Vi fann 9103 artiklar i dette arkivet.
På juni i fjor starta Frivilligsentralen i Surnadal opp med følgjeteneste på frivillig basis. Det skulle fungere slik at folk som hadde behov for følgje men som ikkje var «sjuke nok» til å få følgje av fagpersonell kunne få med seg nokon for å føle seg trygge. Dette opplegget har vore ein suksess, og no er Frivilligsentralen og gruppa som styrer opplegget ute for å få med fleire følgjarar.
Det har vore både mykje regn og vind dei siste dagane og glatte vegar. Vermeldingane for måndagen midt i februar var slett ikkje dei beste, men det var uansett dagen for kløverturoppstart for vårsesongen 2023.
Todalen sanitetsforening inviterer til kløvertur måndag 13. februar. Oppmøte ved Hals/Matkroken og start derifrå kl. 11:00. Alle er velkomne til å bli med ut på tur!
Medlemmer av Todalen sanitetsforening var laurdag 11. februar samla i Sanitetshuset for å sjå overføring frå Oslo der årets Fredrikkepris vart delt ut. Fredrikkeprisen er ein heiderspris som blir delt ut årleg. Det var 17 nominerte til prisen i år, og Todalen sanitetsforening hadde nominert Kari Løvendahl Mogstad. Ho gjer og har gjort eit godt og viktig arbeid for kvinnehelse og opplysningsarbeid når det gjeld spiseforstyrrelsar. Men prisen gjekk til Lise Klaveness, og ein meir verdig prisvinnar kan ein knapt få. Ho fekk stor applaus frå sanitetskvinnene i Todalen.
Erik Kårvatn som representerer Trollheimen Fjellsportklubb er teken ut til VM i Randone i i Boi Taüll, Spania. No er det nøyaktig 2 veker til VM startar, og Erik driv no og finpussar forma – jobbar mellom anna med å få opp farten på sprinten.
På Todalshytta er det klart for årets første balldag – det skjer komande tysdag den 14. februar med servering av sildball og potetball mellom kl 14:00 og kl 18:00. Som tidlegare balldagar kan du sjølv velge om du vil ha potetball eller sildball – fritt val til same pris.
Tett i teten på årets første kåring av månadens bilete, men «Naturens kunstverk» og fotograf Hanne Waag er kåra til beste foto i januar.
Leiar Maren Ansnes ønskte 18 medlemer vel møtt til årsmøtet, og ho syntest det var ekstra kjekt å seie velkomen til ein ny medlem i foreininga. Medlemstalet den 31.12.2022 var 87.
Todalen sanitetsforening held årsmøte i Sanitetshuset tysdag 7. februar kl. 18:30.
Samefolkets dag (sámi álbmotbeaivi) 6. februar er ein dag felles for alle samar i Noreg, Sverige, Finland og Russland. Dagen vart feira for første gong i 1993, samstundes med at FN offisielt opna det internasjonale året for urfolk. Dagen vert feira på ulike vis i ulike lokalsamfunn, skriv Wikipedia på sine nettsider.
Surnadal heimbygdlag inviterer til årsmøte måndag 27. februar på Thon Hotel Surnadal. Årsmøtet startar kl. 19:00.
Vi kan trygt seie oss enige med Gudmnd Kårvatn når han karakteriserer denne helga med Kårvatn Skimo og NM i randonee som ei kjempehelg. To vellukka renn er vel i hamn, og er gjemmomført til punkt og prikke. Lokale heltar har fått vist kva dei står for og Erik Kårvatn kan skilte med to NM-titlar på heimebane – rett nok har han vore åleine i klassen sin – Menn U-20, men han hadde i dag beste tid på vertikalen, og var i mål på 25:07.5. Vi lar oss imponere av det.