Todalen Idrettslag Arkiv

Tysdag 4. januar mellom klokka 17:30 – 18:30 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den timen «Barn i løypa» foregår. Det blir på grunn av smitteverntiltaka som gjeld, ikkje servert drikke, så dette må kvar enkelt ta med seg sjølv. 

Vi har fått ei lita oppdatering frå trimfronten i Todalen frå leiar i Trimgruppa i Todalen Idrettslag og tidlegare skribent her på Todalen.no, Elinor Bolme. Ho skriv: – I dag fekk vi registrering nr 1000 i trimturappen for Toaå Tursti etter oppstarten 1. oktober. Vi er no i desse dagar snart oppe i 3000 registreingar fordelt på 102 aktive trimarar. Todalingane er med andre ord gode på å halde seg i form!

I middagstida i dag, vart det gjennomført trekning i Trimgruppa i Todalen Idrettslag sitt «Romjulsmarsjlotteriet». Det var Jenny Stensby, Lars H. Kvendset og Ståle Ansnes som gjennomførte trekninga på vegne av Trimgruppa. Det var heile 10 gevinstar gjeve av lokalt næringsliv, og det var selt 766 lodd. 

Romjulsmarsjen er ein godt innarbeidd traisjon i Todalen – tradisjonelt har det vore to «gløggstasjonar» – på Bruset og på Sandstad – med registrering, og med utdeling av medaljer som eit synleg bevis for deltaking.  I år er opplegget endra, og sjølvsagt tilpassa situasjonen med smittefare for covid-19, og det gjorde ein forskjell som kanskje ga årets Romjulsmarsj rekorddeltaking. Tilsaman vart det 165 deltakarar, pluss 2 hestar og eit utall hundar – noko TILs trimgruppe er godt nøgd med.

Trimgruppa i Todalen Idrettslag melder at traseen i Toåa tursti no er klar til «Romjulsmarsjen 2021», som går av stabelen i morgon mellom klokka 12:00 og 15:00. Traseen vart i kveld køyrt opp med scooter, og det blir meldt at forholda for å gå på tur skal vere ganske bra. 

Trimgruppa i Todalen Idrettslag inviterer til koronadempa Romjulsmarsj med ny vri. Gjeve premiar, utlodning og fleire turalternativ til å lufte seg på 3. dag jul mellom 12:00 og 15:00.

I dag vart det montert nye ishockeyvant rundt skeisebanen på Bordholmen stadion. Todalen Idrettslag har investert rundt 115.000 kroner i nye ishockeyvant. Samtidig er det og investert i ein snøfres for å halde snøen borte frå skeisebanen, så no er det berre kuldegradane som manglar, før det blir skeiseis på Bordholmen att! 

Etter at det vart laga ein avtale mellom Todalen Idrettslag og Surnadal kommune, om leige av gymsalen på Todalen skule, har Barne- og ungdomsgruppa hatt fleire «balleikar» på tysdag og torsdagar. Dette har, som vanleg, vore ein populær aktivitet for aldersgruppa 7 – 15 år. 

Måndag kveld var det klart for vinterens første «Barn i løypa» i lysløypa på Tjønnmyra. Gradestokken viste så vidt nokre blå grader, og forholda for skigåing var gode i godt preparerte løyper. Det er mange år sidan «Barn i løypa» sosongen har kunne starte så tidleg som dette, så er ein like heldig som i fjor, med resten av sesongen, så blir det mange «Banr i løypa» å sjå fram til, både for små og store. 

Måndag 13. desember klokka 18:00 – 19:00 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den timen «Barn i løypa» foregår. Det blir på grunn av smitteverntiltaka som gjeld, ikkje servert drikke, så dette må kvar enkelt ta med sjølv. 

Med bakgrunn i dei nye smitteverntiltaka, som vart presentert tysdag, og etter samråd med lokale helsemyndigheiter, har Todalen Idrettslag bestemt at Hett & Svett skal halde ope, nesten som normalt, men med nokre viktige smitteverntiltak. Todalen Idrettslag håper at brukarane følgjer desse smitteverntiltaka, slik at ein slepp å iverksette ytterlegare tiltak eller rett og slett må stengast. 

I går kveld kom regjeringa med nye nasjonale smitterverntiltak. Styret i Todalen Idrettslag har med bakgrunn i desse tilpassa drifta si til dei nye smitteverntiltaka. Dette inneber at «Revyfesta» 3.juledag (27. desember) blir avlyst, medan «Romjulsmarsjen» går som normalt!