Vi fann 7208 artiklar i dette arkivet.
Årsmøte i Todalen Idrettslag blir halde i Todalen ungdomshus torsdag 21. april 2016 kl. 19.00, melder styret. På agendaen står vanlege årsmøtesaker, og fullstendig sakliste blir tilgjengeleg frå seinast 14. april.
Tysdag 8. mars er det tid for årsmøte i Todalen.no. Det skjer i Todalen ungdomshus kl 19.30, og det blir denne veka sendt ut innkalling til medlemane eller «eigarane», som er lag og organisasjonar og bedrifter i nærområdet. Velkomne til årsmøtet er også våre støttemedlemar. Todalen.no er framleis i framgang når det gjeld lesartal – i 2015 hadde vi 422.000 besøk på nettsida og har auka lesartala jamt og trutt sia starten i august 2009, og ser ut til å halde fram også i 2016.
4 flotte svaner har hatt tilhald ved Todaløra og Halsetøran i vinter. I føremiddag låg deg og duppa i sjøen og berre slappa av, men når vi stoppa for å ta bilde vart dei ivrige og kom inn møt fjøra.
Laurdag var det ein liten tjuvstart på sommarsesongen i svinviks arboret. Arboretet skal i sommar jobbe med restaurering av den gamle frukthagen, og i samband med dette prosjektet var det «podar-dag» med kurs i poding av frukttrær. Her var det fritt fram for alle for å delta og lære om poding, og læremeister var Per Arne Myraunet på Hellberg Gard på Frosta.
Har du hugsa og meldt deg på? Det blir nok reine feittysdagen når omsogsgruppa i Todalen Sanitetsforening inviterer «eldre» todalingar til middag tysdag 8. mars kl 13. Og menyen er slett inga hemmelegheit for det startar med ertersuppe til forrett og fortsett med saltkjøtt og kålrabistappe og rundar av med kaffe og kake, fortel Karen Johanne Talgø og Jorunn Ørsal som står i bresjen for tiltaket.
Denne veka er det Veteran-VM i hopp i Knyken skiarena i Orkdal. Et lite tips om oppslag i avisa Sør-Trøndelag gjorde oss nysgjerrige, og i avisas utgåve frå onsdag er det eit stort oppslag om Jo Kåre Torvik (55) som er deltakar, og som kan notere seg både for bronsemedalje i 30-metersbakken og 5. plass i 50-metersbakken.
Vi sluttar oss til orda til rektor Mons Otnes, da han takka russen for ein feiande flott revypremieere i Surnadal kulturhus i kveld. Vi er etter kvart vant til at russerevyane har eit høgt kvalitetsnivå, og årets revy er ikkje noko unntak. Stor fart, mange artig innslag og mykje flott song og musikk gjennom knappe to timar.
For 6-åringane er det no tid for å skriva seg inn til skulestart for hausten 2016. I fjor haust såg det mørkt ut for neste skulestart da todalsskulen var trua av budsjettkutta i 2016-budsjettet. Men no er det altså klart for registrering av elevar som skal starte på 1. skuletrinnet til hausten. I Todalsskulen skjer det tysdag 8. mars, med tidspunkt etter nærare avtale.
Surnadal Røde Kors Omsorg treng fleire lopper og ting til sin loppemarknad. Har du høvelege lopper kan du levere disse til Røde Kors-huset på Bøvra onsdag mellom kl 18-20. Røde kors-huset er ope kvar onsdag framover våren, og dei tek i mot alt frå småting til store møblar, men desverre ikkje klær. Følgande onsdagar er Røde Kors-huset ope mellom […]
Kvar første fredag i mars samlast kvinner rundt om i over 170 land og regionar i verda til bønn og bibellesing over same tema og bibelord. Årets program og bøner er utforma av kvinner på Cuba under temaet: «Ta imot borna. Ta imot meg.» Som vanleg er det samling på Kyrkjelydshuset i Surnadal. Alle er […]
Etter mange og harde tak med skriving og øving så entrar Surnadalsrussen scena torsdag kveld for å kjøre igang med premieren for årets russerevy – «RUSSEREFORMEN». Kanskje er årets russerevy inspirert av den pågåande debatten om kommunereformen, – ikkje vei vi. Det er enno i skrivande stund att billettar til alle dei tre forestillingane, men det begynner å haste dersom du vil på premieren!
Laurdag 5. mars tjuvstartar Svinviks arboret 2016-sesongen. Dei trossar vinter og snø og kjører i gang med poding av frukttre . Dersom du er interessert så er det ope for publikum frå kl. 12 – 15. Arboretet får besøk av podemester Per Arne Myraunet frå Frosta som skal hjelpe til med podinga, og det blir høve til å stille spørsmål og så sjå ein erfaren podemester i arbeid.