Vi fann 7206 artiklar i dette arkivet.
Årets romjulsmarsj sette ny deltakarrekord – nærare 170 deltakarar var registrert, og tok runden rundt bygda på det fine føret. Litt kald var det, men folk var både godt kledd og godt skodd – så det var ingen som klaga om gradstokken kom ned mot -10 grader. Det er artig å være arrangør når ein får slik respons seier Jorunn Nordvik, som er leiar i TILs trimgruppe som var arrangør.
Det ligg godt tilrette for stor deltaking på årets romjulsmarsj, som startar i dag fra kl 12.00 og frm til kl 15. Trimgruppa har rusta seg med mykje varm gløgg, slik at deltakarane skal få noko å varme seg på runden rundt bygda.
Romjula er ikkje berre tid for familie og private juleselskap. Spesielt er 3. juledag ein aktiv dag, med både romjulsmarsj og julerevyen «Romjulsdrønn. 5. juledag er det open pub på Pakkhuset kro. Du kan starte på romjulsmarsjen mellom 12 og 15, med regisstrering og gløggservering på Sandstad og på Bruset. Bli med og få litt trim – det gjer så godt! Romjulsmarsjen har enkelte år samla over 150 deltakarar, og er eit triveleg tiltak som folk sett pris på. Der kan du treffe venner og kjente på turen rundt bygda.
Vi i redaksjonen vil ønskje alle våre medlemar, lesarar og samarbeidspartnarar ei riktig god jul. Vi har fått eit triveleg og interessant reisebrev frå Oda Halle, som vi publisererer nedafor. Oda er saman med venninna på reise i New Zealand, og er no i hovudstaden Auckland. Ho har laga eit flott bildegalleri som viser bildeglimt frå opphaldet. Vi ønskjer dei to som er på reise ei god jul – og god tur vidare!
Billettsalet til julerevyen «Romjulsdrønn» er godt i gang, og vi har hatt skikkeleg respons, seier Knut Bergli i Fotballgruppa til T.I.L som er arrangør. Som tidlegare annonsert blir det to visningar – kl 16 utan gjesteartistar og hovudvisninga kl 20 med gjesteartistar. Billettane er lagt ut for sal på Matkroken i Todalen.
3. juledag er det godt å kome seg ut og få litt trim igjen, og kanskje treffe gamle kjente som du kan slå av ein prat med. Trimgruppa i Todalen Idrettslag inviterer alle til å bli med og delta, og byr på varm gløgg eller kakao. Gratis medalje til alle deltakarar – lotteri med flotte gevinstar. Start mellom 12.00 og 15.00.
Natt til mandag snudde sola – nærmere bestemt søndag 21. desember kl 23.03. Det er kanskje en overdrivelse å si at det snart er vår, men fra i dag går det ihvertfall i riktig retning. Her i Todalen vil det nok går noen uker før den på nytt kommer på sin første visitt, men det går ikke så lenge utover januar før vi ser at det blir lysere og lengre dager – og godt er det. Etter hvert vil solgangen øke 6 minutter hver dag, og i den farten øker daglengden med 1 time på 10 dager, så det vil da etter hvert monne bra.
Har du lyst til å prøve skiene, så er det fint føre og oppkøyrt løype frå Innerdalsmerket og oppover til Tristeinan, melder Arnt Ivar Brøndbo i Todalen I.L. Fint føre er det også i den nye lysløypa, men den er framleis utan lys så ein må nytte dagslyset eller bruke haulykt.
Trur neppe det er lagt opp til konkurranse med den legendariske brua Golden Gate som går over San Franciscobukta, men slik er iallfall «hengebrua» i Brusetmarka etter at den vart pynta med lys. I bakgrunnen ser vi lysa frå Heggøyann, som vi hadde omtale om for nokre dagar sia.
Da har vi fått julestemninga innover oss – iallfall vi som var på julekonsert i kyrkja med Todalskoret og Åsskard kyrkjekor søndag kveld. Dirigent Bernt Bøe hadde kalla konserten for “Julehøgtid”, og det vart ei skikkeleg høgtidsstund, med mykje flott song og musikk.
Det har vore ei travel førjulstid for Ida og Karen Oddny på Orkideen i Elektrogården i Miljøgata. Dei er no komne til «spurtfeltet» inn til jul, men det er enno rikeleg med mulegheiter for å sikre seg ei samanplanting eller annan juleblomster, eller ta en titt på bakrommet….
Frå 1. oktober tok Anna Britt og Palmer og Vikan over Surnadal og Rindal Begravelsesbyrå etter Ragna og Ivar Meisingset, som hadde halde på i heile 36 år. I mellomtida har Anna Britt og Palmer lånt den gamle gravferdsbilen deira, medan dei har venta på levering av ny bil. Den var lova til jul, og for eit par dagar kunne Palmer hente den nye bilen hos Sveen Auto i Surnadal.