Vi fann 3527 artiklar i dette arkivet.
Gudstenesta i Stangvik kyrkje palmesøndag kveld blir ei vandring gjennom påskebodskapen i tekster, songar og symbol. Stangvik Jentekor har ein viktig rolle – med song og pantomime. Langfredagsdramaet i Bibelen blir framført som veksellesing av «Jesu Sju Ord på Korset» knytt opp til salmen «Naglet til et kors på jorden». Etter pantomime-tolking av oppstoda påskedag munnar […]
2016 er Stangvikfestival-år, men det er ikkje før 28.- 31. juli. Styret i festivalen tykkjer derfor det er alt for lenge til sjølve festivalen dreg i gang, så dei inviterer til operakafé på Bondehuset i Stangvik i morgon søndag 20. mars.
Mange har kanskje teke påskeferie allereie og gjort seg klar for årets påskeutfart. Men ingen påske utan påskekrim vil nokon påstå. Både på tv og i bokform. Som tidlegare nemnt kan vi i år óg skilte med vår eigen påskekrim her på todalen.no, etter fjorårets suksess «Kronhjort i måneskinn». Også i år er forfattar Guro Redalen, og ho har dei siste vekene fått på plass dei siste brikkane i eit nytt komplott som vi lesarane blir inviterte til å løysa etter kvart som helligdagane skrid fram.
I går kveld og i natt har det pakka seg opp med is og snø i elva ved hengebrua. Regn og mildvêr måndag gjorde at is og snø har lagt seg opp frå Engavet og oppover til hengebrua og til Heggøyan. I morgontimane i dag rann det over elvløpet og etter dyrkamarka utover Hallanesset.
Kven stolar du på? – Sjalusi er eit grønt monster som et kjærleik og blir til hat. Og da kan alt skje. «Forestillinga er en nydelig og lysende kraftprestasjon av Johanna Mørck, Hugo Mikal Skår og Anders Kippersund. Noen av øyeblikka røsker og river i et voksent menneske. Så det er kanskje noe å hente her for flere enn bare fjortiser?» skriv Sunnmørsposten og gir «Othello» terningkast 6. Onsdag kjem Teatret Vårt Ung til Surnadal kulturhus.
Jon Bruset tok turen til Talgø-Storhaugen og Tristeinan i dag, og rapporterer om kjempefint føre med pudder/silkeføre når du kjem til fjells. Det er køyrt opp spor frå Innerdalsmerket til Tristeinan og utover til skihytta på Ørsalfjellet. I dag var det strålane vêr, men litt skarp luft – men skiføret var av ypperste klasse.
Med sol frå skyfri himmel og lufttemperatur på 8-9 varme i sola er laurdagen ein praktfull dag i Todalen. Rett nok er det skarp luft etter nattempeeratur på 6-7 kuldegrader, men det er ein flott dag for uteaktivitetar. Vi tok ein rundtur for å sjekke forholda, og kan rapportere om fint skiføre både på Kårvatn, ved Innerdalsmerket og ikkje minst rundt omkring i bygda.
Då er det klart for å stemme fram vinnaren av månadens bilete for februar. Vi takkar alle bidragsytarar til dagens bilete! Hugs årsmøte for Todalen.no 8. mars, kor vinnaren av årets bilete for 2015 også blir avslørt.
Alle er nok spente på korleis påskevêret blir, og no ser vi kanskje konturane av påskevêret på yr.no. I langtidsvarselet ligg det nokre regdråpar og lurer over helga, men utover veka ser til å bli forholdsvis mildt med temperaturar opp mot 7-8 varmegrader. – Men altså ubetydeleg med nedbør og kanskje litt solgløtt utover veka.
Todalen.no hadde årsmøte tysdag kveld og i tillegg til vanlege årsmøtesaker stod kåring av «Årets bilete 2015» på agendaen. Det er lesarane som stemmer fram «Årets bildete» frå dei 12 månadsvinnarane og i knivskarp konkurranse med dei 11 andre månadsvinnarar gikk altså Tor Hansen heilt til topps ikonkurransen med biletet «Ung fisker». Motivet er ein flott solnedgang frå Nordmarka og premien er eit flott innrama eksemplar av vinnarbiletet.
Todalen sanitetsforening inviterte dei vaksne todalingane på middag i Sanitetshuset sist tysdag, der skanksuppe, saltkjøtt, pølser og kålrabistappe stod på menyen. Det var ein snev av forsinka feittysdag over menyen, og det sette gjestane tydeleg vis pris på, for det var over tretti til bords på 2 finpynta langbord i Sanitetens klubbhus på Kvennset.
Årsmøte i Todalen Idrettslag blir halde i Todalen ungdomshus torsdag 21. april 2016 kl. 19.00, melder styret. På agendaen står vanlege årsmøtesaker, og fullstendig sakliste blir tilgjengeleg frå seinast 14. april.