Laurdag 28. november blir det ny hjortfest, melder Halle & Husby jaktlag som er årets vertskap. Det er Lars Stensby som er jaktlaget leiar, og han lover ei tradisjonell hjortfest og håpar at sambygdingane sett av kvelden for å treffast i hyggeleg lag på tampen av jaktsesongen. Vertskapet byr på god mat og drikke, og sjølvsag vil det bli varierte underhaldningsinnslag i løpet av kvelden.
Stensby seier at han håper at både jegrar og andre tek seg tid til å treffast i hyyggeleg lag i Ungdomshuset. Hjortfesta har lange tradisjonar i Todalen og han tykkjer det er viktig å bære tradisjonane vidare – der både gammel og ung kan trivast i lag.