Vi fann 68 artiklar i dette arkivet.
I veka som gjekk var Vegvesenet rundt på ein informasjonsrunde, der aktuelle grunneigarar og grendelag samt kommunestyra i Surnadal og Sunndal vart orientert om korleis Vegvesenet no jobbar med planane for Todalsfjordprosjektet. På det eine møtet møtte representantar for Todalen grendalag og Nordvik grendalag, samt grunneigarane og andre som kan bli berørt av prosjektet på nordsida av Todalsfjorden.
Vi gratulerar Reidar Østvik med vinnarbilete av Kitty med snøskuffa
Todalen sanitetsforening inviterer til Strikkekaffe i Sanitetshuset laurdag 9. februar i tidsrommet 13.00 – 16.00. Her er alle velkomne til sosialt samver med eller utan handarbeid!
Førstkommande måndag kjem Jo Kvande Hansen på Intersport Olaf Moen Eftf. As til Tjønnmyra for å tilby todalingar og andre intereserte til felleskidemo. Jo fortel at han vil ta med seg felleski i forskjellige lengder og spenn, og alle som ønsker, skal få prøve. Han tek blant annet med seg testvinnareane fra Rossignol og Fischer.
Statens vegvesen har utarbeidet ei ny plan for utbetring av nokre fylkesvegar i Møre og Romsdal. Noko av arbeidet er planlagt utført i 2019 og noko i 2020. I møte i samferdselsutvalet 6. februar i år vart det gjort samrøystes vedtak om å gjennomføre plana for 2019, som har ei ramme på 30,0 mill. Av dette er FV671 og strekninga Åsbøen – Svinvik tilgodesett med i overkant av 5,7 mill. på den 4886 m lange strekninga.
Surnadal kommune varsler sine innbyggjarar om stenging av vatn og brudd på kommunalt ledningsnettet via SMS eller telefon. Det samme systemet blir bruka til å sende ut varsel om feiing av eineboligar og fritidsboligar, og vil kunne bli brukt i ulike beredskapssamanhengar. Eksempel på dette kan vere varsel om stengte vegar under flaum, ras eller liknande.
I dag vart det montert ein ny og moderne panteautomat for mottak av pantbare tomflasker og -bokar på Matkroken. – Endeleg er det kome små og kompakte pantautomatar som og små butikkar har plass til og ikkje minst råd til, seier Terje Nordvik hos Matkroken Todalen som har investert over 100.000 i den nye panteautomaten.
Ved Todalen oppvekstsenter er det lang tradisjon for å feire Samefolkets nasjonaldag 6. februar og flagget blir heist til topps. I år vart det ein topp dag både med lassokasting, lunsj og film frå «reinsrace» i Tromsø.
I dag blir samefolkets dag feira som ein felles dag for alle samar i Noreg, Sverige, Finland og Russland – og markeres over heile landet som flaggdag på offentlege bygningar. Dagen vart feira for første gong i 1993, samstundes med at FN offisielt opna det internasjonale året for urfolk. Dagen vert feira på ulike vis i ulike lokalsamfunn, skriv Wikipedia
Under årsmøtet i Sanitetsforeninga tysdag 5. februar vart kunstlotteriet for 2018 avslutta, og biletet vart trekt under nøye oppsikt av årsmøteforsamlinga. Det var seld 545 lodd, og den heldige vinnaren vart Per Reiten, og han var ikkje sein om å møte opp for å ta i mot måleriet. Per var gledeleg overraska, han synest biletet var riktig så fint og skulle nok finne ein høveleg plass til kunstverket av Sissel Storslett heime i Ørsalgeilen.
I byrjinga av november pågikk det arkeologiske utgravingar i Hallagrenda, og Todalen.no lova å kome attende med info om dei funna som vart gjort der. For ei tid attende kom det ein foreløpig rapport om funna. Under utgravinga vart det funne 4 kokegroper og eit stolpehol, og dei eldste funna er dater heilt attende til folkevandringstida (400-545 e.Kr).
Vi er klare med den fyrste kåringa i 2019. Og er treng hjelp til å kåre ein vinnar. Med stabilt ver og meir dagslys gleder vi oss på ferske bidrag til dagens bilete.