Forfattararkiv for

Kvar tysdag blir det ball-leik for dei minste på Bordholmen. Start tysdag 3. mai kl 18.00, og opplegget er for born som er født i 2003, 2004 og 2005. Alle som blir med får utdelt ein utstyrspose med fotball, drikkeflaske, fotballstrømper, shorts og T-skjorte. Etter kvart skal alle få eiga fotballdrakt. Dette opplegget skal være leik og moro, og målet er å stille eige lag under Todalsdagen 2. juli. Trenarar er Knut Bergli og Ivar Helge Kvendset.

Jon Bruset har vore på ny tur til Haukåa – denne gongen til Indre Haukåa. Dette er nok framant land for dei fleste, kanskje ein og annan hjortejegeren har trafikkert i dette terrenget? Det ligg i alfall utafor allfarveg! Jon skriv i sin e-post til Todalen.no: «Først nokre bilete av grøfta som førte over vatn frå Ytre- til Indre Haukåa. Dette vart gjort for å skaffe nok vatn til Øyasaga i tørre periodar. Frå Indre Haukåa gjekk det vassrenne vidare til Øyadammen (rester av inntaket og vassrenna er teke med mot slutten av bildeserien). Grøfta er fleire hundre meter lang og må ha vore eit storarbeid med spade og handmakt!

På nettsida til VG har Todalen hamna i godt selskap. I ein artikkel presenteres de 25 beste reisemåla i Norge. Under anbefalte reisemål på Vestlandet er Todalen, Innerdalen, Sunndalen, Litjdalen, Grødalen og Eikesdalen nemnt. Det er spesielt lagt vekt på mulegheitene for fotturar, klatring og sykkel- og bilturar. Les meir om dette på  VG-nett .

Spreke pensjonistar har starta på ein ny sesong. Frå Martinus Torvik har vi fått ein e-post, der han skriv: «Stavganggruppa i Surnadal Pensjonistlag, med eit stort innslag av «heile og halve todalingar», starta opp etter vintersvevnen i dag, torsdag den 28. april. Omlag 40 deltakarar møttest ved Arboreet. Det blei marsjert både mot Gjeldnes og langs fjorden. Etter marsjen møttest vi på uteplassen ved kafeen.

html />Laurdag var det storstilt flyttesjau i Halsesamlinga. Store og tunge arkivskåpar, møblar, haugevis med trykksaker og heile utstillinga var flytta over til biblioteket i Todalen oppvekstsenter. Ledar i Todalen historielag seier at flyttinga skjer for å gjere samlinga meir tilgjengeleg når ho no blir plassert i biblioteket. Samtidig legg ho vekt på at det i Gammelskulen lite egna lokaler for langtidslagring av arkivmateriale og trykksaker, på grunn av mykje fukt i kjellaren.

Onsdag var avtalen med Bindal kommune om overtaking av Bindalsbruket ferdigforhandla og alle detaljane på plass. Torsdag vart avtalen om salg av Bindal kommunes aksjar behandla i kommunestyret, der avtalen einstemmig vart vedteken. Dermed var det klart for signering av avtalen etter kommunestyremøtet som denne gongen vart avvikla i lokalene til Bindalseidet skule. Dermed er formalitetane rundt kjøpet klare, og Talgø Invest AS tek over Bindal kommunes aksjepost på 97,15%. Dei resterande aksjane er eigd av Frithjof Plathe og Einar Bangstad.

Du er kanskje vant til å sjå fossane i Haukåa på avtand, men det er få som har betrakta disse på nært hold og neppe teke bilder der. Jon Bruset har gått etter elva, ovafrå og ned, og han har sendt oss bilder fra turen ned attmed elva. I ein e-post til Todalen.no skriv Jon Bruset: » Tok ein tur langs Ytre Haukåa i dag. Bildeserien startar frå det litt slakkare lendet på toppen, omtrent der grøfta der dei tok vatn over til Indre Haukåa tok av. ( Får prøve ei sak på dette samtidig med Indre Haukåa).

Ny kulturkalender er på gang, denne gongen er det for mai månad og snart finn du den i postkassen din. Her er det mykje å by på, og startar med 1. maifeiring og forsett med Kalla Skrøvseth-utstilling den 10.5 og Peer med Teaterklassen ved NoFo. Vidare er det 17. maifeiring, Rødhette og ulven den 25. […]

Friluftsgudstenesta på Haugligardane vart ei fin og triveleg stund for dei 60-tals tilhørarane som møtte fram. Det var sokneprest Lene Gåsvatn frå Rindal som heldt gudstenesta, og Todalskoret med dirigent Bernt Bøe var som vanleg på plass og sørga for flott korsong og forsterking av korsongen under gudstenesta.

Frå Jon Bruset har vi fått e-post og helsing. Bilde er frå langfredag da han var på tur til Skihytta og Ørsalfjellet. Vi legg ut bilda som eit galleri, der du kan studere utsikten og fjella rundt Todalen.

På Driva.no kan vi lese at Vangsgutane til jul i år kjem med nye historier. Det er teiknaren Ivan Andreassen og forfattaren Sverre Aarnes som har gjort avtale med Fonna Forlag, og plana er at det skal bli årlege utgjevingar. Les meir om dette på Driva.no.

Det lønner seg å sjå seg litt for når du skal ta ein kafferast mellom snøflekkane. Plassen kan godt være oppteken av ein luring som allereie ligg og solar seg. Vi skvatt mesta til da vi opna e-posten frå Reidar Østvik og kunne sjå rett inn i auga på ein hoggorm. Reidar skriv i e-posten: «Hei alle sammen! Det er mange som sier at påska er sein i år, og det er visstnok riktig, ifølge “reglementet” kan den visst ikke bli særlig seinere. Naturen bryr seg tydeligvis ikke så mye om hva dagene heter, men det er første gangen jeg har funnet to huggormer så tidlig på året.