Forside Arkiv

Sett av torsdag kveld 30. november! Da kjem Jo Sverre med konsert i Todalen kyrkje, med start kl 19.30. Jo Sverre har svinga seg opp, og har vorte utruleg populær. Han deltok for øvrig på Raus-konserten i 2017. No kan du alstå få høre han i Todalen kyrkje.

Torsdag kveld arrangerte Surnadal Heimbygdlag Kultursjå i Surnadal kulturhus; det vart ein svært så variert og innhaldsrik kulturkveld med godt oppmøte.

Band 2 av det nye bygdebokverket for Surnadal er like om hjørnet! Det blir offisiell lansering i Bondehuset i Stangvika den 12. desember, men vi tjuvstartar med boksalget alt laurdag 9. desember. Da vil folk frå bygdebokprosjektet vera på plass ved Coop Ekstra på Skei med rykande ferske eksemplar av den nye boka.

Omsorgberedskapsgruppa i Todalen sanitetsforening inviterer bygdefolket til julemiddag torsdag 30. november kl 13. Dette skjer sjølvsagt i Sanitetshuset, og på menyen står det tradisjonell ribbe m/tilbehør, samt dessert og kaffe etterpå.

Laurdag 18. november kl 13 opnar salsutstillinga «Haustlys» i Galleri Finstuå på Surnadal kulturhus. I år er det 6 utstillarar som deltek på utstillinga og av lokale kjendisar er det todalingen Ingun Redalen White og surnadalingen Bjarne Stenberg som deltek. På utstillinga vil du få sjå ein herleg mix av billed-, keramikk- og tekstilkunst står det i pressemeldinga frå Surnadal kunstforening.

Torsdag 16. november skal idrettslaget blir det rundvask på  treningssentret «Hett & Svett» på Kvennset. Derfor vil det være stengt fra kl 1800 til ca kl 2000. De som får treningsabstinens oppfordres til å jogge rundt bygda, eller vente med treninga til det er ferdigvasket, skriver Todalen I.L i ei pressemelding til Todalen.no. 

På ein liten og improvisert pressekonferanse i ungdomshuset fikk Todalen.no førstehands informasjon om plana for årets revyfest, der Knut Bergli representerte fotballgruppa som er arrangør og Anders Gjeldnes representerte revyleiing. Det to kunne informere at det blir tradisjonell revyvest på 3. juledag – og skrivearbeidet til revyen er for lengst kome i gang, fortalte Anders Gjeldnes som sjølvsagt ikkje ville røpe noko frå revyprogrammet enno – men han anbefaler å sette av kvelden for 3.-dagens revyfest.

Søndag 19. november kl 14 er det klart for presentasjon av Todalen historielags årsskrift for 2017. Dette er årsskrift nr 17 i rekkja, med 84 sider med variert lokalhistorie frå Todalen og Nordvik. På boksleppet i Todalen ungdomshus vil det bli ein presentasjon av årsskriftet, samt utlevering av heftet som er inkludert i medlemskapet og sjølvsagt høve til å kjøpe årsskriftet for alle som er interessert, fortel John Moe som er leiar i Todalen historielag.

Den store nyheita denne dagen er ny Todalen.no-kopp, som har premiere i dag. Den har mintfarga innsideglasur, og har dekorativ Todalen.no-logo på utsida. Den kostar kr 100,- og er i sal på Matkroken Todalen frå i dag.

Vegarbeidet i Falla er for lengst kome i gang. Mykje av den første veka har gått med til rigging og førebuing, men no har den første salva gått. Det er laga ein eigen omkjøringsveg over Tjønnmyra, så trafikken går sin gang til bebuarane i Markagardan og til Kårvatn.

Tysdag kveld var det generalprøve på revyen «Mykkjy på fer» i kulturhuset. Det er Svarrabærje teaterlag som står attfor, og torsdag kveld er det klart for premiereforestilling. Førebuingane har føregått sia midten av september denne veka blir det 4 førestillingar – premierekvelden er i skrivande stund på det næraste utselt.

Måndag 27. november kl 20 inviterer Søya og Todalen  skytterlag til årsmøte på Talgøfabikken på Kvennset. Vanlege årsmøtesaker står på saklista, og laget byr på enkel servering under møtet. Eventuelle saker til årsmøtet må være leiar Håvard Halset i hende innan 20. november.