Vi fann 221 artiklar i dette arkivet.
Vi har rimeleg gode bevis på at laksen biter godt i sol og varme. Dei siste dagane har vore utfordrande for ein og kvar som må jobbe og stå på. Men vi kan ikkje klage, for det er vel akkurat slike dagar vi har drømt om å oppleve under sydens sol. I Toåa biter iallfall laksen godt, og i løpet av dei 6 første dagane i årets sesong er det kome på land tilsaman 20 laksar med ei gjennomsnittsvekt på 5,4 kg og den totale fangsten er i skrivande stund kome opp i 108,7 kg.
Det har vore godt fiske i Toåa sia starten på laksefisket natt til måndag. På laksebøresn er det i skrivande stund registrert 12 laksar med ei gjennomsnittsvekt på 5,8 kg, og av desse er det 4 laksar over 7 kg, som dermed kan betegnast som storlaks. Men dramatikken i dag skjedde på Ramsøyvaldet…
Kjell Vidar Sigvartsen er dagens mann i Raudåhølen – 10,0 kg viste vekta da laksen var komen på land etter 25 minutt med spenning. For spenning var det til gangs da laksen mesta var komen inn – og så rusa utatt rundt 50 meter igjen. Eg må berre tilstå at eg vart litt skjelven før eg fikk han på land, seier Kjell Inge som kjem frå Eidsvoll.
Det kan kanskje ikkje være berre flaks når ein får to storlaksar med berre nokre timars mellomrom. Det gjorde nemleg Johan Nygård frå Vågland og det er ikkje første gongen han tek storlaks i Toåa.
Tida for vårløysing i fjellet er forlengst komen, og sjølv om vi opplevde å få mykje nysnø for 2-3 veker sia, så er vårløysinga no i full gang, og det ber da også elva preg av. Dei siste dagane har NVEs målestasjon ovafor Storfossen målt mellom 30 og 60 m3/sek kvar dag. Vassføringa så langt toppa seg i går med omtren 60 m3/sek. Men mildvêret vil nok fortsette, og vi må nok rekne med stor vassføring i fleire veker framover. Det er nemleg mykje og vannrik snø i fjellet – og alt skal ned etter elva.
På lik linje med mange andre lag og organisasjonar har Todalen Elveeigarlag utsett sitt årsmøte på ubestemt tid. Det er sjølvsagt situasjonen med risiko for spreiinga av koronavirus som er årsak til det, melder leiar Arbjørn Karlsen i elveeigarlaget. Karlsen fortel vidare at det sittande styret i elveeigarlaget av same grunn vil fortsette i sine funkjonar inntil vidare.
Måndag vart vi invitert med på utsetting av øyerogn i Toåa. Rossåa settefisk setter årleg ut smolt og 1-årig yngel, og dersom dei har overskot på rogn blir det sett ut befrukta rogn – øyerogn – i såkalla Vibertboksar. Til saman var det mellom 19- og 20.000 øyerogn som skulle settast ut på 2 plassar i Toåa. Nokre vart sett ut ved Romåhølen, medan resten vart sett ut ved Engjavadet i Halanesset.
Dei siste par månadene har prosjektet Toåa tursti kome i skuggen av julefeiringa, men no blir det full rulle utover våren, fortel Elinor Bolme som er ein av initiativtakarane for prosjektet. Laurdag var det dugnad, der skogrydding stod på dagsorden. Rundt 20 deltakarar på dugnad denne laurdag føremiddagen er heilt storarta, seier Nils Ove Bruset som er leiar i Todalen I.L. som står attafor prosjektet som største bidragsytar.
Etter ein lang og kald periode er det no duka for litt mildare vêr dei komande dagane. Vi kan faktisk vente oss nokre få varmegrader og søraust vindretning fram til torsdag i neste veke. Da blir det igjen litt kaldare, med nokre få kuldegrader i starten – men altså stabil sør-aust vindretning uten nedbør heilt fram til neste helg.
Når dette skrives er det knappe 30 timar til laksefiskesesongen 2019 er slutt i Toåa. I Toåa er det fiske etter dei anadrome fiskeslaga, laks og aure, frå og med 15. juni til og med 15. august. Denne sesongen har vore prega av lite nedbør og dermed låg vassføring. Den siste tida har vassføringa vore mellom 1 og 2 m3/sek ved Storfossen, og det er alt for lite. Det bør være minst 8-12 m3 for at det skal vøre god fiskarelv, fortel erfarne laksefiskarar.
Fylkesmannen og Miljødirektoratet følgjer laksefisket i elvane, og signaliserte tidlegare i vår at det skulle gjerast ei midtsesongevaluering av laksefisket i elvane. For Toåa vart dette gjort for nokre dagar sia, og Todalen elveeigarlag konkluderer med at gytebestandsmålet er nådd, og er nøgd med det, seier leiar Asbjørn Karlsen. Dermed er det klart at det ikkje blir sett i verk regulerande tiltak for laksefisket i Toåa.
Etter at laksefisket starta 15. juni har det vore variabelt fiske, med 3-4 lakser de par første dagene og deretter har det vore både for lita og for stor vassføring. Etter at siste regnvêret ga seg har vassføringa gått ned frå rundt 30 m3/sek til rundt 10 m3/sek i dag. Det blir rekna for å være fin fiskarelv, og etter at sola har varma litt er også temperaturen på plass. Sjølv om ikkje laksebørsen er oppdatert veit vi at det i dag vart landa ein laks på 9 kg i Romåhølen.