Vi fann 455 artiklar i dette arkivet.
Søndag 4. mai kl 11.00 er det konfirmasjonsgudsteneste i Todalen kyrkje, med sokneprest Bernt Venås. Det er i år 3 konfirmantar i Todalen sokn; Ole Stensby, Frikk Hauglann Talgø, Thea Saksen Ulvund. Takkoffer til kyrkjelydsarbeidet.
Måndag kveld var det kyrkjegardsdugnad, med rydding av rusk og rask og lauvraking etter ein lang vinter. Eit par team dreiv også med oppretting av minnestøtter som telen hadde herja med i vinter. Til tross for at vêrgudane varta opp med surt regnvêr var det mange frammøtte og god stemning blant dugnadsgjenen. Sjølvsagt vart det […]
Lettskya og 13 varmegrader – og bitte liten vindtrekk (1 m/sek) frå sør-vest! Det er vermeldinga for Todalen til 2. pinsedag, da Todalen sokneråd og trimgruppa i Todalen I.L. inviterer til friluftsgudsteneste på Haugligardan. På Haugligardan er det i ferd med å bli grønt, og finare tilhøve for friluftgudsteneste kan ein vel ikkje få?
Kristiansund festivalkonsert og solist Sigrid Vetleseter Bøe gjesta skjærtorsdag ettermiddag Todalen med sin Påskekonsert. Mellom 80 og 90 konsertsugne publikum hadde mått fram i Todalen kyrkje for å la seg underhalde av sopranen Sigrid V. Bøe og festivalkvartetten, som betod av Alex Robson på fiolin, Åshild Breie Nyhus, fiolin, Anders Rensvik, bratsj og Joakim Munkner på cello. Og publikum fekk valuta for pengane!
Kjerringdilten er ein årleg tradisjon ved Skihytta på Ørsalfjellet. I år er føresituasjonen slik at Todalen Idrettslag desverre ser seg nødd til å avlyse arrangementet som skulle gått på langfredag. Det er meldt tildels store nedbørsmengder på torsdag, og det vil bare forverre situasjonen. Hytta er imidlertid bemanna på langfredag, så det kan by seg både kaffe og bakels dersom du tek turen likevel. Knut og Torkjel sørgjer for sol, bakels og kaffe frå kl 12!
Konsert kan vera kulturell påskeniste, seier organist Bernt G. Bøe og soknerådsleiar i Todalen, Ildri Øyen. Nordmøringar har eit fint tilbod skjærtorsdag og langfredag. Festivalkvartetten (Alex Robson og Åshildf Nyhus, fiolin, Anders Rensvik, bratsj og Joakim Munkner, cello) og solist Sigrid Vetleseter Bøe framfører klassisk og nyare musikk for song og strykarar.
Påska er også tid for musikkoppleving! I årets stille veke kan nordmøringar nyte strengeklang og arier i Todalen og på Sunndalsøra skjærtorsdag og i Nordlandet og Tingvoll langfredag. Festivalkvartetten spelar med Sigrid Vetleseter Bøe som songsolist. Kvartetten består av fiolinistane Alex Robson og Åshild Breie Nyhus, bratsjisten Anders Rensvik og cellisten Joakim Munkner. KKKK-Festivalen i Kristiansund produserer konsertane.
Tysdag kveld deltok årets konfirmantar i Fasteaksjonen til Kirkens nødhjelp. Med god hjelp frå foreldre og søknerådet besøkte dei alle heimar med bøssene sine, og resultatet frå aksjonen vart 7700 kroner. Dette er litt mindre enn i fjor, og det har nok si orsak i at det var mange som ikkje var heime.
6.-8. april går Kirkens Nødhjelps fasteaksjon 2014 av stabelen. Då vitjar konfirmantar, unge og vaksne frå Surnadal, Stangvik, Todalen, Åsskard og Rindal alle husstandane for å samle inn pengar til Kirkens Nødhjelps arbeid. I Todalen kjem konfirmantane rund bygda tysdag fra klokka 17.00 og utover.
– Når ein katastrofe rammar, jobbar Kirkens Nødhjelp for å gje flest mogleg ein sjanse til å overleve. Men, behovet for naudhjelp og vern er stort i lang tid framover. Det ser vi både i flyktningeleirane på grensa til Syria og i gjenoppbygginga på Filippinene.
Det var konfirmantane som var i fokus søndag kveld. Da var det nemleg ungdomsgudsteneste i Todalen kyrkje, der alle konfirmantane i Stangvik prestegjeld var samla. Og gudstenesta var det konfirmantane sjølv som heldt, med litt hjelp frå soknepresten Bernt Venås som var god å ha når prekena skulle gjennomførast. Men konfirmantane kom godt ut av det med gudstenesta, og lyt jammen få skryt for gjennomføringa.
Den nye «Norsk Salmebok» er tema for songkvelden og kyrkjelydsmøtet i Todalen onsdag kveld. Todalskoret og Åsskard Kyrkjekor presenterer eit breitt utval av songar frå boka – både som korsong og i lag med forsamlinga. Mange folketonar frå Nordmøre har fått plass i boka – blant desse to frå Stangvik, ein frå Halsa og ein frå Rindal.
Todalen sokneråd ønskjer alle velkomen til songkveld med årsmøte onsdag 26. mars kl 19.30. Da vil Todalskoret og Åsskard kyrkjekor synge frå Den nye norske salmeboka. Etterpå er det årsmøte, og sjølvsagt kyrkjekaffe.