Vi fann 1808 artiklar i dette arkivet.
Kvar vinter går det med ein del ved for å fyre i paisen i gapahuken ved lysløypa på Tjønnmyra. Barne- og ungdomsgruppa i Todalen Idrettslag har også i år teke på seg jobben med å fylle opp att vedlageret. Dei har i det siste difor kappa, kløyvd og lagt opp veden, slik at den er tørr og fin når den skap brukast.
Det har lenge vore etterlyst at klatrerommet i reiskapshuset på Bordholmen stadion, skulle ha vore opna att. På styremøtet i Todalen Idrettslag onsdag kveld, vart det vedteke å opne klatrerommet, med tilsyn måndag 13., 20. og 27. juni, frå klokka 18:00 – 20:00. Dette er førebels ei prøveordning.
Akkurat no går French Open av stabelen i Paris, der nordmannen Casper Ruud søndag spelar finale mot Rafael Nadal frå Spania. Også på Bordholmen er det «topptennis» denne helga. Ole Magnus og Olaus er glade i å spele tennis, og nyttar høvet til å spele når dei er på besøk i Todalen og vêret tillet dette!
I kveld spela Søya/Todalen G10 heimekamp mot Tingvoll på Bordholmen stadion. Sjølv om vêrgudane ikkje varta opp med det beste vêret å spele fotball i, så var det bra med tilskodarar på kampen.
Onsdag 1. juni klokka 18:00 er det fotballkamp mellom Søya/Todalen – Tingvoll G10 på Bordholmen stadion. Det blir open kiosk med sal av brus, kaffe, bakels med graut og andre forfriskingar.
Servicetekniker Jack Morstøl frå Sportsmaster AS i Tønsberg var i dag på Heitt og Sveitt for å ta ein grundig service på treningsapparata. – Dei aller fleste apparata er innkjøpt frå same firma, og med såpass mykje bruk av treningsrommet til idrettslaget, er vedlikehald på utstyrsparken våre eit must for lang levetid, seier leiar Elinor Bolme i Todalen Idrettslag.
No er det komme enda ein attraksjon i Toåa Tursti. Ragnhild er ein ihuga todalspatriot, og ivrar for at kunnskap om bygda når fram til kommande generasjonar og andre interesserte. I den anledning kom det ein førespurnad om det kunne opprettast eit pop-up-bibliotek i gapahuken i Båthølen. Her kan alle som fer innom, no finne eit og anna å lese i.
I kveld var det lokaloppgjer mellom Søya/Todalen sitt J11 lag og Surnadal på Bordholmen stadion. Ulikt mange lokaloppgjer, så vart dette eit lokaloppgjer med mykje godt spel og mange scoringar. Første omgang var i starten jamspelt, med mykje godt spel, frå båe lag. Utover i omgangen overtok heimelaget meir og meir av banespelet. Dette resulterte […]
PÅ grunnlovsdagen inviterte Todalen Idrettslag alle sambygdingar og andre interesserte til frukost på Bordholmen. Og mange tok nok mot invitasjonen og på det meste vart det nok godt over hundre til bords på «uterestauranten» framfor klubbhuset. Leiar i Todalen I.L., Elinor Bolme, tykte det var stor stas med det fine vêret og alt folket hun hadde til bords i formiddagstimane på grunnlovsdagen
Onsdag 18. mai klokka 18:00 er det duka for lokaloppgjer mellom Søya/Todalen J11 og Surnadal på Bordholmen stadion. Dette er lokalfotballens El classico, så her er det berre å møte opp, for å få sjå god fotball og noko ein godbit frå kiosken!
Tysdag 17. mai klokka 11:00 inviterer Todalen Idrettslag, med samarbeidspartnarar, til 17. mai-frukost på Bordholmen stadion. Det blir servert frukost-bufeet med brød og mykje godt pålegg. Todalen meieri sponsar yoghurt og Pestua gard egg. I tillegg bidreg Todalen sanitetsforening og Todalen bondelag med økonomisk støtte, slik at frukosten i år blir sterkt rabattert, i høve til tidlegare år. Og om ikkje dette var nok, så spanderer Matkroken Todalen is på alle ungane etter frukosten!
I går kveld spela Søya/Todalen sitt G10 lag sesongens første seriekamp denne sesong. Motstandar var Dahle frå Kristiansund, og kampen vart spela i Kristiansund. Heimelaget kom best i gang i kampen, men bortelaget kom meir med utover i kampen.