Ukategorisert Arkiv

Søndag 1. mai klokka 14:00 inviterer Surnadal Arbeiderparti til god «gammaldags» feiring av 1.mai på Surnadal kulturhus. Etter to år med koronapandemi, er det godt å endeleg kunne feire 1. mai med festarrangement på kulturhuset, seier arrangementskomiteen, som består av: Lilly Gunn Nyheim, Ella Bolme, Helge Røv Emely Stangvik og Ole Dalsegg. Helge Røv vil vere programleiar for dagen. Surnadal AUF ved leiar, Emely Stangvik og nestleiar, Ole Dalsegg vil halde apell for dagen, medan Ordførar i Aure kommune, Hanne Berit Brekken vil halde festtalen.

I går ettermiddag/kveld var det dugnad i Toåa tursti, for å klargjere turstien til ein ny vår- og sommarsesong. Vinteren, og da spesielt uvêret Gyda, hadde vaska bort ein del av grusen i turstitraseen, spesielt frå steinutgarden og fram til nedste avstikkaren ned til Gunnøya, og ved øvre avstikkaren mot Gunnøya.  

Etter to års pause på grunn av korona, kan endeleg Svinviks arboret igjen invitere til podeverkstad. Dette skjer torsdag 28. april klokka 18:00 i Svinviks arboret. Det er poding av frukttre som står på programmet, og arboretet inviterer difor alle til å bli med for å lære om podekunsten. 

Eitt av dei sikraste vårteikna, er når feiebilen frå Mesta kjem og feiar opp strøsanden og anna støv, som ligg att på vegane etter vinteren. Akkurat no er det vegen innover mot Todalen og rundt bygda som blir sopa og klargjort for vår og sommar trafikken.   

S-Nett (Svorka sitt linjenettselskap) informerer i dag, om at dei også i år gjennomfører inspeksjon av høgspentnettet sitt med helikopter. Dette vil gå føre seg i veke 18 (2. – 6. mai), og inneber lågt flyging med helikopter, ned mot 30 meter over bakken.

Torsdag 31. mars avvikla Nordvik Båtforening årsmøtet sitt i Nordvik Grendahus. På sakskartet stod vanlege årsmøtesaker som årsmelding, rekneskap og val. Etter at årsmøtesakene var ferdig. vart dei oppdaterte planene til Nordvik Båtforening for ny småbåthamn på Nordvik presentert. Nordvik Båtforening er godt i gang med planlegging og prosjektering av ny småbåthamn på Nordvik, og snart tek salet av båtplassar til.

Nok ei påske er på hell, og nok ein påskekrim er kome til løysinga. Er du klar for å finne ut kva mysteriet på Haukåbrua var? «Haukåbrua – den raude fare?» Nei … Overredaktør Ørsal stirra ut i lufta. Kva med: «If you going til Ørsalbokta?» Nei. Ein kunne seie mykje godt om Ørsalbokta men […]

Måndag 18. mars (2. påskedag) klokka 12:00 inviterer Todalen Sokneråd til friluftsgudsteneste i og ved gapahuken på Tjønnmyra. Soknerådet oppfordrar alle til å ta med seg sitteunderlag, slik at det blir betre å sitte. Liturg er Cathrine Grutle og Bernt Bøe er organist.  

Fredag 22. april, mellom kl. 12:00 – 17:00, er det ope bakeriutsal hos Lia gard. Her er det mogleg å få kjøpt både grovbakst, knekkebrød og kaffebrød til helga. 

Surnadal kommune, ved kulturavdelinga, informerer om at det no snart er tid for å søke om leige av idrettsrom, kulturmidlar og Kleivafondet. Søknadsfrist er den 30. april for både leige av idrettsrom og dei ulike kulturmiddelordningane. 

Vi er ved del 5, og forfattaren meiner at etter denne delen skal du kunne kvalifisere til å «stjøtt på» kven eller kva som står bak det merkelege som skjer denne påska.   Bordholmen. Denne flate flekken ved Toåa sitt utlaup. Ei grøn lunge mellom industribygg og tidlegare Samvirkelag. Åstaden for Todalshelg, Todalsdag, merketaking på […]

4. del av påskekrimmen 2022, og nok eit år er det sørsida som står for underhaldninga. Og vi kan vel berre slå fast at kvardagen hadde vore meir grå utan bidrag frå den sida av bygda. Nok om det. La oss ta opp tråden frå i går utan å tenkje for mykje på om abakle […]