Vi fann 90 artiklar i dette arkivet.
Fjellgruppa i Surnadal pensjonistlag har slått strek for sine turarrangement for i år. Tysdag feira dei sesongslutt og fyrte opp grillen ved gapahuken på Tjønnmyran, og det vart eit stort og triveleg seskap med over tretti deltakarar. Pølser og burgerar glei lett ned samtidig som praten gikk lett rundt borda – og vi kan vel konkludere med det at den sosiale biten er minst like viktig som den fysiske treninga som turane gir.
Ein eldre fullvaksinert person, busett i Surnadal, har testa positivt på reise utanfor kommunen. Vedkommande er isolert og oppheld seg utanfor kommunen i isolasjonsperioden. Risikoen for vidare smitte er særs låg. Dette opplyser kommuneoverlege Bjørn Buan, i ei pressemelding, no på tidleg ettermiddag.
Tysdag 12. oktober mellom klokka 10:00 – 17:00 er det haustferieaktivitet hos Stall Lerbru i Stangvik. Aktivitetsdagen er for alle skulebarn frå 1. – 7. årstrinn. Det er lagt opp til mange forskjellege aktivitetar, i tillegg til stell og ridning kan Stall Lerbru tilby mange andre aktivitetar denne dagen.
Grunna vedlikehaldsarbeid er det manuell dirigering i Svinviktunnelen i dag mellom klokka 09:00 – 15:00. Vent på ledebil heiter det i meldinga frå vegmeldingssentralen. Så skal du køyre gjennom Svinviktunnelen i dette tidsrommet, kan det vere lurt å legge inn litt ekstra tid!
Det vart ei skikkeleg gjenopning når det først vart! Dobbel feiring med både 175 årsjubileum og 140 årsjubileum i eitt. Misjonslaget i Todalen er 175 år i år, og misjonslaget på Eidet er 140. Sjølv om laget på Eidet er for undom å rekne samanlikna med laget i Todalen, så står det stor respekt av alderen til begge. – Bernt Bøe var der, og vi har fått både tekst og bilder frå det store jubileumssekskapet som vart arrangert på Eidet bedehus i helga – bla om og les.
Stavgangarane i Surnadal Pensjonistlag tek torsdag 7. oktober klokka 11:00 turen til Torvik. Pårkering på snuplassen i Torvika. Derifrå går turen utover eit stykke. Svein Tjelle i Stavganggruppa oppfordrer folk til å ta med seg stolar.
Dagens Kløvertur gjekk til Vorpneset via Ansneset. Det var 9 damer som var med på turen i strålande haustvêr og god temperatur. Det vart og tid til ein liten kaffepause og triveleg samvær for turdamene.
Surnadal Pensjonistlag inviterer til trivselkveld på Thon Hotel Surnadal onsdag 20. oktober klokka 19:00. Det blir varmrett og dessert i restauranten, før dei flyttar seg til Gladlaksen for kaffe. Trond Larsens trio spelar til dans. Pris kr 250,- pr. person for medlemmer, og kroner 350,- pr. person for ikkje medlemmer.
Laurdag 16. oktober mellom klokka 12:00 og 16:00 inviterer Indre Nordmøre Forsvarsforening til open dag ved krigsminnesamlinga på Åsen. Krigsminnesamlinga på Åsen inneheld våpen, militærutstyr og uniformer frå andre verdenskrig (1940 – 45), med lokal tilknyting til krigshistoria frå Surnadal kommune.
Utover hausten er det ein travel sesong med service og vedlikehald av varmepumper. Kvart 2. eller 3. år er det behov for skikkeleg reingjering av både innedel og utedel for at ein skal få optimal utnytting av energien som driver varmepumpa. Her er det nemleg vanleg at ein får igjen 4 eller 5 gong den energien som sesttes inn. Svein Stenberg er varmepunpeekspert hos Comfort Surnadal, og no utover vil nok mykje av arbeidstida hans bli servicearbeid på allereie installerte varmepumper i tillegg til nye installasjonar.
Torsdag 7. oktober klokka 18:00 er det duka, for det som ser ut til å bli sesongens siste fotballkamp på Bordholmen stadion for i år. Da er det lokaloppgjer mellom Søya/Todalen G9 og Surnadal G9. Her er det lokale spelarar, både på heime- og bortelaget.
Etter en forrykende sluttspurt med knallsterke scorer på de siste hullene avgjorde «Gartes» – dvs. ekteparet Tove Hilstad Garte og Geir Garte – årets Hjortescramble med meget solide 46 poeng. På de neste plassene kom Erling Svinvik / Øyvind Svinvik og Bjørn Schei / Kristoffer Brøske Nordvik, begge parene med 44 poeng.