Vi fann 8882 artiklar i dette arkivet.
Søndag kveld var det flott markering av julegata på Kvennset – pynta med massevis av lys mellom Hals/Matkroken og Talgø. Det var møtt fram mykje folk for å få med seg tenninga av den flotte julegata. Det var Todalen Bøgdalag som hadde regi på arrangementet, og dei serverte varm kaffe og sørga for loddsal som mellom anna skulle finasiere noko av julebelysninga som i år jhar vore skifta ut.
Todalen sanitetsforening inviterer til Kløvertur måndag 28. november kl. 11:00. Start frå Matkroken Todalen. Alle er velkomne til å bli med ut på tur!
For første gong inviterte Todalen sanitetsforening til førjulslunsj på ein laurdag; det vart ein suksess! Det vart fullt rundt borda; bortimot 40 personar møtte fram.
Nordvik Grendalag arrangerer førjulsbasar i Nordvik forsamlingshus søndag 27.november.
Det var i dei dagar då det gjekk ut eit bod med etterlysning av bilete med HalsOil-skjermhuv … har du eit på lager? undrar dagens bilete-redaksjonen på.
Erik Kårvatn hadde sin debut som World Cup-deltakar i dag. Det skjedde i Val Thorens i Franskrike, og avsluttar treningssamliga han har delteke på den siste veka. For Erik vart det eit tøft møte med World Cup sidan han enno deltek i juniorklassen, men starta i da i seniorklassen. Det var han godt budd på, men han har hausta mykje erfaring og veit kvqar han står i høve til seniorklassen.
Todalen sanitetsforening inviterer godt vaksne todalingar til lunsj i Sanitetshuset laurdag 26. november kl. 13:00. Her blir det god og gratis mat.
På vegkanten på tur til Kårvatn trefte vi to som var i full gang med vedhogging. Det kan kanskje sjå slik ut at dei er seint ute med vedhogginga no, men nei – dei er heller tidleg ute, for dette er ved til neste vinter, fortalte dei to – Elin Kårvatn Gulla og Stig Are Gulla. – Dei ville nytte det fine haustvêret til å drive litt vedhogging. Og vêret var nok heilt prima, for det var fønvind og 7-8 varmegrader da dei dreiv på like ved Vassosen.
Etter ein suksessfull thai-buffe med fullt hus sist helg, er det no klart for lutefiskaften på Todalshytta komende laurdag. Lutefisk er nok ein tradisjonsrik julerett for mange, men lutefisken har også førjulstradisjonar i mange heimar. Laurdag kveld finn du altså lutefisk som einaste rett på menykartet på Todalshytta.
På Matkroken Todalen er trimgruppa i gang med salet av julekalendrar. Dette prosjektet er nytt av året, og skal gje nokre ekstra slantar i kassa for TILs trimgruppe. Julekalenderen har gjevinstar kvar dag frå 1. desember og fram til og med julaftan, og vinnaren blir kunngjort kvar dag fram til jul på Todalen.no. Kvart lodd på julekalenderen kostar kr 100,- og du kan kjøpe så mange du vil!
Nest siste måndagen i november var det retteleg kald vind frå aust, men kløvertur vart det! Ikkje så mange deltakarar, men godt påkledde og såg mest ut som «polfarar».
Surnadal demensforening og helselag minner om bokbadet med Kari Løvendahl Mogstad og dotra Selma. Det skjer på kulturhuset torsdag 1. desember kl 19:00, når dei kjem for å presentere boka dei to har skrive om spisevegring. Det er Kari Evensen som «bokbader» dei to.