Todalen Bondelag Arkiv

Onsdag den 15. august inviterer Surnadal Bondelag til møte om grovfôrsituasjonen i regionen. Møtestart er kl 19.30 og finn stad i kommunestyresalen på Herradshuset skriv leiar Jan Henrik Moen i Surnadal Bondelag.

Det går full krise i jordbruket på grunn av store tørkeskader. I Todalen ser det ut til å være verst på Kvennset, der 2.-slåtten ser ut til å bli på 30 % av normal avling og knapt nok det, seier Ola Kvendset som drivar i Viastua. – Eg må heilt sikker redusere med 10 – 15 dyr og kanskje meir. Nå er håpet at vi får ein god 3.-slått, og regnet som kom i dag har faktisk vore til god hjelp.

For tredje året på rad har Felleskjøpet Agri og Trioplast produsert opp farga rundballeplast som støttar eit godt formål. I år er plasten gul, og 30 kroner av kvar solgte rull går til Barnekreftforeninga. Det er totalt produsert opp 10 000 rullar, der kvar av Felleskjøpet Agri, Trioplast og bonden gir 10 kroner kvar pr rull til […]

I media kan vi lese om dei ekstreme tørkeproblema i Sør-Noreg som vi og har føling med her på Nordmøre. I dag tromma bondelaga, banken, Landbruk Nordvest, Tine og Surnadal kommune saman til møte for å diskutere problema som har oppstått og eventuelle tiltak som kan gjerast. I Surnadal vil ein avvente 2. slåtten som startar om eit par veker før nevneverdige tiltak settes inn, så dagens møte var meir av førebuande karakter.

Etter ein vellykka rundtur rundt Todalen for Aud Lindset Drågen ved Fylkesmannens kontor saman med lokale utsendingar frå Todalen og Surnadal vart det i invitert til informasjonsmøte i Todalen Ungdomshus i går kveld. Dette vart ei fin og ikkje minst informativ avslutning på ein innhaldsrik dag. Møtet var åpent for alle, og Todalen Grendalag var godt fornøgd med oppmøtet trass kort planlegging. -Dette vart verkeleg bra konkluderte Jostein Bruset. Vi fekk både inspirasjon og informasjon!

Det er litt ujevnt med grasmengde og fôrkvalitet rundt bygda, men det er på det næraste eit normalår. Den siste veka har det vore full aktivitet og slåttonn over heile bygda. Ståle Ansnes er leiar i Todalen Bondelag, og er sjølvsagt oppteken av fôrmengde og fôrkvalitet no midt i slåttonna. Sjølv er han partner i Todalen Mjølk, og dei må ha 5000 siloballar på lager når dei når september dersom dei skal kome seg gjennom vinteren.

Ola Kvendset er i gang med slåtten – han er først ute i år, men det er mot sin vilje fortel han. – Må berre starte på no, for det er så tørt at graset minkar for kvar dag som går no. Lite regn, men mykje sol og høg temperatur gjør at den tørkesvake jorda på Kvennset no tek skade av tørken.

I kveldinga inviterte Ola Kvendset bygda til kuslepp i Viastua. Ikkje så alt for mange tok turen, men det brydde dei seg lite om dei vel 40 kyrne som endeleg fekk ut og nyte den fine maikvelden. 

Fredag kveld inviterer Ola Kvendset til kuslepp ved Viastua. Etter ein lang vinter blir fjøsdøra opna mot uteplassen, og kyrne får dermed kome ut på lovbestemt sommarferie.  Vi kan rekne med mange og kåte sprell når det går opp for dem at det har vorte sommar på Kvennset.  Dørene opnes altså i 19.30-tida fredag kveld, […]

For Olaug Kvendset stod valet mellom å satse vidare eller å gi seg med mjølkeproduksjonen. Valet vart det siste, og heilt sia i fjorhaust har gardstunet på Utigard Kvendset vore prega av byggeverksemd. Frå påske har det vore full trøkk på fjøsbygginga, og mesta før telen var borte starta Hallvard jr, Aasmund og Asgeir med grunnarbeidet og riving av dei gamle tårnsiloane, fortel Olaug. Med dette arbeidet hadde dei god hjelp av Per Gjeldnes Maskin. – For å få plass til bygge saman det nye mjølkfjøset med det gamle fjøset, måtte også Lundebekken flyttast og leggast i rør.

olli Skog er i gang med stor tømmerdrift i Halsetlia. Det er mellom 2- og 3.000 m3 som skal drivast ut i denne omgangen. Både gran, furu og lauvtre skal hoggast og fraktes ned til Øraekra det det er lunningsplass for både tømmer og ved.

Forleden arrangerte Todalen Bondelag sitt årsmøte for 2017. Ola G. Kvendset som har vore leiar i nokre år, gikk heilt ut av styret, og ny leiar vart Ståle Ansnes. Ståle er ikkje ukjent med denne posisjonen, og har tidlegare sitte som leiar i ei årrekkje.