Vi fann 3445 artiklar i dette arkivet.
Det er ikkje noko kjøpepizza dei har tenkt å by fram på Quiz- & Pizzakvelden på Todalshytta i kveld. Her er det berre ekte og heimlaga varer grunnen av, fortel Kjell Arve Vikavoll som alt er i gang med pizzabakinga. Her duftar det ekte pizzafyll og pizzadeigen hevar som bare det. Kl 18:00 i kveld […]
Kirkens Nødhjelp sin fasteaksjon er ein tradisjonell innsamlingsaksjon som har gått føre seg i fastetida i mange år. Årets aksjon har fått namnet «Gi vann til dem som trenger det mest». Tysdag 5. april vil årets konfirmantar, saman med andre unge og vaksne, frå Surnadal og Rindal kommunar besøke alle husstandane med sine bøsser. Det er også mogleg å gje pengar via vipps 2426 eller via bankkonto: 1594.22.87493.
«Trøndersk dynamitt» til helga på Surnadal kino, med to eksplosive filmar. Alle hater Johan, men i Surnadal elskar dei visst nok Hallvar Witzø! I alle fall såpass overbevisande og nok til at filmbyrået har gjeve Surnadal kino førpremiere på filmen «Alle hater Johan». For Witzø har ei viss tilknyting til Surnadal, da han var assistentlærar på folkehøgskulen for nokre år sia. Han var den første norske regissøren som både har vore nominert til Oscar-pris og palmepris i Cannes – for to av sine kortfilmar. «Alle hater Johan» er langfilmdebuten til Witzø, og manuset er skrive av Erlend Loe.
Styret i «Pårørendeforeningen for Surnadal sjukeheim» kallar inn til årsmøte tysdag 29. mars klokka 18:00 i kantina ved Surnadal sjukeheim. «Pårørendeforeningen for Surnadal sjukeheim» er ein frivillig organisasjon som driv med forskjellege trivselstiltak for bebuarane ved Surnadal sjukeheim. Alle som blir rekna som pårørande, blir automatisk medlem i foreininga, men på grunn av reglane for teieplikt, har ikkje styret i foreininga oversikt over kven som er medlemmer i foreininga. Styret ber difor om at pårørande, som har bebuarar ved sjukeheimen, møter opp på årsmøtet tysdag 29. mars!
Laurdag 19. mars arrengerer Nordmøre Forsvarsforening «Skiskytingens dag» på Toresetra i Bæverdalen. Arrangementet tek til klokka 12:00 og varer fram til klokka 16:00. Dette er eit arrangement forsvarsforeninga har drive med i mange år.
På I.L. Søya sine facebooksider, har ein av idrettslaget sine dyktige og ivrige tråkkemaskinsjåførane, laga ei kort orientering om løypenettet til det som formelt heiter «Strengenløyper», men som oftast blir kalla, og er best kjent som «Strengentraseen». Strengenløyper har eit løypenett på rundt 50 kilometer (tur/retur) med oppkøyrde løyper på vinterstid. Alt arbeidet i Strengenløyper blir gjennomført med dugnadsinnsats organisert av I.L. Søya.
Onsdag 6. april tek Surnadal Pensjonistlag opp att tradisjonen og inviterer til «trivselkveld» på Thon Hotel Surnadal klokka 19:30. Oppmøte i restauranten. Hovedrett er indrefilet av storfe med potetpure og ovnsbakte grønnsaker toppet med friske bær. Etterpå blir det kaffe, før «trivselkvelden» flyttar over til Gladlaxen, der det blir musikk av Trond Larsens Trio.
I ei pressemelding frå Kristiansund og Nordmøre Turistforening (KNT) i ettermiddag, blir vi informert om at Kirsti Edøy frå Molde blir ny styrar på Vangshaugen turisthytte. Vangshaugen turisthytte ligg ved Storvatnet i Grødalen, i Sunndal kommune, og er etter KNT sitt eige utsagn, ei av dei flottaste turisthyttene i Norge og KNT. Vangshsugen turisthy har i over 120 år teke i mot fjellfolk, og har sidan 1934 vore driven og eigd av KNT.
Todalen.no kallar inn til årsmøte i Todalen ungdomshus onsdag 6. april klokka 20:00. Vanlege årsmøtesaker. Den som vil seie frå seg verv, må gjere skriftleg til valnemnda ved Frode Grønmyr eller Ståle Ansnes, innan 13. mars. Saker ein ønsker å få behandla på årsmøtet, må sendast skriftleg til styret innan 30. april. Fullstendig sakliste blir kunngjort her på Todalen.no 31. mars.
I ei pressemelding frå Kristiansund og Nordmøre Turistforening no i kveld, får vi oss fortalt at draumen om påskesol, appelsiner og kvit snø lever i beste velgåande, no inn mot påske. Aursjøhytta opnar 8. april, og blir altså open gjennom påska. Bestyrar på Aursjøhytta, Nils Johan Michelsen, ser fram til å ta i mot skiglade påsketuristar på ei av hyttene som kan garantere rikeleg med snø i påska. – Selv om det er noen uker til, så stiller jeg med snøgaranti, sier en skråsikker Nils Johan.
Denne veka fyllte Torkjel Ansnes Moe 50 år, og slike store dagar må sjølvsagt feirast. Laurdag ettermiddag var det samla mykje folk i Todalen Ungdomshus som ville gjera stas på jubilanten. Det som var spesielt denne gongen var at Torkjel sjølv ikkje hadde ei aning om kva som skulle foregå. Så her har det vore ein dyktig arrangørkomite og inviterte gjestar som har klart å halde dette skjult i lang tid.
Svinviks arboret søker no etter sesongarbeidarar for sesongen 2022. Arboretet har behov for tre sesongarbeidarar, og gjeld i perioden mai – august, da arboretet er ope for publikum. Arbeidsoppgåvene vil i hovudsak bestå av å vere vertskap for besøkande, betjene kafe og kasse, baking/matlaging, servering, dagleg reinhald og anna forefallande arbeid. Omvisingar og enkelt hagearbeid kan og bli lagt til stillingane.