Vi fann 7054 artiklar i dette arkivet.
Med sol frå skyfri himmel og temperatur på godt over ti grader, er det fint med ein tur ut for å sjå etter vårteikn. I blomsterhagane finn vi no både julerose, blåveis, snøklokker og krokus. Humler og bier summar rundt. Kvitsymre og hestehov har ikkje dukka fram enno, men hasselen blomstrar.
Komande søndag går søndagsturen til Betna, med tur til fots rundt Bettennesset. Du kjører til Betna, og tek til venstre i krysset og finn parkeringsplass på skistadion rett nedpå flata der. Det er ein lett tur i flotte terreng – ein tur som passar til alle.
Give me 5 er vårens vakraste eventyr, sa Torill Helgetun, da ho ønska velkomen til konsert i Surnadal kulturhus torsdag kveld. Det har iallfall vorte tradisjon å arrangere Give me 5 for 5.-klassingane i Surnadal kommune. Det er i år 7. gong, og årets gjesteartist om ein skal kalle det, var Bjarne Brøndbo som er frontfigur […]
Komande laurdag kjem Honningsvågrevyen på besøk til Surnadal kulturhus. Dei har med seg ei blanding av gamle glansnummer og mykje nytt, med innslag av humor og galskap. Honningsvågrevyen har vorte eit fenomen og den nordnorske humoren har fått publikum frå heile landet til like den nordnorske humoren, og vi må rekne med at det blir mykje latter denne kvelden.
På ein knapp halvtime var årsmøtet i Todalen historielag gjort unna. Årsmelding og rekneskap gikk greit og ryddig unna og det var få spørsmål knytta til oppsummeringa av 2014. Men sjølv om årsmøtet er fort unnagjort, så har laget stor oppslutning i Todalen – «heile bygda» er med og laget kan skilte med heil 167 […]
Det er no klart at Todalen I.L. kjem til å fortsette samarabeidet med Kvass/Ulvungen og I.L. Søya for komande fotballsesong. Avtalen om samarbeid er underteikna og det betyr ei felles satsing for følgjande lag: J12, J14, G14, J16, G16 og A-lag. Vidare blir det felles satsing for Todalen I.L. og Søya for G10, G12 og J12, medan Todalen I.L. stiller eige «superlag» for knøtter.
Tysdag kveld var det tid for årsmøte i Todalen.no – og tid for å heidre Frode Grønmyr som vinnar av konkurransen «Dagens bilete» som altså vart til årets bilete for 2014. Det blir først konkurrert om månadens bilete – med konkurranse kvar dag og premiereing for månadens bilete – dei tolv finalistane går så vidare til konkurransen om årets bilete. Det er andre gongen at Frode går heilt til topps i konkurransen om årets bilete – han vann nemleg konkurransen i 2012 også.
Komande torsdag, 12. mars, er biblioteksets filial i Todalen stengt. Neste veke er det imidlertid vanleg opningstid mellom 18 og 20, melder Karen Johanne
Måndag kveld var alvor på Vangen, da kampen FA-cupkampen mellom Manchester United og Arsenal gikk av stabelen på Old Trafford. Det var 74.285 tilskuarar på Old trafford og 8 på vangen, inkludert vår utsendte. Det var 3 Manchester United- og 3 Arsenal-supportere «på banen, samt Siri P. og underteikna i sivilt antrekk. Høgdepunktet var nok dei tre scoringane, samt servering av ein utsøkt pizza.
Frå tid til anna kjem det forslag om omklassifisering av vegar. Denne gongen er det eit forslag frå Surnadal kommune om omklassiffisering av heile 19 vegar rundt omkring i kommunen. Første steget i denne prosessen er behandling i hovudutvalg for teknikk, miljø og næring, som skal tilrå kriteria for dette arbeidet. Deretter blir det utarbeidd eit forslag, som så skal ut til offentleg ettersyn før kommunestyret gjer det endelege vedtak.
Onsdag kveld (11. mars) inviterer Todalen historielag til årsmøte i Todalen ungdomshus. Møtet startar kl 19.30. I tillegg til vanlege årsmøtesaker byr dei på «lokalhistorisk quiz» og sjølvsagt traktering – som er skikkeleg kveldsmat.
Styret i Todalen I.L. melder at årsmøtet som var beramma til torsdag i neste veke er utsett til etter påske. Årsaka er at ikkje alle sakene er klare til neste veke, og ny årsmøtedato er difor sett til torsdag 9. april kl 19:00 i Todalen ungdomshus.