Vi fann 190 artiklar i dette arkivet.
Første turen til Todalen og laksestart i Toåa blir nok eit minne for livet for Andreas Lindbek frå Halden. Han har tilhald på Todalshytta, saman med faren Rune og hans kamerat Frank Haugrim. Ved øvre Teindammen stod Andreas og frista laksen med flue og eihands fluestong, da den første laksen hogg seg fast i flua. Laksen var ikkje så stor, men det var den første laksen i Todalen for Andreas – og gleda var stor!
Allereie første timen kom det fleire laks på land under fiskestarten i Toåa i natt. Det var veldig godt fiske dei første timane og i løpet av natta kom det iallfal 8 laks som vi har fått rapportert – og dei aller fleste er tekne i den øvre delen av elva.
Ved midnatt startar årets elvefiske etter laks og Aure i Toåa. Etter den gode starten på laksefisket i Surna, der fisket starta 1. juni, er det sjølvsagt store forventningar i Toåa også. Eric Malling har opna dørene på Todalshytta for sesongen, og dei første gjestane er sjølvsagt laksefiskarar som skal bu der. Dei siste timane går sakte når du sit og ventar på at klokka skal nå midnatt, men Malling heldt kaffekjelen varm og praten gikk lett – og samtaleemnet var sjølvsagt laksen…
Tysdag kveld når vi når midnatt startar fisket etter laks i Toåa, og varer fram til 15. august. Det er nok mange som er spente på årets laksefiske og som er klare for å kaste ut snøret når laksefisket settes i gang. – Etter den gode starten som har vore i Surna i år, har […]
Onsdag var det aksjon med utsetting av befrukta rogn i Toåa. Tilsaman 23 000 augerogn vart sett ut i såkalla vibertboksar, der dei fortsett å utvikle seg til yngel og etter kvart forlet den trygge «heimen» dei har i boksen og tek seg ut i elvastraumen. Da startar den farefulle ferda – først ut i elva og seinare mot havet og oppvekst der. Det er nok mange som bukkar under på ferda, av mange årsaker, men nokre kjem kanskje att som fine laksar og kan være med og bidra til å føre genane vidare i Toåa.
Ein feittfinneklipt laks gikk rett i garnet til stamlaksfiskarane i går kveld. Det var ein holaks som har ”vokse opp” i Rossåa settefiskanlegg og som vart sett ut i Toåa for 2-3 år sia som bokstaveleg talt gikk rett i garnet i Raubekkhølen. Da den vart sett ut var den 2 års smolt, men no var det ein flott laks på rundt 4 kg som kom att.
Todalen elveeigarlag er ferdige med årets stamfiske etter laks. No er genprøvar frå dei 21 laksane som er fanga til testing og vi håper at alle blir godkjent, seier leiar i Todalen elveeigarlag Ola Bruset til Todalen.no. Stamlaksane er no plassert i store vasskar i stamlakshuset og ventar altså på dommen frå gentestane. Prøvane blir grundig testa for å finne ut om dei har gener frå todalslaksen og med tanke på helsetilstand og eventuelt slektskap. Under stamfisket fikk dei også ein langvegsfarande raritet i garnet….
Laurdag vart det plutseleg ein finvêrsdag, med blå himmel og sol frå morgonen. På ein kjapp runde rundt bygda registrerte vi mange som var innom butikken for å ruste seg ut for å ta ein etterlengta fjelltur. I Toåa var laksefiskarane på plass for å prøve seg på laks- og aurefisket. Årets laksefiske ser ut til å bli ein av dei betre sesongane, med mykje så og mellomstor laks som har vore villig til å bite, medan aurefisket har vore heller labert så langt i sesongen.
Dei siste par vekene har det vore godt laksefiske i Toåa, og midtsesongevalueringen viser at gytebestandsmålet vil bli nådd med god margin, fortel ledar i Todalen elveeigarlag Ola Bruset. Etter en katastofal sesong i fjor er det bra at laksen er «komen att», og Ola fortel at det så langt i år er det innrapportert 32 laks i Toåa – og eit liknande tal for sjøaure.
Regnvêret som kom måndag ettermiddag sette fart på snøsmeltinga i høgfjellet. Frå ei vassføring ved Storfossen på rundt 18 m3/sek i 12-tida måndag passerte den 55 m3/sek i 20-tida, og har fortsett å stige etter det. Yr.no melder om regnvêr utover natta, men temperaturen er dalende og vil nok kome ned i 6-8 grader i høgfjellet og det vil nok dempe snøsmeltinga.
Etter kun få minutt i elva, fekk den heldige odølingen full utteljing på kveldens tur. Han starta med eit par kast i Skjorahølen, før han gjekk opp til Øyabrua og fortsette der. Det skulle vise seg å vere lurt, for der fekk han napp så å seie umiddelbart.
Bjørnar Aasbø fikk laksen på kroken alt etter tredje kast, da han prøvde seg på laksefisket torsdag ettermiddag. På frivakta frå Rossåa settefisk tok han turen til Båthølen i Toåa, for å prøve slukstanga. Resultatet vart ein svel på 2,855 kg – helt nøyaktig kontrollert vekt av kollega Kjetil Haugen. Det var nok eit heilt nygått eksemplar, for Bjørnar kunne telje heile 23 lus på fisken.