle arrangerast, men vêrgudane var ikkje på lag med Todalen Idrettslag, så cupen vart stoppa etter 2-3 kampar på grunn av mykje regn. Dette er første gongen at arrangøren måtte gi tapt for vêret i løpet av alle desse åra.
SUPERLOTTERIET til Todalen Idrettslag, som har hatt førehandssal i vekene inn mot Todalsdagen, vart trekt i dag klokka 14:00. Det vart selt totalt 1227 lodd, noko som gir ei kjerkoma inntekt til Todalen Idrettslag.
Todalsdagen 2022 vart avlyst kort tid etter start på grunn av dårleg ver. Difor inviterer Todalen Idrettslag alle i Todalen til sal av grillmat, graut og bakels, kaffe og kioskvarer på Bordholmen klokka 18:00 i dag.
Todalsdagen blir i år arrangert på Bordholmen stadion laurdag 2. juli frå klokka 9:30. I år er det, som vanleg, fotballcup, «Ræta opp», kiosk, grillmatsal og Superlotteri. I år blir det også Todalsmarked, der ein kan få kjøpe lokalproduserte produkt frå lokale produsentar i Todalen. Så her blir det noko, for ein kvar smak, utover heile laurdagen.