Vi fann 88 artiklar i dette arkivet.
I ein stolpe ved Øyabrua var det full aktivitet i dag da vi passerte. Det var AS Elektro som på oppdrag frå Surnadal kommune jobba med å skifte armaturar på gatelyset. Ved Øyabrua er det eit enkelt lyspunkt, og no skal det bli ny armatur, der gammel armatur for gasslamper blir skifta ut med ny og moderne LED-teknologi.
I kjølvatnet av ein god sesong for laksefisket i Toåa er Trønder-Energi i gang med undersøkelse av laks- og aurebestanden i elva. Trønderenergi har eit pålegg om utsett av smolt i Toåa som er knytta til konsesjonen for Driva kraftverk. Driva kraftverk utnyttar noko av nedfallsfeltet ved Tovatna – i grenselandet mellom Surnadal og Oppdal kommune eller om du heller vil i grenselandet mellom Trøndelag og Møre og Romsdal fylke.
Tysdag rulla asfalteringsutstyr inn på plassen på Talgø MøreTre i Surnadal. Hallvard brusethaug, som er dagleg leiar på Møretre, fortel at det no skal asfalterast knappe 11.000 m2 ute på plassen mellom eiendommen til Trollheim Industri og elva – lengst ut på Møretre-tomta. Til saman er det no mellom 80.000 og 90.000 m2 av tomta som er lagt under asfalt til lagerplass.
19.08.2020: Statusoppdatering frå kommuneoverlegen i Surnadal:
Kommunen fann grunn til å stenge vaksenopplæringstilbodet ein kort periode som eit førebyggande tiltak. Seinare testing og smittesporing har avkrefta aktiv smitte ved eininga Vaksenopplæring og integrering.
Barndomsheimen til Hans Hyldbakk, Kleiva, er under restaurering. Men det manglar ein del original takstein.
Maja Frønes som har ansvar for musea i kommunen, skriv:
Måndag var skulestart over heile linja – både på barneskulen, ungdomsskulen og vidaregåande. Det var nok ein dag som mange hadde sett fram til og ikkje minst dei skom skulle starte i førsteklassen. Litt spenning var det nok for Odd Magne Heggem Grytskog som hadde «premiere» i ny jobb som sjåfør på skulebussen frå Todalen. Odd Magne er 18 år, og er sikkert tidenes yngste sjåfør på skulebussen. Gammelsjåføren, Kristian Kjølstad, hadde takka av tidlegare i vår.
Måndag kveld var det endeleg klart for kamp for Søya/Todalen sitt G9/10 lag på Søyabanen. Etter mange månader med berre trening og terping kunne endeleg gutane kle på seg drakta og entre banen for å spele kamp. Første kamp var mot Tingvoll. Dette var òg første gongen laget spela fotball på 7-ar bane, og det prega dei litt i starten, men det betra seg mykje etter pause. Likevel vart Tingvoll for sterke, og vann kampen til slutt med god margin. Men spelarane får ein ny sjanse allereie neste måndag.
I sol og godt ver starta Kløverturen opp att etter ein lang sommarpause. Turen gjekk etter Toåa tursti; ei triveleg turløype.
Det finst fleire ordningar for å hente støtte til kulturlivet, også på hausten. Dei er gjerne meir «spissa», så ordningane passar ikkje for alle. Men her er i alle fall nokre: Frist 01.09: Frivillige lag og organisasjonar kan søkje om momskompensasjon frå Lotteri- og stiftelsestilsynet som skal fordele heile 1,685 milliardar kroner. Gå inn her og […]
I dag var det skulestart for 100. gong ved Todalen skule, vel og merke ved dagens skule som vart teken i bruk hausten 1920. Skuleåret 2020/21 er det 23 elevar ved Todalen skule, ein nedgang på 5 elevar i høve til siste skuleår. Edvard Halle starta som einaste elev i 1.årstrinn i år. Dette er første gong sidan 1987 at det er berre ein elev som startar sin skulegang i 1.årstrinn.
Etter ein knallgod sesong på Todalshytta er det tid for å runde av årets sommarsesong saman med laksefiskarane. Det har vore ein heilt eventyrleg sesong, seier Arve Evensen som i sommar har drevet Todalshytta saman med sonen Stian. Dette vart nærast ein prøvesesong for oss, og vi tok sesongen på sparket. Vi skreiv kontrakt med KNT om leie og drift av Todalshytta i slutten av april, og tok sjansen på at vi skulle få til dette som har vore draumen for oss i mange år. No er restauranten stengt, men vi har framleis ope for overnatting og begrenset servering, seier Arve Evensen.
Her kjem månadens bilete vinnaren for juli, Ingrid Margrete Brokstad med feiring av «åvgått» hønhals vant med heile 146 av 341 stemmer.