Vi fann 3575 artiklar i dette arkivet.
Surnadal demensforening og helselag inviterer til dekorasjonskurs på Hageland Surnadal måndag 22. november klokka 18:00 – 21:00. Her blir det lagt opp til ein sosial kveld, samstundes som dekoratørane Toril Kvande og Malin Sveen vil vise korleis ein lagar julekransar og andre dekorasjonar.
Her får du ni veldig flotte kandidater til månadens bilete for oktober.
Stem på det bilete du liker aller best.
Kommuneoverlegen i Surnadal kommune melder i dag føremiddag at kommunen har fått melding om eit påvist tilfelle av koronaviruset. Smittetilfellet gjeld ein eldre fullvaksinert person. Personen er isolert og smittesporing er sett i gang.
I dag lanserte Friluftsrådet Nordmøre og Romsdal nyheita Sammen på tur i turappen sin. Stikk UT! Sammen er det nyaste i tilbodet til Frilufstrådet Nordmøre og Romsdal, og noko Friluftsrådet har god tru på skal bli nok ein suksess for Stikk UT! konseptet.
Fredag 12. november, mellom klokka 12:00 – 17:00, er det igjen ope bakeriutsal hos Lia gard. Her er det mykje godt å få kjøpt, både grovbrød og kaffebrød.
Indre Nordmøre senioruniversitet inviterer til operatur til Festiviteten i Kristiansund onsdag 9. februar 2022. Det er oppsettinga av operaen «Tosca» i Festiviteten som er det endelege målet for turen, men det blir også middag og desert på Smia før operaen. Senioruniversitetet har reservert 40 billettar, så her er det berre å «kaste seg rundt» og bestille billettar.
Vi går unekteleg mot vinter og dårlegare turføre ute. Difor startar Surnadal Pensjonistlag opp att med «Bøy og tøy» i Meierisalen på Landbrukshuset. Første «Bøy og tøy» blir torsdag 11. november klokka 11:00 i Meierisalen på Landbrukshuset.
Eystein Opdøl har teke kontakt med redaksjonen for å etterlyse nokre sauer. Det er snakk om to unge søyer med to lam kvar, og ei søye med eitt lam. Sauene går vanlegvis i Innerdalen, men sidan Eystein ikkje har sett snurten av sauene under saueleitinga, mistenker Eystein at dei har trekt ned i liene i Todalen, utover mot Øyakjerringa/Virumkjerringa eller utover mot Vasnebba/Grånebba. Det er også mogleg dei har trekt innover mot Bjøråskaret og Storfjellet.
Torsdag 4. november klokka 19:00 inviterer Nasjonalforeningen for folkehelsen i samarbeid Surnadal demensforening og helselag alle til å bli med å sjå filmen «Vær her» på Surnadal kino. Filmen er gratis for alle som ønskjer å sjå den. Så har du lyst til å sjå den, så er det berre å krysse av datoen i kalenderen og møte opp på Surnadal kino torsdag 4. november!
Siste nytt på bokfronten er nok Astrid berit Hindhammer og mora Solveig Ørsal Hindhammer, som har skrevet slekts- og historiebok om slekta si. Dei to tek utgangspunkt i Ola og Ane (Anne) Ørsal og folket i Ørsalgeilen, og viser slektsforgreiningar både attover og framover, og kvar dei mange etterkomarane har hamna og kva dei har drive med gjennom tida
Frå 1. november blir det enklare å teste seg sjølv ved nyoppståtte luftvegssymptom og mistanke om koronavirus. I tråd med FHI sine anbefalingar vil Surnadal kommunen dele ut sjølvtestar til personar som har nyoppståtte luftvegssymptom. Frå 1. november kan du få nokon til å hente sjølvtestar for deg på servicetorget på kommunehuset mellom klokka 09.00 – 15.00. Personar som har symptom skal ikkje komme inn på kommunehuset!
Planlegginga av neste års «Vårsøghelg» er allereie godt i gang. I ei pressemelding frå Vårsøghelga no i ettermiddag, kan dei fortelje at neste års «Vårsøghelg» blir arrangert frå torsdag 26. mai til og med søndag 29. mai 2022. Litt av kva vi kan forvente om programmet, vart og offentleggjort i pressemeldinga. Under neste års «Vårsøghelg» får vi møte mellom andre Bjørn Tomren, kjent frå årets utgåve av «Stjernekamp» på NRK 1, da saman med Heine Bugge, og da under namnet «Polka Bjørn & Kleine Heine».