Forfattararkiv for

Vi stakk innom Todalshytta for å sjå kor langt dugnadsarbeidet er kome, og vart litt overraska over at det no faktisk er berre litt finpuss som står att – og sjølvsagt litt opprydding. Så kan hytta tas i bruk, sjølv om hytta ikkje skal være døgnopen og betjent turisthytte i sommar. Fotturistane får bruke Ishuset og Jomfruburet som sjølvbetente overnattingsplassar, og Todalshytta vil bli leid ut til arrangement som for eksempel konfirmasjonar, bursdagar og bryllupsarrangement.

Snøen held enno taket, men fuglane har begynt å synge, og det er på tide å presentere årets Stikk UT! -turmål! I år er det til saman 215 turmål fordelt på 17 kommunar I Møre og Romsdal. Av desse er 98 gradert grøn, 85 blå og 32 raude. 61 av turane er trillevenlege og 59 er nye spennande turar for året. Men sjølv om vi her presenterer årets sommarprogram så minner vi om at Stikk UT! Ski -sesongen varer heilt fram til 2. påskedag, så nettsida til sommar-Stikk UT! vil ikkje vera oppe før etter den tid!

Våren er den travlaste tida på lasteplassen for Talgø MøreTre. All produksjon passerer lasteplassen og blir handtert minst 2 gonger – både når varene blir plassert på lager og når dei skal skipast ut. I mars var det ekstra travelt for dei 6 på lasteplassen, for da vart oppnådde dei beste marsmånad i Talgø MøreTres historie med omsetning på 60,2 mill.

Todalen grendalag melder om årsmøte i Todalen ungdomshus torsdag 4. april. kl 19.30. Grendalaget håper på godt oppmøte og engasjement frå bygdefolket. Mellom anna er det ønskeleg for styret at møtelyden kjem med innspel om prosjekt og oppgåver som det nye grendelaget skal jobbe med. No er saklista for årsmøtet klar – bla om så finn du saklista for årsmøtet:

Søndag blir ein dag med rikhaldig program i Todalen Ungdomshuset. Dagen startar med innlevering til byttemarknaden i kjellaren frå 15-17, der du kan kome og levere bruka, men heilt idrettsutstyr av ulik art. Litt seinare på dagen frå 17-19 er det byttemarknad, og kl. 17 startar også basaren. Kl 18 fortsett det med filmframsyning, der Svein Åge Saksen viser film frå – «Smellet i Trollheimen» og frå «Talgøpensjonistane som hadde samling på Gammelfabrikken – begge filmane frå 2006.

Den 1. januar 2019 vart eldrereforma «Leve hele livet» starta i kommunane rundt om i landet. «Leve hele livet» handlar om det som er viktigast i livet: fellesskap, aktivitet, deltaking, førebygging, god mat og rett helsehjelp. Det meste av ansvaret for å gjennomføra reformene er lagt på kommunane, men pårørande, frivillige og dei eldre sjølve må og ta eit tak.

Søknadsfristen for nytt opptak til Kulturskolen på Indre Nordmøre nærmar seg med stormskritt. I disse dager vil det bli delt ut brosjyre til elevane ved skulane på Indre Nordmøre med meir info til elevane.

Det var stor interesse for å lære poding av frukttre i Svinviks Arboret med eit knapt tjuetals deltakarar på podekurset i arboretet. Kurset er for så vidt eit ledd i arbeidet med å restaurere frukthagen som Hallvard Svinvik i si tid etablerte, og dette skjer etter økonomisk støtte på rundt 150.000 frå landbruksdepartementet. Arboretet har forplikta seg til å formidle kunnskap om poding av frukttrær og derfor har arboretet interesserte deltakarar, fortel Katarina Wedelsbäck-Bladh som er fagleg ansvarleg i Svinviks arboret.

Neste helg, nærare bestemt søndag 7. april er det basar til inntekt for Toåa Tursti. Det er eit stykke att før prosjektet er fullfinansiert, men alle monner dreg i rett retning og folk er dyktige til å støtte opp med loddkjøp, seier Elinor Bolme som hadde sin tørn med loddsalg da vi stakk innom laurdag. Du rekk enno å stikke innom butikken for å kjøpe lodd, men det blir også sjanse for forhandskjøp komande fredag den 5. april.

Natt til søndag er det igjen tid for å stille klokka til sommartid. Og regelen for kva veg du skal stille klokka er både enkel og grei. Du skal alltid stille klokka mot sommaren. Om våren blir det da fram 1 time og om hausten stilles klokka tilbake igjen – mot sommaren.

Tom Godtland tek over som styreleiar i Norsk vandrefestival etter Ragnhild Godal Tunheim som har styrt festivalen gjennom heile den 12 år lange perioden – først 2 år som leiar i interimsstyret og så 10 år i styret. No flyttar Ragnhild til ny jobb i Nordland, og overlèt bokstaveleg talt leiartrøya til rindalingen Tom Godtland som også får med seg eit styre med mange nye ansikt.

I dag var det utdeling av gåvemidlar frå Surnadal Sparebanks gåvefond. Ein god slump med pengar hamna som støtte til forskjellige prosjekt i bygda da gåvesjekken vart delt under ei enkel tilstelling i bankens lokaler. I år er det til saman 74 lag og organisasjonar som har fått gåve frå banken, liten eller stor alt etter kva det er søkt på. I statuttane står det at gåvene skal gå til allmennyttige formål, og vi prøver å vurdere dette etter beste evne, seier Liv Dalsegg i Surnadal Sparebank.