Denne veka er Todalshytta nærast gjort om til låtskrivar verkstad. Eit titals kjente tekstforfattarar og artistar er komne til Todalen og Todalshytta for å finne inspirasjon både hos kvarandre og i naturen her, og blir i Todalen til torsdag. Onsdag kveld inviterer dei til konsert på Gammelfabrikken i Brusetmarka – her blir det utekonsert dersom vêret tillet det, – men blir det surt og kaldt vil nok konserten bli ”inne i varmen”.
Dersom vêret tillet det blir det utekonsert! Arkivfoto: Jon Olav Ørsal
Da Todalen.no stakk innom Todalshytta måndag kveld var heile gjengen samla rundt langbordet i spisestua, etter ein aktiv startdag. Måndag var NRK på Todalshytta og gjorde opptak , og vi får nok eit innslag frå derifrå på NRKs lokalsending på tysdag. Deltakarane ga uttrykk for at dei trivst godt i Todalen og på Todalshytta, og kanskje vil vi alt onsdag kveld få smaksprøver frå låtskrivarverkstaden?
Deltakargalleriet for konserten – det er ikkje ofte vi har eit slik tilbud i Todalen!
Vi minner forresten om billettsalet til konserten på Gammelfabrikken onsdag – her blir dørene opna kl 20 og konserten startar kl 21. Billetter får du kjøpt på Surnadal kulturhus, Matkroken i Todalen eller ved oppmøte på Gammelfabrikken. Billettane kostar kr 250 for vaksne og born under 16 år går gratis.
Les også Låtskrivere slår leir på Todalshytta