Vi fann 1778 artiklar i dette arkivet.
Søya/Todalen sitt G12 lag er på tokt i Hustadvika kommune i helga. Dei skal spele heile 3 kampar på 2 dagar med innlagt overnatting på Hustadvika Gjestegård på Farstad. Så her får laget god tid til lagbygging og sosialt samkvem med kvarandre. I løpet av helga skal Søya/Todalen spele mot Ekko/Aureosen laurdag kl. 12, mot Bud laurdag kl. 17 og til slutt mot Bryn på søndag kl. 12.
Stikk UT! Maraton – hvor mange turer kan vi i Møre og Romsdal gå i Friluftslivets uke?
Friluftsrådene i Møre og Romsdal ønsker å være med på den landsomfattende markeringen av Friluftslivets uke. Vi gjentar suksessen fra i fjor og inviterer nye og gamle Stikk UT! -deltakere med på en spennende utfordring, nemlig Stikk UT! Maraton! I 2019 ble det registrert over 23 600 turer under Stikk UT! Maraton. Hvor mange turer kan vi klare å gå i år? Alt bygger på det kjente Stikk UT! -konseptet, med de samme 436 turmålene å velge mellom.
Torsdag 3. september er det fotballkamp mellom Søya/Todalen G9/10 – Surnadal G10 1 på Bordholmen kl. 18:00! Då er det duka for første kamp på Bordholmen denne sesongen. Koronasituasjonen har ført til at sjølv om vi no skriv september så har sesongen knapt starta for borne- og ungdomsfotballen. For Søya/Todalen G9/10 er dette tredje kampen denne sesongen.
Måndag ettermiddag kl. 19:45 var det trekning i Sommarlotteriet til Todalen Idrettslag. Totalt vart det selt 870 lodd, noko som gjev 17.400 kroner til drifta av idrettslaget. Inntekta frå lotteriet er særs kjerkoma i desse Koronatider der det er vanskeleg å finne inntektskjelder til drifta av idrettslaget.
Onsdag kveld var det G9/10 kamp mellom Grøa og Søya/Todalen på Grøa stadion. Dette var Søya/Todalen sin andre kamp i årets forkorta sesong. Spel- og resultatmessig vart denne kampen ein stor opptur i høve til første kamp mot Tingvoll.
I går spela Søya/Todalen sitt G12 lag kamp mot Eidsvåg på Søyabanen. Men allereie i dag (søndag) venta ein ny kamp mot Smøla G12 på Smøla. Så det vart ikkje mykje tid til restitusjon og kvile. Ei lang reise før kamp var nok heller ikkje ideelt for å «lade batteria» fullt ut att etter gårsdagens […]
Laurdag var det duka for seriekamp mellom Søya/Todalen G12 og Eidsvåg G12. Kampen markerte avslutninga på I.L. Søya sin aktivitetsdag som vart arrangert mellom kl. 11 og 14 i staden for årets Søya Cup, som måtte avlysast på grunn av Koronasituasjonen. Eidsvåg vann kampen til slutt med god margin. Søya/Todalen sin målscorar var Marius Kvande.
I kveld var det friidrett på Bordholmen i finveret. 8 ungar hadde teke turen for å konkurrere med seg sjølv i 5 øvingar.
Måndag kveld var det endeleg klart for kamp for Søya/Todalen sitt G9/10 lag på Søyabanen. Etter mange månader med berre trening og terping kunne endeleg gutane kle på seg drakta og entre banen for å spele kamp. Første kamp var mot Tingvoll. Dette var òg første gongen laget spela fotball på 7-ar bane, og det prega dei litt i starten, men det betra seg mykje etter pause. Likevel vart Tingvoll for sterke, og vann kampen til slutt med god margin. Men spelarane får ein ny sjanse allereie neste måndag.
Barne- og ungdomsgruppa i Todalen I.L. melder at det blir friidrett på Bordholmen følgjande torsdagar framover:
20. august kl. 17:30 – 18:30
27. august kl. 17:30 – 18:30
3. september kl. 17:30 – 18:30
10. september kl. 17:30 – 18:30
17. september kl. 17:30 – 18:30
I dag vart dugnadsgjengen samla for å legge torvtak på gapahuken på Tjønnmyra. I samband med bygging a ny lysløype her vart det sett opp ein stor gapahuk, slik at det skulle være ein plass å kome under tak. Gapahuken har mange fasilitetar og er nok medverkande årsak til at anlegget er så mykje bruka – både vinter og sommar.
Rykker det i turfoten, men du har gått deg litt lei av dei faste trimpostane? Får du besøk i helga og lurar på kva du skal vise fram av bygda? Er du ny i bygda og ser ikkje stiane for berre fjell? Fortvil ikkje, 11 ulike turar med ulik pulsgrad ligg ute på nettstaden morotur.no. Og […]