Arkiv for oktober, 2012

Jula nærmer seg med stormskritt, og dei første julemessene er alt annonsert. Det er no vel 7 veker til jul, og det kjem nok til å bli kamp om kundane og kjøpekrafta i tida fram mot jul. 5 driftige damer arrangerer i år julemarked i Sanitetshuset. Det skjer laurdag 17. november, og dei har litt av kvart å by på når dei setter i gang.

Søndag var nesten 50 mann med stort og smått tilhørande G12 Søya/Todalen på sesongavslutning etter ein lang fotballsesong. Turen gjekk til Molde der G12 mannskapet, med trenarar, spelarar og oppmenn hadde booka 5 banar hos Molde Bowling. Etter 2 rundar med lystig spel vart det servert pizza og drikke, før det vart på med maksimum […]

Søndag var det basar på alderheimen i Stangvika. Det var pårørandeforeninga som samla troppane til sin årlege basar for å få inn pengar til drifta av foreninga. Dei hadde stort basarbord med mange flotte gevinstar, og i løpe av nokre ettermiddagstimar fekk dei inn heile 12.000 kroner til foreninga. Dei bydde på kaffe og kaker til gjestane, og trekkspell og song vart det også, fortel Borghild Talgø til Todalen.no. Men viktigast av alt var den god samtalen rundt borda og det vart eit fint avbrekk både for bebuarane og for dei beøkande.

Hobbyfotograf Kristine Saksen Ulvund har i haust utvida studioet sitt, som vi tidlegare har omtala her på todalen.no. Ho har no inngått ein avtale med Toril Talgø om å kunne benytte seg av andre etasje i låven på Trudvang. Låven er i så å seie orginal forfatning frå sist på 1800-talet. Og egnar seg med det perfekt til fotogtafering i, tykkjer Kristine. Dette gjer også sitt til at forholda no utover er litt uegna sidan det er litt trekkfullt.

100-årsfeiring er ikkje kvardagskost i Todalen, men måndag var dagen komen for L.Hals Eftf som starta verksemda på Todalsøra den 29. oktober 1912. Dagen var behørig feira med kaffe og blautkake til alle kundane som var innom butikken. Det skal dei fortsette med heile veka til endes, fortel innehvavar Terje Nordvik. I løpet av måndagen vart det servert kaffe og blautkake til eit par hundre kundar som var innom butikken. Jubileet vart også markert med mange gode jubileumstilbod, mellom anna er det rabatt på bensin og vanleg diesel denne veka da pumpeprisen er sett ned med 1 kr literen.

Start 4H runda av 2012-sesongen med haustfest søndag kveld. Den siste veka har nok vore travel for 4H-arane, for til haustfesta skal prosjektoppgåva vera ferdig, og dei skal lage utstilling til oppgåva. Det var lagt ned stor flid i utstillingane, og dei hausta mykje ros for gjennomføringa av prosjektoppgåvene, da Torill Sandnes frå Møre og Romsdal 4H delte ut merker og diplom til dei 15 som fullførte oppgåva.

Snøvêret dei siste dagane i kombinasjon med kaldvêr i natt har gjort at småbåthamna er islagt. Det er meldt kaldvêr dei første dagane, men utover veka skal det bli mildare igjen. Det ligg enno nokre båtar i hamna, men tida er nok koma for å runde av båtsesongen for i år. Asgeir Longva var i full gang med å ta opp båten søndag ettermiddag da Todalen.no var bortom småbåthamna på Kvennset.

No er alt klart for ei storstila 100-årsfeiring, fortel Terje Nordvik i L. Hals Eftf. Måndag 29. oktober er det nemleg 100 år sia gründaren Lars Hals opna butikk på Todalsøra, og det skal feirast skikkeleg – ei heil veke til endes. da blir det feiring med gratis kaffe og blautkake til alle kundane som er innom butikken denne veka. Og laurdag rundar han av feiringa med bakels og moltekrem til kaffen. Gjennom heile veka er det mange gode jubileumstilbod i butikken, og på HalsOil-pumpa er det rabatt både på bensin og vanleg diesel.

Start 4H hadde i går kveld sitt årlege årsmøte der nytt styre vart valgt. Her vart det litt utskiftningar, med ein rimeleg låg snittalder. Også med klubbrådgivarane vart det endringar, der Hanne Waag avslutta som rådgjevar. Ny rådgjevar vart med det Ragna Kvendset, som då blir det i lag med Jon Olav Roaldset.

Fredag klokka 12 var elevane i 3. 4. og 5. klassen på Todalen og Stangvik oppvekstsenter med og dansa saman med ca 80 000 andre barn i landet. Dette for å markere BlimE. I 2010 starta NRK Super haldningskampanja BlimE som dei markerte med utdeling av armband. I år var det BlimE-dans. Formålet er å […]

På ettermiddag fekk utgåande skulebuss frå Todalen motorhavari og måtte få litt assistanse til å komme seg på vegkanten slik at øvrig trafikk kom seg forbi. Før bussen fekk av motorbremsen og kunne flyttast, var det traffikkork ei lita stund. Tendens til kø vart det då ein lastebil forsøkte å ta seg forbi og nær hekta seg fast i bussen.

Stavganggruppa i Surnadal pensjonistlag la siste turen dette året til Gammelvegen mellom Røen/Vang og Stangvika. Sidan det var dårlege vêrmeldingar til torsdag, tok eg meg ein tur langs Gammelvegen eit par kveldar tidlegare i veka og nytta høvet til å knipse nokre bilete. Nils Røen har vore primus motor for skilting, slik at vi som går der blir kjende med natur og historie langs vegen.