Forfattararkiv for

Onsdag starta arbeidet med utskifting av stikkrenner og reparasjoner av setninger i vegen rundt bygda. Arbeidet starta med stikkrenna ved Sissiå, og det danna seg for kø, spesielt på Todalssida, men det var ingen problem med å vente nokre minutt for å kome seg vidare. Det er firma J. Reiten frå Halsa som utfører arbeidet, […]

Søndag vart det litt av ei arbeidsøkt for Storli jaktlag som driv i Rodal og Engdal. Tre elgoksar i eit jag vart resultatet av dagens jakt, og over 500 kg skulle i løpet av ettermiddagstimane fraktast ned frå skogen og til slakteplassen dei har i Rodal. Dei prisa seg nok lykkeleg for at dei har eit motorisert elgtrekk som ein kan laste heile dyret på og tranportere det fram til veg. Storli jaktlag starta si historie i Storlidalen, men har sia 1996 leid jakt i Rodal og er no godt kjent i terrenget her, fortel Ragnar Halle som er jaktsjef for gjengen.

Stamlaksfisket gikk betre enn venta søndag, da mannskapet plutseleg hadde ein 15 kgs hannlaks i garnet. Det var i Raubekkhølen at ein bit av elva vart stengt av og laksen som gikk i hølen gikk bostaveleg talt rett i garnet. På dette settet dekka dei behovet for stamlaks i første omgang, da det vart både han- og hofiskar til stamlakshuset i Brusetmarka. Storlaksen på 15 kg er nok den største på fleire ti-år, og ein må vel attende til Phillipstida for å finne større laks. Lorth Phillips tok nemleg ein på 21 kg tidleg på 1900-talet.

Ein rypejeger fikk sitt livs oppleving laurdag, da han trefte på ein moskus oppi Dalabotnan, ovafor Kårvatn. Det er første gong det er observert moskus i Todalen, og det er litt artig å få slik selebert besøk, seier Gudmund Kårvatn til Todalen.no. Moskusen beitet seg utover i retning Nebba da rypejegeren gjorde sin siste observasjon. Korleis moskusen er komen dit er det ingen som veit, men Gudmund trur han har funne vegen hit frå Oppdalsfjella og gjennom Neådalen og over til Naustådalen og Dalabotnan.

Rett før helga var det stor aktivitet på sola, og natt til laurdag og natt til søndag var det varsla stor nordlysaktivitet. Jon Are Husby hadde fått med seg det, og natt til laurdag hadde han rigga seg til med kamera, stativ og fjernutløysar.

Laurdag starta Todalen sanitetsforening ny sesong med «Strikkekàfe» etter ein lang sommarferie. På denne fine haustdagen vart det ikkje noko rekordoppmøte, men den «harde kjerne» møtte opp og såg ut til å ha det triveleg i lag, og vår utsendte kom akkurat til kaffeserveringa og vart dermed traktert med prima eplekake til kaffen.

Fredag reiste dei siste sauene som livdyr til Julsundet. Torsdag bar det til slakteriet med resten og no er det slutt med sauedrifta for Åse og Kåre Øyen på Brubakkå. Det er enno 10 lam som ikkje kom att frå fjellbeite, men dei er nok borte. Det er litt rart å ikkje ha sauer lenger, sier Åse, og ein tåre pressar seg på i augekroken når ho fortel.

Fjord 1 melder no at sambandet Kvanne – Rykkjem vil ha normal drift få kl 22.15 med avgang frå Kvanne. Solnør har vore ute av drift ei stund i kveld på grunn av tekniske problem.

Fredag vart ein skuledag utanom det vanlege for elevane ved Todalen og Stangvik oppvekstsenter. Heile gjengen, tilsaman over 80 elevar frå dei to skulane og barnehagane var samla på Stangvik skule for å høyre, sjå og lære mykje nytt om naturfag. Den pensjonerte naturfaglektoren Einar Oterholm hadde med seg mykje rart utstyr for å vise fram og lære bort noko av kunnskapen sin til elevane.

Stavganggruppa i Surnadal Pensjonistlag møttest torsdag 11. september på Todalshytta, ei av dei fire hyttene som forretningsmannen og sportsfiskaren Ethelbert Lort Phillip fekk bygd først på 1900-talet. Dei andre hyttene er Vangshaugen på Sunndalsfjella, Trædal i Sunndal og Phillipshaugen i Øksendal.

Neste veke er det klart for demensveke for Surnadal Demensforening og helselag, fortel ledar Liv Botten. I år som i fjor har ho sikra avtale med Surnadalsrussen til å bli med på innsamlingsaksjonen rundt i heile Surnadal kommune – for å samle inn pengar til demenssaka. Aksjonen kjem til å gå føre seg i tidrommet 15. til 18. september, og da håpar ho at du tek vel i mot dei som kjem med innsamlingsbøssa.

Den 1. oktober blir det eigarskifte i Surnadal og Rindal begravelsesbyrå. Da går Ragna og Ivar Meisingset over i pensjonistanes rekkjer, og Anna Britt og Palmer Vikan tek over. Da er det heile 36 år sia Ragna starta eige gravferdsbyrå heim på garden i Øvre Surnadal. Anna Britt og Palmer er godt budd på å ta over, og vi er sikre på at vi overlater begravingsbyrået i trygge hender, seier Ragna Meisingset.