Forfattararkiv for

Med finvêret kom siloslåtten igang. Det kalde og fuktige vêret vi har hatt den siste tida har gjeve god grasvokster, og no er tida inne for å starte slåtten. På Kvennset hos Olaug Kvendset var to traktorar i sving med ballpressing og ballpakking i tysdag kveld. Tidlegare på dagen hadde slåmaskina vore i sving.

Søya og Todalen skytterlag startar oppskyting til storviltjakta måndag 28. juni. Vidare utover sommaren blir det 8 måndagskveldar med skyting på lagets skytebane i Ranheimsvingen på Kvanne. Alle kveldane startar skytinga kl 18.00, og varer til kl 20.00.

Tysdag 15. juni opna Todalshytta for ny sesong. Det er Åse Grydeland Øyen som er vertinne, og ho fortel at det no er ope kvar dag mellom kl 10 – 22 fram til 31. august. Ho har allerede tjuvstarta litt, og har hatt ope for laksefiskarar etter avtale. Åse går rett på sak og arrangerer bailldag allerede første dagen. Det er populær kost, og ho ventar stort innrykk av bygdefolk og andre som vil ha eit realt baillmåltid.

Det er sein vår i arboretet i år, men no er det endeleg «full flor» seier Dordi Kjersti Mogstad i Svinsviks arboret. Har du lyst til å sjå blomstringa i arboretet når den er på topp, så bør du ikkje vente for lenge. Sommarvarmen dei siste dagane har sett fart på blomstringa og det er både rododendron og mange andre sortar som viser seg i sin finaste stas.

Før regnværet «tok oss» var Jon Bruset på kveldstur til Storfjellet torsdag kveld. Han har sendt oss ein liten nokre bilde av både utsikten og litt av den rike floraen i området. For mange blomar er det nok tidleg enno, men dei kjem etter kvart som snøen forsvinn og det blir bart på rabbane oppover mot høgfjellet.

Laurdag dreg Jon Husby og Hans Gundersen på sommarturne med trekkspell og saksofon. Turneen startar på Pakkhuset Pub i høve at Ålvundfjord bygdelag kjem på besøk med «Farra fjor’n», som er ei årleg utflukt dei har til ei av nabobygdene. Der skal musikarane underhalde medan gjestane får ein matbit og litt forfriskning, før dei dreg attende til Ålvundfjorden for å fortsette programmet.

No har du høve til å bli med på real fotballtipping på lokalt plan. Terje Nordvik har teke initiativ til å lage tippekonkurranse av fotball-VM som startar i desse dagar. Enkelt sagt skal du tippe gull-, sølv- og bronsevinnaren i sluttspillet for VM. Du får poeng for kvart lag du tippar rett, og den som får flest poeng får heile premiepotta som er 50 % av den totale innsatsen. Blir det fleire som får lik mange poeng, blir det deling av potta.

Det er med stor stolthet fotballgruppa i IL Søya lørdag 12. juni inviterer til offisiell åpning for den nye kunstgressbanen ved Søyabanen. «Bankslettå» har en spilleflate på 50 x 32 meter og er et glimrende anlegg for 7-er kamper for aldersbestemte lag.

Vi gratulerer Lena Rovik frå Todalen og resten av Kvasslaget med flott sølvmedalje under HydroCup i helga. Her har vi saksa eit oppslag i Aura Avis om den spennede kampen. Vi gratulerer med innsatsen!

Laurdag 12. juni inviterer Ålvundfjord Bygdelag på nytt «Farra Fjor’n-arrangement». Det heile startar med at bygdelaget arrangerer tur til Todalen, der dei skal besøke Svinviks arboret. Vidare går turen til Todalen ungdomshus og vidare til Pakkhuset Pub for mat og drikke. På turen attende iviterer dei Todalingane til å bli med til fest i ungdomshuset Fossheim. Turen går via Hals-tunet og Steinsvoll til Fossheim.

Jon Bruset har vore på ny fjelltur. Denne gongen bar det også over Nordmarka til gamle Åsskard. Han skriv:
«Så vart det tur til Sæterbøskardet i gamle Åsskard kommune.Til setergrenda med Sæterbøsetrene og til fjelltoppen Skarven der ein har fin utsikt oppover Bæverdalen, og ein ser også langt inn i Trollheimen og utover havet mot Smøla om det er klårver.

Frå Einar Grønnes har vi fått tekst og bilde frå historielagets søndagstur til Søyådalen. Han skriv:
«Da klokka var 10 hadde det samla seg ca. 40 personer ved gamle Eidet skolesom ville vera med. Kjørte i kollone innover dalen til første stopp som var der ein tek av til Tverrådalen, her var det informasjon.