Skialpinisme Arkiv

Med 57 deltakarar på startstreken i dagens individuell så er dette ein solid rekord for Skimo Kårvatn 2023, som samtidig var NM i randonee for 2023.  I dag var det ingen som kunne tukte Kilian Jornet Burgada – spanjol som går for Måndalen, som kom i mål på tida 1:18:47 som hadde Hans-Inge Klette hakk i hel, men 45 sekund etter. På tredjeplass Trym Dalset Lødøen, 1 sekund etter.  Men norgesmester var Klette, med Lødøen på andre og Jonas Petter Engdal på tredje. I klassen menn U20 vart Erik Kårvatn best på tida 1:25:49 og dermed vart han norgesmester på heimebane

Da påmeldingsfristen gikk ut var det rundt 60 påmeldte, og det ligg an til å bli det sterkaste startfeltet som nokon gong har vore på norsk jord, seier Gudmund Kårvatn. Han er ein av randonee-gründerane og  har stått bak konkurransane i Dalalia på 11. året. Han fortel at det er deltakarar frå Tromsø i nord, til Italia i sør – tilsaman er det 8 nasjonalitetar som stiller på startstreken laurdag – av dei sterkaste korta er nok spanjolen Kilian Jornet Burgada og kona Emilie Forsberg som stiller til start. 

Det er kjempefine forhold i Dalaia etter det siste snøfallet.  I dag har det delvis vore blå himmel og sol, og Gudmund Kårvatn har vore oppå lia på inspeksjonsrunde for å sjekke forholda med tanke på helgas randonee-NM.  Han rapporterer om kjempefine forhold nedover Dalalia – faktisk er det sjelden det er så fine forhold ned lia som no, seier han.  I dag har Jan Hafsås vore oppe med fly, og vi kan vise ferske bilder frå området rundt Tydalsnebba – og det ser lovende ut.

Denne helga er det full fart, og aldri har vel engasjementet og interessen vore større enn i år, fortel Gudmund Kårvatn, som melder om stor interesse for årets arrangement.  – Han fortel at det alt no er påmeldingar frå Tromsø i nord og mange frå randonee-miljøet i Romsdalen, slik at vi kanskje får oppleve tidenes heat i Dalalia. Fleire nye namn er det også, så dette blir spennande. 

I samband med NM i randonee på Kårvatn nestee helg blir det arrangert ein bankett i Todalen ungdomshus, laurdag 4. februar kl 19:00.   Det er ein felles bankett for løparar, funskjonærar og for alle andre som har lyst til å være med.   Der blir det servert jegergryte frå HammerStuene som hovudrett og etterpå blir det servert kaffe.  

Den nye trasèn for Kårvatn Sky Race fikk ein skikkeleg elddåp da Fredrik Bruseth kom først i mål på den 27 km lange runden i fjella ovafor Kårvatn. Bruset etablerte dermed løyperekord på 3.31,50, medan Martin Fossen kom på 2.-plass med 4.05,21 og Thomas Sandhaug kom på 3.plass med 4.05,29. Erik Kårvatn låg egentleg godt an i løypa, men måtte gi seg på grunn av etterdønningar etter luftvegssjukdom. 18 deltakarar i herreklassen på 27 km. Totalt var det 57 deltakarar under årets Kårvatn Sky Race som altså er det fjerde i rekkja.

Presis kl 11 stakk hovudfeltet til fjells fra startportalen utafor butikken til Kårvatn Fjellutstyr. Hovudfeltet er alle som løper 15 km konkurranse og alle på 27-km trasèn. Begge er heilt nye trasèar som det er knytt stor spenning til. Først ut var Erik Kårvatn som også skal forsvare fjorårets seier, og det er nok ingen bakdel å være lommekjent i området.

Starten gikk kl 10 for klassane trk og familie. Familieklassen følgjer 2-km løype opp til Naustådalssetra, medan trimklassen følgjer 15-km trasèn vidare opp mot Kvennåbotn og utover til Talgønebba og inn mot målgang på Kårvatn.

Det er faktisk inga overdriving – den nye trasen for Kårvatn Sky Race er rett og slett ein fin tur, og samanlikna med den gamle trasen så er det meir sti og mindre urlendt terreng. Farten bestemmer du sjølv, men er du ute etter ein fin trimtur så er 15 km-trasen ein ypparleg sjanse til å bli kjent i dei flotte fjellområda ved Kårvatn

Neste laurdag, den 20. august, er det klart for start i årets Kårvatn Sky Race 2022. Det er no opna for påmelding, og det er det ingen grunn til å vente med, seier Gudmund Kårvatn som er primus motor for løpet som arrangerast i regi av Trollheimen Fjellsportklubb. Den store nyheita i år er at det er heilt ny trasse for alle 4 løypene

Neste sesong blir ein sesong som gjelder for meg, seier Erik Kårvatn og siktar til at han har fått fornya tillit til landslaget, og at det er siste år som junior. Det blir nok ein viktig sesong med tanke på å etablere seg i herreklassen på landslaget. Til hausten startar Erik studier i Meråker, og han reknar med å få god hjelp til dette oppi der. No først blir det to år i Meråker – sia kan det bli aktuelt å ta bachelor og da kan det bli aktuelt å ta minst 3 år til. Vi får sjå, seier han?

Under skirennet i helga vart det fotografert litt rundt omkring og  i tilleg har vi fått bilder med mange bidragsytarar som vi ikkje har hatt høve til å vise. Derfor har vi laga bildegalleri der vi presenterer nokre av bileta, og der du kan bla gjennom i ro og mak.  Kanskje er det nokon du kjenner som er med på bileta – eller du berre har lyst til å sjå.  Til alle bidragsytarar seier vi tusen takk og håper at dei kjem til sin rett her i galleriet.