Årets randonee-helg er nummer 12 i rekkja og nytt i år er at arrangementet går over tre dagar – startar med sprint som blir arrangert i Sæterlia i Surnadal, medan individuell og vertikal blir arrangert i Dalalia slik som før. Nettsida er forlengst opna for påmelding til arrangementet og her vil det være mulig å melde seg på fram til onsdag kveld den 7. februar kl 23.59. Det rapporteres om fine forhold i fjellet, og sinast i skrivande stund måndag ettermiddag er det påfyll med meir snø – i helga har det vore pudderføre i Dalalia så her er det berre å gle seg til konkurransen. Arrangør er Trollheimen Fjellsportklubb.
Sprint i Sæterlia
Kårvatn Skimo startar i Sæterlia i Surnadal, der sekretariatet opnar kl 16:30 – med prologstart kl 18:00. Heat frå resultat i prolog kjem til å gå fortløpande og avsluttes med finale. Start og målgang er ved varmestua i alpinbakken.
Løypekartet for sprinten i Sæterlia.
laurdag er det individuell
Laurdag er det individuell på Kårvatn. Sekretariatet opnar kl 09:00, og start for trimklassen går kl 10:00. Start for konkurranseklassane er kl 11:00, med start og målgang er i tubnet på Kårvatn, attmed butikken til Kårvatn Fjellutstyr. Her går løypene opp Dalalia, og dersom forhold tillet det, så går løypa heilt opp til toppen av Tydalsnebba, som er rekna som «Kongeøvelsen» for randoneeløparar.
Søndag er det vertikal
Søndag er det vertikal på Kårvatn – det vil seie å kome seg fortast muleg opp til toppen eller rettare sagt førstemann opp Dalalia. Sekretariatet opnar kl 09:00 og starten er kl 10:30 for trimklassane og kl 11 for konkurranseklassane. Her er og start og målgang ved butikken til Kårvatn Fjellutstyr.
Vil du være med og hjelpe til?
På fredag vil det bli merking av løyper til den individuelle konkurransen. Her er det alltid behov for fleire folk, så dersom du kjenner at du har lyst på ein skitur så er det berre å møte opp på Kårvatn. Det er avgang fredag kl 8:00, og dersom du kan være med så tek du kontakt med Emil Ansnes på telefon 401 06 889.
Påmelding
Arrangøren oppfordrar lokale utøvarar til å være med og måle kreftene med norgeseliten som kjem til Kårvatn i helga. Påmelding kan du gjera på arrangementet heimeside – startlister og resultat finn du her.
OBS! Påmeldingsfrist til Kårvatn Skimo 2024 er onsdag 7. fhttps://live.eqtiming.com/59752ebruar kl 23:59!
Løypekartet for individuell – her går løypa nesten til toppen av Tydalsnebba. Løypekart frå Trollheimen Fjellsportklubb