Arkiv for november, 2011

Det er meldt ekstremvêr på strekninga Møre og Romsadal til Lofoten i kveld og natt.  Meldinga går ut på sterk storm på kysten, med sørvestleg vindretning. Her i Todalen går meldingane ut på vind opp til 6-7 m/s, så «Berit» reiser vel forbi utmed kysten. Men det lønner seg nok å følgje med på vêrmeldinga utover […]

Det nye årsskriftet er klart for å leggjast ut for salg. Det skjer søndag 27. november, mellom 12.30 og 15.30 i Todalen Ungdomshus. I tilknyting til lanseringa er det laga ei lita utstilling med måleri, akvarellar og teikningar som Margrete Halle Anthonsen (Skogly) har laga. Det vil også bli vist smalfilm fra midten av 60-talet. Det er Anders Talgø som vil vise gamle opptak som er gjort av Magnor Haltbakk.

I haust har det pågått linjerydding av 132 kW-linja som går mellom Sunndalsøra og Trollheim kraftverk i Øvre Surnadal. Det er Siv og Bjørn Halle som gjennom Allskog har avtale med Statnett om rydding av linja. Onsdag passerte dei to Talgø-fabrikken med motorsag, og gjorde reint bord i krattskogen mellom fabrikken og sjøen. Dermed vart det igjen utsikt mot sjøen fra fabrikklokala.

Onsdag kveld var det avslutningskveld etter årets sesong for G16 i Todalen ungdomshus. Da var det tid for oppsummering og for å gje ros for det som har skjedd gjennom sesongen, både på og utafor banen. Med eit stort trettital til bords gikk pizzaen ned på høgkant, og etterpå viste oppmann Knut Haugen ein filmkavalkade med årets høgdepunkt i ein kort film. Laget har hatt ein stall med 21 spelarar, og vart denne sesongen nr 7 i 1. divisjon for G16 i Møre og Romsdal etter ein litt svak haustsesong.

Søndag 27. november er det klart for premiere for historielagets årsskrift for 2011. Det skjer i Todalen ungdomshus, mellom kl 12.30 og 16.30. Da blir det lagt ut for salg, og du som er medlem kan hente årsskriftet som er inkludert i medlemskapet. Det er mykje gammel og ny todalshistorie i årets utgåve, der lokale […]

Mesta fullsatt sal med forventningsfulle ungar og kjøpelystne foreldre og besteforeldre gjorde sitt til at Todalen Oppvekstsenter sin solidaritetskveld vart ein liten suksess. Skulen har den siste tida hatt undervisning om Nicaragua og inviterte difor til solidaritetskveld for å vise fram det dei hadde lært og ikkje minst laga. For ungane på både skule og barnehage hadde i fleire veker førebudd seg på denne kvelden med produksjon av lyslykter, såper, lys, fat og juletrekuler for å nemna noko.

Sist helg braka det løs med premiere på MGPjr julekonsert der Torstein Snekvik er en av deltagerne. Malin Reitan (vinner 2005) Jørgen Dahl Moe (vinner 2009) og Alexandra Rotan (superfinalist 2010) er de andre som er med i det 1,5 timer lange showet. Lokalt er det konsert i Kristiansund 2. desember og i Molde 3.desember.

Ola og Eivind Bolme er ute på sin årlege salgsturnè med «Jul på Nordmøre». Dei kunne fortelje at dei dreiv provisjonssalg av juleheftet for å tjene litt ekstra no før jul. Dei har salgsansvaret for heile Todalen, og rekna med å bruke fleire kveldar for å nå heile marknadsområdet. Dei kunne også fortelje at dei skulle bruke sykkelen på nærområdet i første omgang, men at dei satsa på å leige skyss på resten. Det er for langt å sykkel til Kårvatn og slike plassar, sa Eivind, og det må man være enig i.

Laurdag arrangerte Indre Nordmøre Forsvarsforening temadag om beredskap i Sanitetshuset. Foredragshaldar var Anne-Lise Johnsen frå Eide. Ho er leiar for «Norske Kvinners Beredskap». Ho la i sitt foredrag vekt på viktigheita av beredskapsarbeid, og ikkje minst kom ho med mange ulike tips om det å vera beredt i kvardagen. Berre det å ha refleks i alle ytterjakkelommar er å vera i beredskap. Eller ha plaster i handveska og sekken når ein ute på tur.

I 19-tida gikk brannalarmen i Todalen og Todalen brannlag rykte ut til Brusetmarka der det var meldt om pipebrann. Brannlaget i Todalen var raskt på plass, men da var allerede pipebrannen sløkt av seg sjølv. Faktisk var dei komne på åstedet når brannmeldaren var ferdig i telefonen. Denne gongen gikk det godt, men det har nok stor betydning at ein har lokale brannmannskap som har kort utrykningstid i slike høve. Det er dei første minutta som er viktigast.

I helga var det dugnadshelg på Todalshytta, der naudsynt vedlikehald og småreparasjonar vart gjort unna i ein fei. Det var ein habil dugnadsgjeng som var i aksjon da Todalen.no stakk innom for å ta nokre bilder. Dugnadssjef var Eirik Gudmundsen, og han hadde fordelt mange slags jobbar alt etter lyst og kompetanse. Nokre dreiv med beising, andre med snekkering og ein gjeng reiv det gamle uthuset og attar andre dreiv med felling av trær. Og sjølvsagt var det folk på kjøkkenet som hadde ansvaret for at dugnadsgjengen fekk mat til å halde hjula i gang.

Tysdag 22.11.2011 kl. 18.00 blir det solidaritetskveld ved oppvekstsenteret.
Arrangementet er eit samarbeid mellom skulen, barnehagen og FAU.
Solidaritetskvelden blir avslutning på ei veke med internasjonalt arbeid ved oppvekstsenteret der temaet har vore Nicaragua.