Vi fann 9168 artiklar i dette arkivet.
Denne gangen har vi fått blogginnlegg fra Erlend Halset. Han bor i Kvernevik i Stavanger og jobber i eiendomsmeglerbransjen. Han har bodd der i flere år, og trives godt, men likevel er han ofte i Todalen tiltross for at det er tungvint å reise mellom, og blir no «Todaling» livet ut.
Stangvik Jentekor har fått med seg Jubilate frå Surnadal, Todalskoret og Åsskard Kyrkjekor og inviterer til songkveld i Stangvik-kyrkja onsdag. Den nye salmeboka blir bruka flittig denne kvelden. Organist Bernt Gudrunson Bøe tek forsamlinga med på små visittar inn til salmistane for å avsløre ideane bak ein del nye og eldre salmar. Sceniske tips i tekstane blir også sette ut i praksis.
Onsdag kveld blir det randonee-kveld på Kårvatn i Todalen. Det er Kårvatn Fjellustyr som inviterer alle Randonee-interesserte til informasjonskveld, og målgruppa er både nye og gamle randonee-entusiastar som lurer på kva dette er for noko. – Vi har intrykk av at mange spekulerer på kva som trengs av utstyr og kva utstyret vil koste, seier Kristian Mossing som er butikksjef ved Kårvatn Fjellutstyr.
Søndag 16. november kl 14 er Todalen historielag aktuelle med bokslepp. Det skjer i Todalen ungdomshus og da er Årsskrift for 2014 klart for utdeling og sal. Årsskriftredaksjonen har jobba godt gjennom heile året og samla over 80 sider med historisk materiale mellom permane. Det er som vanleg mange varierte artiklar i heftet, og det er rikt illustrert med mange flotte bilder.
Ny utgåve av juleheftet «Jul på Nordmøre» er i sal. I år som i fjor er det «Team Bolme» – Ola og Eivind som har lagt ut på salsturne med julehefter. Dei har lasta opp sykkeltilhengaren med julehefter og ein stor plastikkbok for å ha pengar i. Så her er det berre å halde ein eller fleire 100-lappar klare, alt etter kor mang hefter du vil ha. Eivind, som er kasserar, tykte det var praktisk at prisen i år er 100 kroner, slik at han slepp å hefte kundane med veksling.
Den annonserte gudstenesta i Todalen kyrkje søndag er avlyst. Utdeling av Kyrkjebok til 4-åringane kjem på neste gudsteneste.
Kvar måndagskveld foregår det barneleik i gymsalen i Todalen oppvekstsenter. Da er det full guffe med både gymnastikk og andre krumspring når smårollingane slår seg laus. Sist måndag var det rekordoppmøte, med 24 born og 10 foreldre, fortel Karin Halle som har sendt oss bilder frå aktiviteten.
Laurdag 15. november slår Surnadal Bondelag på stortromma og inviterer til jubileumsfest i Bondehuset i Stangvik. Det er no 100 år sia det vart stifta bondelag i Stangvika, som seinare har slutta seg til Surnadal Bondelag. Da er det nok naturleg med jubileumsfeiring i Bondehuset i Stangvika. I jubileumsåret er det nordvikgardingen Oddvar Mikkelsen som er leiar i Surnadal Bondelag.
Laurdag formiddag opna Rindalsmessa sitt arrangement på Rindalshuset. Omtrent frå starten var det eit yrande liv og mange besøkande. I år er det heile 60 utstillarar, dei fleste frå Rindal, men også mange Surnadalingar og sjølvsagt fleire Todalingar. Det var skikkeleg trøkk utover dagen, og det var mange som bar på store bæreposar etter kvart. Frå Todalen […]
Det har lenge vore stille rundt moskuskua som først vart observert i Dalabotnan ved Kårvatn først på september og sia på Hjellnes den 20. september. Laurdag dukka ho fram igjen, og da i Vindøldalen. Ein rypejeger på veg til fjells trefte ho ved Holtabrua i Vindøldalen i dag, og observasjonen vart gjort kl 08.55, fortel Lars Olav Lund ved Statens Naturoppsyn til Todalen.no.
Fredag vart det ein tynn inssnerk på Todalsfjorden. Nokre få minusgrader var nok til at det la seg is på fjorden, og ganske langt utover. Det er nok litt tidleg å finne fram sparken og pilken for å dra utpå for å fiske, men det er iallfall eit tegn på at ei ny årstid er like rundt hjornet. Men isen blir nok ikkje liggjande, for det er meldt vind frå søraust på langtidsvarselet på yr.no og da blir det nok berre gjesteopptren denne gongen.
I dag lansert Morten Gåsvand den nye boka si, «Furukjemper i Trollheimen». I heile Trollheimen er det nok mange store kjemper, som er fleire hundre år gamle og som har fått stå i fred slik at dei har hatt høve til å bli «kjemper»¨. Jon Bruset tek mange turar i skog og mark, og han har nok lokalisert mange av dei store kjempene som finns i Todalen.