Vi fann 3621 artiklar i dette arkivet.
Frå 1. januar i år er det gjort nokre justeringar i straumstøtteordninga, som staten gjev til hushaldningar, når straumprisen, inkludert mva. er høgare enn 91,25 øre per kilowatt. Straumstøtta vil no basere seg på prisen frå time til time, og ikkje gjennomsnittsprisen for ein heil månad, som tidlegare. Straumstøtta vil framleis vere på 90 prosent […]
Styret i Surnadal Golfklubb kallar medlemmene sine inn til klubben sitt ordinære årsmøte tysdag 27. februar klokka 19:00. Møtestad er enno ikkje bestemt, men vil bli kunngjort i god tid før årsmøtet. Vanlege årsmøtesaker. Endeleg sakliste og forretningsorden blir kunngjort i god tid – i tråd med klubben si lov.
Som vi skreiv førre veke, etter at Kjell Gunnar Polden (MDG), hadde vore i kontakt med Atle Ræstad hos Fram Møre og Romsdal om å få endra avgangstid for siste avgang frå Rykkjem, som var meir tilpassa pendlarane. I dag fekk vi beskjed frå Fram og Atle Ræstad om at det blir nye ruter for ferjestrekninga 1061: Kvanne – Rykkjem frå måndag 22. januar.
Surnadal demensforening og helselag inviterer til «Nyttårsfest for eldre» i Surnadal på Thon Hotell Surnadal onsdag 24. januar klokka 17:00. Det blir servert middag, desert og drikke. Det blir også underhaldning, loddsal og moglegheit til å ta seg ein svingom, for dei som ønsker det!
Surnadal Golfklubb har i mange år arrangert turneringa «Et slag mot kreft», til inntekt for kreftsaka. Dette har tydeligvis vorte lagt merke til i Kreftforeningen, for no er det nemleg deltakarane frå Surnadal Golfklubb si turnering på Surnadal golfpark på Mo i 2023 som prydar heimesida etslagmotkreft.no.
Klokken 12:00 onsdag 10. januar gjennomfører politiet og sivilforsvaret ny Nødvarsel-test på mobil og med sivilforsvaret sine varslingsanlegg over heile landet, i ein felles nasjonal varslingsprøve.
Det er no fine forhold i alpinsentret og anlegget er for lengst kome i gang med drifta. I jula har det vore opningstider tilpassa skulefri og ferie, men no er ein i gang med ordinær opningstid. Det vil seie at anlegget er ope alle dagar unnateke tysdag og fredag. På kvardagar er opningstida 18-21, medan det på helg er ope 11-16. Opningstider kan avvike grunna vær- og føreforhold. Sjå oppdateringar på alpinsenterets Facebookside
EM I Randonee blir i år arrangert i Flaine/Chamonix i Frankrike i perioden 8. -12. januar. Trollheimen fjellsportklubb har i år med 3 deltakarar, og no er dei på tur, og her er dei knipsa da dei var på tur til innsjekkinga på Gardermoen i dag. Flyturen går vidare til Genève sammen med resten av delegasjonen frå Noreg.
Idrettslaget Søya kallar inn til årsmøte i klubbhuset på Søyabanen tysdag 20. februar klokka 19:30.
Som kjent foregår det arbeid på fergekaia på Kvanne, eit arbeid som fører til at siste avgang frå Rykkjem går klokka 22:05, ei avgangstid som gjer at pendlarane har store problem med å nå ferga, eller rettare sakt, ikkje når den. Da er alternativet å køyre om Kanestraum – Halsa, noko som forlengar turen med fleire mil og tek mykje lengre tid.
Handelsmann Nordvik sitt med Adresseavisa for 3. januar, og les om Joker Røyrvik som gikk konkurs ein av dei siste dagane før jul. Handelslekkasje er ein av grunnane til konkursen, men i fjellbygda Røyrvik er også grensehandelen eit problem. Røyrvik har i overkant av 400 innbyggarar, og hadde berre ein butikk, så når den gikk konkurs mista dei egentleg alt – butikken, medisinutsal og posten – i tillegg til eigedomsselskapet for butikklokalet. Strakshjelpa frå Røyrvik kommune var å sette opp buss til Namsskogan, slik at folk skulle få handle til jul.
Dei siste dagane har det vore landvind med fokk og rokk – gradstokken viser i dag 5 kuldegrader, men vind gjer at det kjennes som 11 kuldegrader skriv yr.no i si vêrmelding. Ein liten rundtur i dag tidleg viser oss at det faktisk er slik. Og vind skal det bli i fleire dagar, så vi får berre være glad at ikkje all snøen er laussnø – da ville det bli skikkeleg snøfokk. I meldinga til yr.no er det meldt vind i 5 m/sek og med 15 m/sek i kasta.