Vi fann 7171 artiklar i dette arkivet.
Det vart for tøft å få opna nyvegen forbi Kufalla til jul. Dei starta på denne veka med det som mål, men det er så store mengder med masse som må ut at nyvegen blir opna først på nyåret. No tek gjengen på vatn Maskinstasjon ein velfortent juleferie, startar på igjen så snart det blir nytt år.
Heilt sia Øyabrua vart midlertidig stengt den 13. november, har det store spørsmålet i Todalen vore – kva skjer vidare med brua? Det kom kanskje litt stoms på kommunen også at Øyabrua var i så dårleg forfatning at ho måtte stengjast for motorkøyretøy. Rett nok har akseltrykket for brua vore sett ned i fleire år, men no er det altså kun gåande og syklande som får trafikkere brua. Kommunen vil sørge for brøyting av brua og tilførselsveg til slik bruk.
Dette blir friskt! – TrondheimSolistene har fått med seg ein jodlar frå Romsdalen og trekkspelets svar på Matti Nykänen til nyttårskonserten i Surnadal kulturhus 12. januar.
Halve salen er allereie selt (pr. 20.12), og vi har enno ikkje kome til dei aller siste hektiske dagane før jul der karar med vikande blikk leitar desperat etter julepresangar; og helst presangar som kanskje for ein gong skuld kan overraske mottakarane. Da kan billettar til denne godteposen av ein konsert vere eit alternativ; med Polkabjørn, Kleine Heine og virtuose musikarar frå TrondheimSolistene.
Søndag 14. januar inviterer Surnadal I.L. til langrenn ved Nordmarka Skisenter i Surnadal. Sonerennet startar kl 11.00 medan kretsrennet startar kl 12.00, og det skal utøvast fri teknikk, med 15 sekunders individuell start.
Det er nok mange som har lengta etter at sola skal snu, og at det begynner å gå mot lysere tider igjen. Det skjer torsdag 21. desember kl. 17.28 norsk tid (ETC ). Det går nok noen dager før vi merker at dagene blir lengre, men etter hvert vil dagens lengde øke med 6 minutter. Da tar det 10 dager å øke daglengden med 1 time – og da er det jammen snart vår igjen!
På morgonkaffen i Kaffekroken er det som oftast ikkje så stor deltaking, men tysdag var det både bursdagsfeiring og celebert besøk. Ragnar var jubilant, og er frå i dag i ein slik alder at han kan gjera som han vil, og det var behørig feira med krem-terte til alle som var innom. Førstemann innom var skulebussjåføren – Kristian Kjølstad – og etter kvart var vart det både jubilant, ordførar, rådmann og fleire til, men det var sjølvsagt berre jubilanten som fikk klem og presang med ordføraren.
Tysdag ettermiddag kjem Start 4H rundt bygda på ein handlerunde, der dei har fine kornband og juleheftet «Du mitt Nordmør» i kolleksjonen. Fint om folk har kontantar, då Start 4H ikkje har betalingsterminal, står det i ei pressemelding vi har fått.
No er billettane til julerevyen «#ViÅ» i sal på Matkroken Todalen. No er skrivearbeidet ferdig, og øvinga er godt i gang. No er det berre sensasjonelle hendigar som kan påvirke stoffet til julerevyen, gliser Anders Gjeldnes som er revysjef i år.
Vi står på det vi kan, og målet er å få til open veg forbi Kufalla til jul. Men vi veit ikkje om vi klarer det, for det er store mengder med fjell og anna masse som må vekk. Mykje meir enn vi rekna med da vi starta arbeidet, fortel mannskapet frå Vatn Maskinstasjon.
Søndag ettermiddag inviterte Prosjekt 17-koret til julekonsert. Først i Todalskyrkja kl. 15, og så i Åsskard kyrkje utpå kvelden. For den som ikkje har fått det med seg, så er Prosjekt 17-koret fortsettinga av Todalskoret, Åsskard kyrkjekor og Bøfjord mannskor. Før dirigenten for dei 3 kora pensjonerte seg, var korsongen ein del av organistjobben i Stangvik prestegjeld, men no er dette omorganisert. – Spesielt for konserten var P17-koret forsterka med strykeorkester, og med Sigrid Vetlesæter Bøe (sopran) og Torunn Kroknes (mezzosopran/alt).
Julaftan – 24. desember – blir det tradisjonell gudsteneste i Todalen kyrkje. Det er Kirsti Hjørnevik som held gudstenesta, som startar kl 14.00 – ein halv time seinare enn tidlegare annonsert i kalenderen.
I dag tidleg var det utforkøyring på Nordvik. Surnadal og Rindal lensmannskontor hadde folk på staden, og lensmannsbetjent Ola Dalsegg fortel at det var kun mindre materielle skader på bilen. Føraren vart imidlertid sent til rutinemessig sjekk på legevakta, men kom uskadd frå uhellet.