Vi fann 3518 artiklar i dette arkivet.
Frå 1. november blir det enklare å teste seg sjølv ved nyoppståtte luftvegssymptom og mistanke om koronavirus. I tråd med FHI sine anbefalingar vil Surnadal kommunen dele ut sjølvtestar til personar som har nyoppståtte luftvegssymptom. Frå 1. november kan du få nokon til å hente sjølvtestar for deg på servicetorget på kommunehuset mellom klokka 09.00 – 15.00. Personar som har symptom skal ikkje komme inn på kommunehuset!
Planlegginga av neste års «Vårsøghelg» er allereie godt i gang. I ei pressemelding frå Vårsøghelga no i ettermiddag, kan dei fortelje at neste års «Vårsøghelg» blir arrangert frå torsdag 26. mai til og med søndag 29. mai 2022. Litt av kva vi kan forvente om programmet, vart og offentleggjort i pressemeldinga. Under neste års «Vårsøghelg» får vi møte mellom andre Bjørn Tomren, kjent frå årets utgåve av «Stjernekamp» på NRK 1, da saman med Heine Bugge, og da under namnet «Polka Bjørn & Kleine Heine».
Søndag 31. oktober mellom klokka 12:00 – 16:00 er det open kafé og bakeriutsal hos Slettneset steinovnsbakeri. Så da er det mogleg å ta turen for ein kopp kaffe med noko godt å ete attåt, eller berre stikke innom å kjøpe noko godt for å ta med seg heim!
Fredag 29. oktober er det ope bakeriutsal hos Lia gard. Opningstida er mellom klokka 12:00 og 17:00. Førehandsbestilling av skulebollar og/eller grovbrød innan onsdag 27. oktober klokka 18:00. Lia gard leverer også, på bestilling, varer til bedrifter.
Den digitale trimregistreringa «På tur i Todalen» går så det susar. I dag lanserer difor Trimgruppa den 25. turen, etter tips frå ein ivrig brukar. Om vedkommande tykte at 24 var eit uryddig tal, eller at det var fleire som burde ta den fine rundturen i Øyalia, som var grunnen skal ikkje seiast. Uansett er det no mogleg å registrere seg på Berga, kor ny og gammel skogsveg i Øyalia møtes. Registreringa «ligg» rundt benken her.
Tordenskjold songlag inviterer til countrykveld i Myrvang forsamlingshus laurdag 30. oktober klokka 19:30. Tordenskjold er glade for at det er mogleg å arrangere sosiale samlingar att, og gler seg til å kunne synge for publikum. Billett kr. 250,- ved inngangen.
Årets influensavaksinering i Surnadal kommune vil gå føre seg på Surnadal kulturhus i Svorkasalen 1., 2. og 3. november. Dette opplyser Surnadal kommune på sine heimesider «surnadal.kommune.no». Du kan bestille deg time ved å gå inn på «c19.no», Influensavaksinering.
Dersom du treng hjelp og ikkje har nokon til å hjelpe deg, eller du må utsette vaksinen og treng råd, kan du sende e-post til : vaksine@surnadal.kommune.no, eller ringe vaksinetelefonen 913 79 001 måndag-fredag mellom klokka 09:00- 11:30. Hugs da å oppgi personnummer og mobilnummer.
I dag varta vêrgudane opp med skikkeleg fint haustvêr da Todalen sanitetsforening sin Kløvertur-gjeng tok turen til Toåa tursti. Etter nokre Kløverturar med skikkeleg dårleg vêr, tykte gjengen at det var godt å få ein tur der ein kjente sola varme litt att.
På formiddagen i dag var næringskonsulent Harald Bredesen og IT-sjef Pål Ranes frå Surnadal kommune innom Matkroken Todalen for å optimalisere informasjonsskjermen i kaffekroken. Grunnen til dette er at sidene tidlegare har skifta kvart 10.sekund, noko som gjorde det vanskeleg å få lest informasjonen på informasjonsskjermen på ein god og informativ måte.
I ein e-post som tikka inn søndag kveld, etterlyser Elin Moen Lysø, på vegne av Mo skulekorps, uniformer som tilhøyrer korpset. Dei håper å få inn uniformer, som framleis heng rundt om kring i heimar i Øvre Surnadal, Todalen, Kvanne og Stangvik. Uniformene er frå den perioden Mo og Stangvik hadde felles skulekorps.
I dag mellom 12:00 – 16:00 inviterte Indre Nordmøre Forsvarsforening til open dag krigsminnesamlinga på Åsen. Det kom godt med folk for å sjå på utstillinga. Krigsminnesamlinga på Åsen inneheld forskjellege våpen, militærutstyr og uniformer frå andre verdenskrig (1940 – 45), med tilknyting til krigshistoria frå Surnadal kommune.
Morgenstund oppå Ørsalmyrå av Sondre Halset vant månadens bilete for september. Det var jamnt i toppen, men med 95 av 299 stemmer vant altså Sondre denne månaden