Vi fann 7179 artiklar i dette arkivet.
Innsamlingsaksjonen er i full gang – i Todalen har dei fleste heimane alt fått besøk av bøssebærarar. Todalen.no trefte 3 av dei da dei var ute på strekninga frå Ansneses til Kårvatn, og dei fortalte om stor givarglede blant todalingane. Rundt om i Noreg er det rundt 100.000 bøssebærarar som er ute for å samle inn pengar i årets innsamlingsaksjon som går til Regnskogfondet.
Halset vasslag er i full gang med oppgradering av vassverket. For nokre år sia vart det bygd ny brønn på anlegget, og no er det anlegg for filtrering og UV-stråling som står for tur. Det blir bygd nytt hus til dette like ved Oppistua på Halset, som skal huse alt det tekniske utstyret som skal til. Det er ei investering for Halset vasslag på 5-600.000 som skal til for å få vassverket godkjent av Mattilsynet, og det meste av arbeidet skjer som dugnadsinsats.
Denne veka arrangeres den store bygg- og interiørmessa «Bygg Reis Deg 2015» i Lillestrøm, og den er open til og med laurdag. Dette er den største byggvaremessa her til lands, og sjølvasgt er Talgø og MøreRoyal representert der med ein stor stand. Den store nyheitsbomba er det nye elementbaserte hagestue- og bodkonseptet som blir lansert her. På messa stilles det ut eit heilt tun med produkt frå dette konseptet – og responsen har vore stor, fortel salssjef Bjørn Hauglann.
På skulen skal dei ha avslutningsfest på temaet Nepal, og har den siste tida lært mykje om korleis dei kan hjelpe andre born. Tysdag 20. oktober kl 16 – 18 inviterer elevane i todalen oppvekstsenter alle som har lyst til å kome på FORUTfestival. Det kostar kr 50 for vaksne, og inkluderer linsesuppe og ris, kaffebrød og kaffe. Serveringa startar kl 16, og elles bys det på loddsal og lett underhaldning.
Besøkstenesta i Surnadal Røde Kors skal arrangere kurs i for å bli besøksvenn. Første kurskveld er tysdag 20. oktober, og det er enno plass på kurset, melder Surnadal Røde Kors i ein e-post til Todalen.no
Sjakkgjengen minner om at det er ny runde på Matkroken søndag kveld kl 19.30. Alle som har lyst kan kome og bli med – både gammel og ung, fortel Trygve Halle som er ein av initiativtakarane. Det er trivelege og uhøgtidlege kveldar som blir arrangert annakvar søndagskveld i kaffekroken på butikken. På etterjulsvinteren blir det lagt opp til turnering og finale i løpet av påskehelga.
I dag var det rekorddeltaking på strikkekafeen i Sanitetshuset – eit lite trettital var i full sving med strikkepinnane da vi stakk innom. Det vart servert nystekt eplekake og kaffe til alle som var innom – både sosialt, triveleg og ikkje minst nyttig seier Elinor Bolme som forøvrig er fylkesleiar for sanitetskvinnene i Møre og Romsdal.
Jaktlaget på sørsia som har jaktområde frå Bruset og nedover til og med Halset tok ein fin kronhjort i første jaging i dag. Dei jaga området frå Haukåa og innover, og her kom altså storbukken og gikk «rett i garnet» 2-300 meter ovafor Ungdomshuset. Eit par velretta skot frå Roger Halvorsen sendte 12-takkeren rett i bakkan.
I haust har det vore stor byggeaktivitet i Pestua. Oksefjøset som vart bygd i 2007, og teke i bruk i byrjinga av 2008, blir no bygd om og utvida med ei avdeling for mjølkeproduksjon. Det «gamle fjøset får i samband med omlegginga tilbygg i begge endar – tilsaman rundt 940 m2, så heile fjøsbygget blir på knappe 2500 m2 når det står ferdig rundt juletider. Denne veka vart veggelementa frå Elementfabrikken ved MøreRoyal levert, og da vart faktisk Svinviktunellen for liten…
Torsdag 8. oktober møtte 37 stavgangarar i Surnadal Pensjonistlag ved Vang Skiarena. Dette er siste stavgangturen i år, og derfor blir det som tradisjonen er, servert graut, bakels og trollkrem. Til avslutning gav Jorunn Ness blomster til styret i Stavganggruppa, grautkokarar, bakelssteikarar og mellom dei Brit Nordvik, som fylte år i dag. I tillegg vanka […]
Siste skrik på sykkelfronten er El-syklar. Kårvatn Fjellustyr er forhandlar av el-syklar, og komande laurdag arrangerer dei demodag ffor å vise fram produkta ved butikken på Kårvatn. El-sykkelen er eit artig transportmiddel og det er heilt utruleg kor god hjelp du får av den lille el-motoren som er innebygd i sykkelen. Tunge bakkar, full handlekorg og motvind er nokre argument for å velge el-sykkel. Lite lyst til å sykle på jobb og skule likeså….
Laurdag kveld inviterer Todalen sokneråd til tradisjonell konfirmasjonsfest i Todalen ungdomshus. Arrangementet startar med festmiddag kl 19.00, og fortsett med kaffe og underhaldning etterpå. Denne kvelden er konfirmantjubilantane frå 1965 og neste års konfirmantar spesielt invitert, men alle som har lyst er velkomne til å delta på festa, melder soknerådet.