Forside Arkiv

Hausten er den finaste tida i fjellet, og i år har også vêrgudane vist seg frå si beste side. Det har gjort at det har vore ein nytelse å gå i fjellet, både for kropp og sjel. Lite nedbør har gjort at det er fin å ferdast og det er ikkje noko problem å kome over elvane. Åshild og Trygve Halle har vore på sin årlege tur til Fagerlidalen for å sjå om Tælehytta og for å prøve fisket i Fagerlidalsvatna.

Laurdag går startskotet for det store salget ved Kårvatn fjellutstyr. Stengte vegar har gjort at det er mykje sommarvarer att, så det er vel verdt å ta turen opp til «butikken på låven», som denne helga også er open på søndag. Massevis av varer er lagt fram for salg i butikken, og det er nok mang ein godbit å finne i det store vareutvalet som skal ut på billigsalg med 20-80 % avslag. Og vegen den er open heile helga, både FV671 inn til Todalen og vegen opp til Kårvatn som fram til fredag ettermiddag er steng på grunn av vegarbeid.

Torsdag den 3. oktober la Stavganggruppa i Surnadal pensjonistlag turen til Buret på P-øra, ein svært fin og intim serveringsstad med heilt spesiell atmosfære, og han ligg tett ved brua som går over til Bølandet i Bøfjorden. Olaf Ansnes, bestefar til Liv Berit, dreiv i si tid landhandleri i den fine, kvitmåla hovudbygninga. Det var ei godt eigna plassering for ein butikk, sidan vegen da gjekk rett gjennom gardstunet. Denne vegen vart omlagt da brua til Bølandet vart ferdig i 1964. Buret hadde opprinneleg stått som stabbur på på Kvennbøen, og har etter det vart flytta til Bøfjorden vorte påbygd kjøkken og toalett.

Styret i Start 4H må diverre avlyse planlagt tur oppi Kvennsetdalen i morgon laurdag 5.oktober, pga dårlege vermeldingar. Vi kjem attende med meir informasjon, om vi ser at veret blir betre til neste helg. Så følg med på todalen.no – kvar dag!

Haustmessa har lange tradisjonar hos Byggmakker i Surnadal. I år blir det større enn nokon gong, da heile senteret markerer overgang til haust med massevis av gode tilbud i butikkene til Byggmakker, Flisekompaniet og Hageland. Hageland køyrer hele sortimentet med grønnplanter med 30% rabett og dei har også mange god tilbud og premiere for massevis med nye varer. I tillegg har dei fått inn mange billige spisestuemøblar, sofaer og andre småmøbler som er spredt rundt i butikken. På programmet står også Olabilløp og gratis «pølsefest».

I ettermiddag blir det nok ein runde med veiledning på Hett & svett. Denne gongen er det Ingvild Stensby som tek turen nedover til treningsrommet og stiller seg disponibel. Ingvild går på fysioterapilinja på Høgskulen i Bergen. Ho er for tida heime i Todalen, og i dag kl 17 blir ho å møte på Hett & svett. Ho vil da gi veiledning om utholdenhets- og styrketrening.

START 4H inviterer alle med på tur oppi Kvennsetdalen laurdag 5.oktober. Styret i Start 4H ble inspirert av månedens bilde og håper derfor på fint vær og godt oppmøte.

For å sikre mot flom blir Dalavegen fyllt opp på dei mest flomutsette strekningane. Det er i området ved Vassosen, og eit stykke forbi Storenghølen. Her skal vegen byggjast opp med opptil 1 meter på den mest flomutsatte strekninga. Onsdag startar fyllinga av grov steinmasse, og da blir det umuleg å halde vegen open, fortel Gunnar Bøe frå Surnadal kommune. Dalavegen blir stengt for trafikk ved Vassosen onsdag 2. til fredag 4. oktober mellom kl 08 og 15. Etter fredag kl 15 er veien open for trafikk igjen, og den vil være open heile helga.

Surnadal kulturhus har eit rikhaldig program utover hausten. Her er arrangement både for små, store, yngre og eldre. Både konsertar og kunstutstilligar.

Eit lovande G12-lag med spelarar frå både Todalen, Kvanne og Stangvik har denne sesongen gjort bortimot reint bord i seriespelet. Før dagens kamp hadde dei ikkje tapt. I kveld var siste ordinære kamp for denne gong, da mot eit mannsterkt lag frå Halsa. Gutane, med ei jenteforsterkning for anledninga, måtte forøvrig nøye seg med sluttresultatet 5-5 i ein spennande kamp på Bordholmen.

Søndag vart det full pott under elgjakta for Erling Halle. Elgfamilien med ku, kalv og okse kom på rekkje og rad på Erling som satt på post i lia mellom Storenghølen og Hanshaugsetra i nærleiken av Myråkja. Med akkurat såpass mellomrom at han rakk å lade om og ta nytt sikte, og alle sammen gikk overeende av velretta skott. Da vart det stopp i jakta og mobilisering for å vomme ut og starte transporten ned til vegen. Heldigvis var det ikkje langt ned til vegen, men likevel blir det fort litt arbeid.

Kaffekroken er ein sosial og mykje bruka møtestad. Både folk som er på handel på Matkroken L. Hals og andre som vil treffe folk møtes ofte her. Laurdag var ikkje noko unntak, og medan sanitetskvinnene rigga seg til stand ute, var det sjølvsagt «full aktivitet» i Kaffekroken. Men denne dagen vart det skikkeleg mimring og oppfrisking av minner frå gamle dager. Ulf Aas kom nemleg innom ein tur, og for oss som har levd ei stund var det da naturleg å skru tida ein god del år tilbake, og etter kvart kom det fram mange artige historien og episodar frå både 50-, 60- og 70-talet og kanskje enda lenger fram.