Vi fann 7174 artiklar i dette arkivet.
Stavgangturen denne veka gikk til Mulneset, med start frå Søyabanen. Mulneset er ikkje så langt frå staden der det er planlagt at flytebrua skal få sitt landfeste på nordsida av fjorden, dersom flytebrualternativet blir aktuelt. Randi og Vidar Sogge var som vanleg utrusta med kamera på turen, og har sendt oss mange fine bilder som vi viser i bildegalleriet nedafor.
Det dufta godt av kjøtt & påsse heilt utpå gardsplassen utafor Sanitetshuset, og smaksløkane vart stimulert på direkten. Vi snakkar sjølvsagt om eldremiddagen, som hadde kjøtt & påsse på menyen sist onsdag. Eldremiddagen har tradisjon for å servere skikkeleg god og heimlaga tradisjonsmat, og denne dagen var det fleire tilreisande, med ordførar Lilly Gunn Nyheim i spissen. Eldrerådet hadde også lagt sitt møte hit, og vart med på middagen som samla godt over trettitalet til bords.
I dag blir det nok ein travel dag for Lisbet Halle. Dei første gjestane stakk innom før ho kom seg i pussen, og det blir nok full rulle utover dagen med både eplekake med krem og etterkvart blautkake til kaffegjestane. Om det kjem 99 lys på kaka veit vi ikkje, i så fall må det nok fleire pakkar til.
Søndag kveld startar vi på igjen, og første sjakk-kveld blir søndag 28. septemer kl 19.30, fortel Trygve Halle. Da er alle velkomne, både gammel og ung, og vi satsar på sjakk-kveld annakvar søndag framover hausten. Ta gjerne med sjakkbrett når du kjem!
Surnadal Demensforening og Helselag har runda av innsamlingsaksjonn for i år, og fikk inn heile 98.007. Innsamlinga har foregått i samarbeid med russen og Åsskard Helselag, og har vore godt mottekne når dei har kome til folk på innsamlingsrunden.
Todalen sanitetsforening starta årets sanitetsveke med ope infomøte om NKS sitt prosjekt for å hjelpe folket i Etiopia til å kome igang med stifting av sanitetsforeningar. Det er eit skrikande behov for å kome i gang med organisering av helsearbeid i Etiopia, men dei lyt starte frå grunnen med opplysningsarbeid og før dei kan bygge opp eit organisert apparat til hjelp i helsearbeidet.
På Pakkhuset kro er det duka for skaldyrfest laurdag kveld. Det er Todalen I.L. som inviterer sine medlemar til ein kveld fri for dagnad og andre plikter, og med skaldyr på menyen, fortel leiar Karin Halle. Rundt 50 er alt påmeld, men det er plass til fleire og det er berre å ta kontakt og melde seg på. Festa startar frå kl 19 og ca kl 21 blir det quiz….
Styret i Todalen I.L. inviterer alle medlemar til skaldyrfest laurdag 27. september på Pakkhuset Kro. Det siste året har det skjedd så mykje at no er det på tide at vi alle samlast til ei fest, der alle saman kan være gjestar og ha tid til å slappe av og kose seg, seier leiar i Todalen Idrettslag, Karin Halle. Ho nemner både treningsstudio, lysløpe, fotball, laksefestival og mykje meir – det har nærast vore dugnad og arbeid heile året, så no er det på tide med ein frikveld. Vi har så mykje å takke alle for!
Veka som gikk var det mange aktivitetar på skulen. Måndag var heile skulen på tur til Vorpneset. Der vart vi godt mottekne av ein flokk nysgjerrige kyr som hadde lyst på kos og klapp. Området vart godt undersøkt med leik i skogen og leiting etter krabbar, skjel og smådyr i strandkanten. Det var og dei som prøvde fiskelykka.
Laurdag vart ein historisk dag på Kvennset. Da fall den første elgen på legmålet, og det var Kvennset jaktlag som felte ei elgku og kalv i Dumpa, vest for Arnslåhammaren. Elgane vart skotne i 10-tida, og dei kom på postrekka før jagarane hadde starta jaginga.
Denne veka har barnehagen og 1. og 2.klassen lart om brann og sikkerheit. Det er viktig å kunne litt om det dersom situasjonen oppstår, og kva ein kan gjera. Dei eldste i barnehagen hadde bedd med 1. og 2. klassen på turen til Surnadal brannstasjon. Vi fekk omvisning av Jon Nordvik som viste fram brannbilane og redningsutstyret. Vi fekk sjå varmesøkande kamera, brannbåt og tankbil. I tillegg viste han kor viktig det er å feste sikkerhetsbeltet på rett måte når ein skal køyre bil og buss.
Snart er det tid for «Hjortfest» igjen – 22. november er datoen for årets arrangement, melder Håvard Halset i Hjortfest-komiteen. I år er det jaktlaget på sørsida som er hjortfestkomitee, og vi kan vel vente oss ein skikkeleg smakebit både frå scena og frå kjøkkenet. I første omgang er det berre å sette av datoen, […]