Jon Bruset har vore på ny fjelltur. Denne gongen bar det også over Nordmarka til gamle Åsskard. Han skriv:
«Så vart det tur til Sæterbøskardet i gamle Åsskard kommune.Til setergrenda med Sæterbøsetrene og til fjelltoppen Skarven der ein har fin utsikt oppover Bæverdalen, og ein ser også langt inn i Trollheimen og utover havet mot Smøla om det er klårver.
Berre eit av seterskjela sto tilnærma oppreist i dag. I tidlegare tider var det mange hus på denne stølen. For den som vil vite meir er «Seterbok for Åsskard» av Bernt Bøe å anbefale. Her er det mange gamle bilete som viser store kontraster til dagens tilstand når det gjeld attgroing og bygningsmessig forfall.»
Sjå fleire bilde i galleriet nedafor. Alle bilde: Jon Bruset
