Forfattararkiv for

Hausten er i ferd med å innta fjellet, med brune myrar og startande lauvfall i fjellskogen. Men vegetasjonen ventar nok på den første skikkelege frostnatta for vi får dei sterke haustfargene. Den første frostnatta kjem nok i tide, så vi får berre nyte den finaste tida i fjellet etter kvart som vegetasjonen blir endra. Innhaustinga frå naturen har pågått ei tid, med sanking av bær og sopp. No er det jakta på småvilt og storvilt som sividt er kome i gang. Storviltjakta starta 1. september i år, medan rypejakta starta den 10. september.

Jaktlaget på sørsida av bygda starta årets hjort- og elgjakt i dag. Dei fekk utteljing alt på første jaginga, da det fall ein liten elgokse for posten på Raudåhjellå. Vi har fått bilde tilsendt og kan her vise stolte jegrar med årets første elg. Tidlegare er det berre Talgø og Kårvatn jaktlag som har vore i aksjon, og dei har felt fleire hjortar som vi har vist på Todalen.no.

Svorka Energi skriv i ei pressemelding til Todalen.no at dei vil betale kmpensasjon for manglande straumleveranse i forbindelse med raset 31. juli. Abonnentar i Todalen var utan straum mellom 24 og 48 timar, og har derfor krav på kr 1400 i kompensasjon for dette. Dette rakk ikkje Svorka å få med på avrekninga som var gjort pr 1. september, og vil derfor ta det med på neste avrekning som blir gjort 1. november.

Førstkomande onsdag (18. september) vil det kommunale Eldrerådet avvikla møtet sitt i Sanitetshuset. Møtet tek til klokka 11.15. Etter møtet, frå klokka 13.00, vil Eldrerådet eta «Kjøtt og påsse» saman med deltakarane på Eldremiddagen. Ordføraren Mons Otnes og kommunalsjef Inge Skogheim er blant gjestane.

I dag har skulen hatt utedag på Kårvatn i flott haustver. Vi starta opp med besøk på Stabburet der Gudmund fortalte og viste film frå dyrelivet og naturen i Trollheimen. Etterpå gjekk turen til Nauståfossen og gapahuken på Sommarfjøsvollen. Der hadde vi det fint med fiske, natursti og pølsegrilling.

Vi var på plass da vallokalet i Todalen skule opna kl 12, for å ta i mot stemmesetlar for stortingsvalget. presis kl 12 slapp den første veljaren inn i stemmelokalet, og sidan gikk det slag i slag. I Skulstuå (Gammelskulen) var dei også klare til å sette i gang soknerådsvalet, og begge vallokala held ope til måndag kveld kl 20.00.

En sommer er over…. heter det i sangen, og det samme kan vel sies om sykkeltrimmen på Nordvik som hadde avslutning 8. september. Nå er det kanskje ikke riktig å si at sommeren er over på slike fine dager som i dag med temperaturen noe over 20-tallet. Vi får nyte det så lenge det varer, men vi må nok regne med at høsten gjør sitt inntog etter hvert.

Med nyopna veg måtte det berre bli ein tur ut i den store verden på søndag. Turen gikk til Vågland, der lag, organisajonar og bedrifter i Halsa viste fram det dei hadde å by på. Der samlast det etter kvart utruleg mykje folk, og det var eit imponerande arrangement med mykje fint handverk og god underhaldning dei hadde å by på. Og eit yrande liv med både store og små.

1963-årgangen konfirmantar ved Todalen kyrkje var laurdag kveld invitert til jubileumsfest i Todalen kyrkje. 10 av dei 11 jubileumskonfirmantane deltok på jubileumsfesten, saman med neste års konfirmantar og godt med frammøtte bygdefolk. Tilsaman nærare 60 deltakarar som vart traktert med velsmakande biffgryte og undehaldning frå lokale krefter.

Nytt hjortfall på Talgø & Kårvatn jaktlag. Det var Even Langli som fikk inn ein fulltreffar på denne kronhjorten da han satt på post ved Møttskrøå i Gammelseterdalen. I same jaget passerte fleire dyr i same kaliber forbi posten. Her er resten av jaktlaget samla rundt den stolte jegeren frå Rindal.

Fredag ettermiddag tok både BF Førdefjord og MS Tollesund av skjed med rutetrafikken på Todalsfjorden. Bilferja Førdefjord gikk siste tur frå kaia ved oppdrettsanlegget kl 13.45, medan hurtigbåten Tollesund gikk siste turen i ruta frå Todalen kl 17.00. Shuttle-bussruta til og frå hurtigbåtkaia på Todalsøra køyrde også sin siste tur. Dermed er ein epoke over, og kommunikasjonen inn- og ut av bygda går no etter FV 671. I første omgang med eit kjørefelt og lysregulering, og med kollonnekjøring på dagtid.

Stavganggruppa i Surnadal Pensjonistlag var torsdag 5. september på tur til Mausetsetrene. Vi møttest på Holtamoå, og køyrde samla til Rabbañ. Herifrå losa Grete Mauset oss sikkert til dei to Mausetsetrene. Grete fortalde at Mausetsetrene truleg har vore i drift i fleire hundre år, men tok slutt i 1935. Austistua på Mauset tok opp att setringa i åra 1943 – 1946, men da var det slutt.