Vi fann 7176 artiklar i dette arkivet.
Todalen I.L. minner om invitasjonen julebordet som laget arrangerer laurdag 17. november og at påmeldingsfristen går ut laurdag 3. november. Bruset fortel at det allereie no er mange påmeldte, og reknar med ein innspurt dei siste to dagane.
På eit spøkefullt spørsmål om dei var i gang med legging av slitedekke på FV671, så svara Marius Krangnes Solem og Geir Magne Haugen frå Mesta avkreftande – men dei var enige i at det er behov for det. – Skulle vi gjort det med dette utstyret så hadde det nok teke på tida, sa dei to som var i gang med å fylle dei verste hola på fylkesvegen frå Kvennset og utover til Nordvik.
Det såg mesta ut som asfaltlegginga i Brusetmelan og på Bordholmvegen skulle bli eit kappløp med vinteren, men det vart det egentlig ikkje. NCC troppa opp med eit stort følgje og la ny asfalt – først på Brusetmelan og så på Bordholmvegen – og dei kom vinteren i forkjøp. Dei siste par dagane har det også vore asfaltlegging på Nordvik, der både dei nye busslommane og vegen forbi det nye bustadfeltet på Øygarden har fått ny asfalt som Veidekke har stått ansvarleg for.
Det var skikkeleg basarstemning og mykje folk som møtte opp da Trim-, ski- og friidretssgruppa arrangerte sin årlege basar. Klingande mynt i kassa vart det også, for basarkomiteen rapporterte om skikkeleg god respons på førehandssalet på Matkroken dei siste vekene og sjølvsagt var det triveleg at så mange kom på basar, sa leiar i Trimgruppa Jorun Nordvik da ho takka publikum etter trekninga.
Laurdag var det førehandsal til TILs basar for trim-, ski- og friidrettsgruppa. Loddsalet gikk strykande og Gunnar Nordvik hadde fullt opp med å registrere loddsalet. Førehandsalet fortsett i opningstida til butikken fram til kl 16.00. Søndag er det basar i ungdomshuset som startar kl 16.00 og går utover ettermiddagen og kvelden og der blir det massevis […]
Natt til søndag 28. oktober er det tid for å stille klokka igjen. Regelen er enkel og seier at klokka skal stilles mot sommaren, og derfor blir det sjølvsagt å stille 1 time tilbake når klokka er 3 på natta – og dermed blir klokka berre 2 igjen. Det fører til at du får ein […]
Det har vel vore rim på frontruta fleire netter i oktober, men natt til laurdag var liksom den første natta med skikkeleg nattefrost og rim både på bilruta og i busker og kratt. På heimebane har det iallfall vore 2,9 kuldegrader i løpet av natta og vêrmeldinga på yr.no lovar kuldegrader eit par dagar framover – delvis også på dagtid. Men etter kvart blir det varmare igjen, og det blir 6-7-8 varmegrader resten av 10-dagersperioden.
Onsdag 7. november inviterer Surnadal pensjonistlag til trivselskveld på Thon Hotell Surnadal. Arrangementet starter kl 19.00, og på programmet står både middag og dans til Trond Larsens kvartett, melder pensjonistlaget. Deltakerprisen er kr. 150,- pr. pers, og pensjonistlaget vil ha bindende påmelding til Jorunn på tlf. 901 51 989, eller Grethe på tlf 908 54 […]
Komande søndagskveld arrangerer Trimgruppa saman med Ski- og friidrettsgruppa basar i Todalen ungdomshus. basaren startar kl 16, og det blir både basarbord, åresal og utdeling av premiar. Hovedposten på programmet blir likevel eit litt nostalgisk lysbildeprogram, der Gunnar Nordvik viser lysbilder frå 90-talet, der ei gruppe dreiv med klatring både i Todalsfjella og i Innerdalen – med nettopp Gunnar som mentor og læremeister. Det blir nok eit triveleg gjensyn etter så mange år.
Neste veke blir det asfaltering av Bordholmvegen (FV671) og Brusetmelan (FV324). Da blir det litt trøbbel med trafikkavviklinga, fortel oppsynsmann Nils Erling Skaalvik i Statens vegvesen. Arbeidet startar alt måndag kveld(29.10), da all kaldasfalt skal graves ut og fjernes. Måndag kveld blir ikkje vegen stengt, men det blir etter kvart mange og store hol mellom Sandstad og Halsabrua.
Den nasjonale nærbutikkdagen vart skikkeleg markert laurdag – med full trøkk både på drivstoffpumpene, i kassa og ikkje minst i kaffekroken der det vart servert gratis kaffe og blautkake. Folk har både handla og kosa seg, og treft både naboen og folk som dei ikkje har treft før. Og sjølvsagt har nærbutikken vore tema – og kor stor betydning det har at vi har ein nærbutikk tilgjengeleg.
Som tidlegare meldt inviterer Matkroken Todalen til kaffeslabberas på den nasjonale nærbutikkdagen i morgon laurdag. Da blir det også ei prisbombe med drivstoffprisar som vi berre kjenner frå 1900-talet – kr 12 pr liter både for bensin og autodiesel.