Arkiv for desember, 2019

I morgontimane i dag var det blankis med underkjølt regn etter fylkesvegen. Rundt 15 bilar var involvert i stoppen som skjedde i Åsbøhaugane, der vegbanen var spegelblank. Lokale krefter – les Ola Magne Nordvik og Oddvar Mikkelsen – redda situasjonen da dei kom til unnsetning med traktorar og strøsand. Etter kvart kom også strøbil frå Mesta, men det skjedde først mellom kl 9 og 10.

Revygjengen i Todalen I.L. er godt i gang med øvingane på scenekanten i Ungdomshuset. Arbeidet med skriving av tekstar er gjort unna, og no pågår øvinga for fullt, og torsdag kveld var det 3. øvingskveld så langt. Det var god stemning i leiren, og det såg ikkje ut til at revygjengen var under tidspress for å kome i mål. – Vi har klart å få til mykje godt og aktuelt stoff, og er eigentleg ferdige med skrivearbeidet, men ting kan skje enno så vi er førebudd på oppgraderingar, seier Astrid Longva Kvendset som er revysjef.

Svorka har i flere år gitt en pengegave til et allmennyttig formål i stedet for julegaver til leverandører og samarbeidspartnere. I 2019 har vi valgt å gi vår gave på kr 10.000.- til Surnadal Frivilligsentral i arbeid med oppstartsfasen etter den offisielle stiftelsen 1.mai i år.

Kristiansund og Nordmøre Turistforening har sendt oss ei lita julehelsing med mange fine turtips i julehøgtida.

Kveldens juleavslutning ved Todalen oppvekstsenter fylte heile gymsalen til siste ledige stol i forbindelse med den tradisjonelle juleavslutninga på skulen. Ungane både på barnehage og skule hadde øva inn fleire songnummer, og dramatisert historia om «Gnoflenes dans». Det var kanskje ei ukjent historie for mange, men fornøyelig var ho i alle fall.

Det er ikkje alle rekordforsøka som lykke ved første forsøk – men vi har prøvd. Men juletre med lys og lenkjer det blir det. – Men årets utgåve blir på 12 meter, men likevel eit av dei høgaste juletrea i kommunen, smiler Erling Talgø, som har vore primus motor for prosjektet.

Det er nyoppkøyrt løype og perfekte forhol på Tjønnmyran, reklamerer Ski- og friidrettsgruppa i T.I.L. Det er skikkeleg godt skiføre, og leiar i gruppa, Gunnar Nordvik, håpar at fleire tek turen til lysløypa på Tjønnmyran. – Ta med borna og kom ut på ski, er oppfordringa derifra.

Neste års artist er i boks! Denne gongen måtte det bli ein kvinneleg artist! Leikarvollen Scene er veldig glade og stolte over at UNNI WILHELMSEN har takka ja til å besøke Bøfjorden 12.september 2020! Unni tek turen til Leikarvollen Scene etter ein turne-runde med Di Derre! – Ho er som kjent fast gitarist i bandet til Jo Nesbø!

Onsdag 18. desember er det klart for juleforestilling på Todalen oppvekstsenter. – Barna på skulen og i barnehagen, vil synge og vise eit lite julespel for å markere jula. Alle er velkomne på program, kaffe, loddsal og gong rundt juletreet kl.17.30.

Det er en gammel tradisjon å arrangere gudstjeneste i Nordvik Forsamlingshus 3. eller 4. søndag i advent. I år kommer julekvelden på tirsdag, og da vart det valgt å legge gudstjenesten til 3. søndag i advent. På grunn av prestemangel var det lenge uvisst om det vart gudstjeneste i år, men heldigvis klarte prost Grutle og overtale Torbjørn Brøske om å komme til Nordvik.

No nærmar det seg julegrantenning på Holmen. Heile pålen ligg no i horisontalt vater og er klar til å bli heva. Vi har hatt Erling Talgø på telefon no i kveldinga, og han har god tru på at pålen kjem opp i løpet av morgondagen, men han seier at dette er ein krevjande jobb og at montørgjengen treng fred og ro for å få til dette.

Pavarotti med kor frå Nordmøre Folkehøgskule laga ei retteleg triveleg førjulsstund i Kaffekroken på Halsbua fredag føremiddag. Dette til stor glede for «stamgjester», tilsette og anna publikum i butikken.