Forfattararkiv for

Ei klokke er i dag funne i området ved Talgøsetra. Ta kontakt med Matkroken L. Hals, telefon 71 66 38 00 dersom det er klokka di!

BF Førdefjord kom i rute mellom Todalen og Kvanne frå tysdag 13. august. Etter at det vart beslutta å sette inn bilferje på Todalsfjorden medan vegen er stengt, tok det knappe 2 veker frå raset gikk til BF Førdefjord kunne ta premiereturen inn til Todalen for å prøve den nye kaia måndag 12. august. Frå neste morgon starta rutetrafikken med bilferja på Todalsfjorden. I mellomtida hadde landgangsfartyet MS Maursund frakta bilar inn og ut frå Todalen, og bokstaveleg talt fått hjula i gang igjen.

Etter raset frakta Svorka Energi inn agregat for å etablere straumforsyning i påvente av reparasjon av kraftlinja. Nokre av agregata har etterpå vore stasjonert i Todalen som beredskap. Det store agregatet, samt dieselforyning har stått ved Talgø Møbelfabrikk i denne perioden. Laurdag vart ustyret henta av Erling Søyseth med kranbil og frakta til beredskapslageret i Surnadal.

Torsdag 15. august møttest Stavganggruppa ved brannstasjonen på industriområdet i Røtet/Syltørane. Jon Nordvik gjorde ein framifrå jobb som vegvisar og guide på heile turen, og vi vart mektig imponerte over å høyra om alt som går føre seg i her.

Ein liten ulmebrann i maskinrommet på MS Tollesund laga mange forviklingar laurdag. Brannen var udramatisk og var fort sløkt med Co2-anlegget ombord. I kveld kom ny båt på plass, som skal vikarere for MS Tollesund, fram til søndag kveld. Båten som tek over ruta dei to neste dagane er MS Marine Express, som kjem frå Gulen Skyssbåt service i Gulen og har skipper Andreas Bendal og matros Geir Belsaas som mannskap.

Onsdag kveld møtte vi bokstaveleg talt huldra i Svanhild Husbys skikkelse. Det skjedde ved ei tilstellning ved Talgø utstillingssenter ved Storfossen i Brusetmarka. Talgø har denne veka samla sine tropper på salgsavdelinga, og «huldra» var innhyra som underhaldning denne kvelden. Det var ei kjempefin oppleving i praktfulle omgivelser og det var nok mange som fikk ein klump i halsen når huldra kom ned frå fossen og ut frå skogen.

Etter at Maursund avslutta trafikken til Svinvika har det vorte litt rot med parkeringa i området. Lensmannskontoret presiserer at det er forbud mot parkering på vegen ned fra Svinvikkrysset ved fylkesveg 671 og helt ned til kaiområdet. Det er også parkeingsforbud på riksveg 671, som er vegen inn mot Todalen, da det no vil bli ein del tungtrafikk inn til rasområdet. Parkering skal skje på parkeringsplassen til arboretet og på parkeingsplass/lunningsplass ovafor fylkesveg 671.

Skogkompaniet rydder no ffor å klargjere for sikringsarbeid ved rasstaden. Dei skal rydde unna skog i 50 meter i kileform mot rasstaden på begge sider av rasstaden. Dette er for å rydde plass for dei som skal starte sikringsarbeidet for ryddemannskapa og montering av ubåtnett. Seinare skal Skogkompaniet delta i utkjøringa av trevirket som ligg att rundt rasstaden, fortel driftsledar Palmer Vikan hos Skog-kompaniet.

Etter at dei to siste turane frå Todalen til Svinvika var gjort unna, stakk Maursund til havs og på heimveg til Harstad. Oppdraget var fullført, og nå er det fokus på neste oppdrag som er brønnboring på Svalbard. Det var mesta vemodig å ta avskjed med det trivelege mannskapet på 5, som har stått på for å frakte todalingar og andre sia dei kom hit natt til måndag 5. august. I skrivande stund, tysdag kl 18.50, er dei på veg forbi Brekstad på Ørlandet på stø kurs mot Harstad.

Torsdag 15. august kl 24 er det definitivt slutt på laksefisket i Toåa for i år. Denne sesongen går nok over i historia som ein av dei svakaste sesongane på lenge. Kor mange laks og sjøaure som er resultatet av årets sesong veit vi ikkje enno, men det har vore lite fisk og lita vassforing i elva. Det gir til saman ein dårleg kombinasjon. Etter regnveret det siste døgnet er vassføringa i skrivende stund i overkant stor. Men etter som nedbørmenga no tek av, vil nok vassføringa dei neste dagane bli perfekt for det tradisjonelle aurefisket i august.

Statsråd Ola Borten Moe besøkte tysdag Todalen. Han var i området i forbindelse med valgkampstarten, men under besøket i Todalen var han meir interessert i korleis involverte partar hadde handtert problema som raset har medført for Todalingane, kommunen, Svorka energ og Vegvesenet. Og han var imponert over den handlekrafta som har vore vist i denne samanhengen.

Førdefjord kom til Todalen på prøvetur måndag kveld. Den nye ferjelemmen furngerte perfekt, og ferje hadde ingen problem med å legge til. Dermed er det klart for å starte trafikk på strekninga Todalen – Kvanne, og den første turen går frå Kvanne tysdag morgon kl 8.15 og frå Todalen 9.15. Sjå elles om nye rutetider […]