Forfattararkiv for

Denne julehelga er det to gudstenester i Todalen kyrkje. Det skjer julaften 24.12. og nyttårsaften 31.12. og begge gudstenestene startar kl 16.00. Det er sokneprest Bernt venås som forrettar. Julaften er det takkoffer til Redd Barna.  Alle er velkomne til jule- og nyttårsgudstenestene.

Revygjengen er denne veka i full gang med øvingane i Ungdomshuset. Da Todalen.no var innom ein snartur måndag kveld var det full aktivitet, men det var ein optimistisk gjeng som tykte dei hadde bra kontroll på framdrifta. Det er Nils Ove Bruset som revysjef, og han fortel at dei ligg godt an med arbeidet med revyen som har fått namnet «Vassækte jul». Han fortel at årets aktørar er ei god blanding av gamle og nye krefter. Han setter stor pris på at dei har fått fleire nye og yngre krefter blant årets aktørar, og seier at det er ein triveleg og lystigrevystab som no er komne så langt at dei driv og finpussar kjøreplana.

Julaften er butikken open i tidsrommet 09.00 – 13.00. Vidare utover jula er det kortare opningstid enn vanleg og enkelte dagar er det kioskope. Nedafor har vi sett opp ei oversikt over opningstidene utover jula, til og med 1. nyttårsdag. Frå 2. nyttårsdag er det igjen vanleg opningstid fra 09.00 – 18.00. Du kan sjølvsagt nytte kortautomaten på drivstoffpumpene heile jula og døgnet rundt!

Det er eit ordtak som seier at «Morgen røde gir dage bløde, kveldsrøde gir morgen søde». I dag tidleg (rundt 9-tida) var det ein fantastisk fin austhimmel. Den kom fort og forsvant fort. Men eit telefontips frå Gudmund Kvendset (Sandstad) om kva som var i emning, gjorde at kamera vart gjort klart, og resultatet ser du ovafor.

3. juledag er det kalrt for årets romjulsmarsj. Som tidlegare er det du starte heimefrå på runden rundt byga, da det er registrering på Bruset og på Sandstad. Det er høve til å starte i tidsrommet mellom kl 12 og 15, og du rekk altså å bli med på 1. framsyninga av revyen «Vassækte jul» kl 15 om du startar litt tidleg.

Pakkhuset Kro held ope i jula. Det blir open pub 3 kveldar denne jula, og den første kvelden er alt laurdag 22. desember, da det er ope frå kl 21.00 og utover kvelden. Det er også open pub 2. juledag (26. desember) og 5. juledag, da også frå kl 21.00 og utover. Pakkhuset Kro finn […]

Du måtte vera standhaftig dersom julesteminga ikkje skulle siga innpå deg da Todalskoret og Åsskard kyrkjekor inviterte oss til å være med og synge jula inn. Det var eit stort femtital med tilhøyrarar i kyrkja denne førjulssøndagen, men det kunne godt vært fleire. For dette var korsong og musikk av beste slag, og ros til primus motor Bernt Bøe som har trkt i trådane og fått til desse konsertane. For etter konserten i Todalen reiste dei til Åsskard kyrkje for å kjøre same programmet der. I tillegg var det konsert med litt anna program og litt anna mannskap i Stangvik kyrkje i går kveld med «Tonar julenatt».

Måndag 17. desember vil forfattaren og historikaren, Kjell Håve, vere på Hals-bua for å signere boka han har skrive om bonden, stortingsrepresentanten og forfattaren, Jon Leirfall. Biografien, eller skal ein seie historieboka, «Heller storm enn stille», er boka kong Harald siterte frå under slottsmiddagen for stortinget no i haust. Det blir og sagt at kongen har lese to bøker no i haust, det skal vere boka om Sonja og boka til Kjell Håve.

Vil du gjera litt stas på småfuglane, så kan du ta turen til Matkroken L. Hals i dag. Utenfor butikken sit nemleg Emma og marit Ingeborg i den kalde vinden og selger julenek for Start 4H. Eit julenek kostar kr 100, og inneheld mykje god fuglemat. Dersom du ikkje har høve til å ta turen til butikken, […]

Straks over nyttår, nærare bestemt 12. – 13. januar, inviterer Todalen Idrettslag til norgesmeisterskap i Randonee. Det skjer på Kårvatn i Todalen, der løpena går frå toppen av Tydalsnebba og ned til Kårvatn. Det er alt kome ein god del snø, og forholda ligg alt no godt til rette for eit vellukka arrangement. Todalen Idrettslag har lang erfaring med slike arrangement, da Kårvatn og Todalen stått i sentrum for både NorgesCup og VM/EM uttaking i ei årrekkje.

Laurdag 15. desember startar billettsalget for julerevyen i Todalen ungdomshus 3. juledag. Det er Todalen Idrettslag som er arrangør, og laget fører dermed lange tradisjonar med julerevy vidare. I år er dei forøvrig attende til hovudscena med ekte revyframføring, etter nokre år med julekabaret som har vore framførst som eit slags serveringsteater. – Det er no godt å være tilbake på hovudscena med ekte revyframføring på programmet, seier Borghild Talgø som er ledar i fotballgruppa og festsjef.

Denne helga står i songen og musikkens teikn. Det startar i Stangvik kyrkje laurdag kveld med «Tonar Julenatt», og fortsett i Todalen kyrkje søndag ettermiddag med «I denne søte juletid». I sin introdusjon til konserten i stangvik kyrkje skriv Bernt Bøe «Det blir ein litt «annleis» konsert med julemusikk i Stangvik kyrkje laurdag 15. desember. Ei stor veke før sjølve julenatta får vi oppleve eit program inspirert av stjernehimmelen over Betlehemsmarkene – i tråd med tittelen. Difor er konserten også lagt til sein kveldstid: 21.00. Da er ståket stilna, og tonane kan stemme sinn og tankar inn mot adventshelg og høgtidsro.