Todalen sanitetsforening Arkiv

Måndag 20. mai inviterer Saniteten til RUSLETUR i Kvennsetøran bustadfelt. Denne gongen blir det oppmøte ved Sanitetshuset der vi skal ha base. Vi møtest til vanleg tid kl. 11.00.

Måndag 13. mai vart det Stikk UT!-tur for Kløverturgjengen, Tjønnmyranrunden! Dette er ein riktig så fin tur som passar godt til Kløvertur.

Kløverturen måndag 13. mai blir Stikk UT!-runden om Tjønnmyran. Oppmøte ved Hals, samkjøring derifrå kl. 11.00 oppover til Gammelfabrikken.

Kanskje er den hardaste handarbeidssesongen på hell, det er heller sesong for hagearbeid, våronn og uteliv. Laurdag ettermiddag var det nemleg litt færre enn vanleg som møttest i Sanitetshuset til Fredrikkekaffe. Men dei fjorten som var på plass, fekk ei kjekk stund i lag.

Todalen sanitetsforening inviterer til Fredrikkekaffe i Sanitetshuset laurdag 11. mai frå kl. 13.00 – 16.00. Alle er velkomne!

Etter veker med finver og gode temperaturar vart det på nytt vinter. Men kløverturgjengen tok ut på tur likevel og fekk ein fin runde innover skogsvegen frå Sanitetshuset.

Sanitetsforeninga inviterer til Kløvertur måndag 6. mai. Denne gongen startar turen frå Sanitetshuset kl. 11.00. Det blir tur innover skogsevgen eller oppover til Løfta.

Etter er ein lang påskepause vart det endeleg Kløvertur igjen. Denne siste måndagen i april var turen lagt til Hala og Husby med Åshild som guide. Veret var strålande, meir sommar enn vår! Og det er riktig så tørt og fint å gå i terrenget.

Måndag 29. april er det klart for ny Kløvertur. Denne gongen blir det rundtur på Hala og Husby. Oppmøte på Hals kl. 11:00, samkjøring oppover til Austistua.

No er det snart mai, og det er tid for å pynte både seg sjølv og bilen eller andre kjørety litt ekstra. Todalen sanitetsforening vil selje maiblomster laurdag 4. mai framfor Hals frå kl 10.00 til kl. 16.00.

I dag var alle Russ-19 inviteret til det årlege russetreffet hos Surnadal Sparebank. Som vanleg var helsesjukepleiar, ambulanse, politi og sanitetsforeningane i Surnadal til stades for å komme med velmeinande tips og råd til ei trygg, inkluderande og artig russefeiring. Emma Sæter og Oda Kårvatn er Todalen sine «representantar» når dei i morgon ettermiddag startar med russedåp og feiring til den 17. mai.

Måndag 8. april kom med retteleg finver og sol, om enn litt skarp og kald luft, og det vart ein kjempefin Kløvertur utover etter Haltbakkvegen på Nordvik.