Vi fann 7106 artiklar i dette arkivet.
I dag er det ferjeskifte på rute 46 Kvanne – Rykkjem melder Fjord1. Det er MF Bjørnsund som tek over trafikken her inntil vidare, og dermed får MF Solnør avløysing. MF Bjørnsund er heller ikkje noko ny ferge, da den vart bygd hos Trønderverftet i Hommelvik i 1979, og altså er berre to år nyare […]
Det er på tide å markere at vi har runda eit nytt årsskifte, og TrondheimSolistene vil gjera sitt – som alltid – for å feire dette på Nyttårskonserten fredag 10. januar kl 19:00 på Surnadal kulturhus.
TrondheimSolistene er så husvarme i Surnadal at dei neppe treng nokon nærmare presentasjon. Men vi må vel pliktmessig ta med ein kort variant: TrondheimSolistene er eit topp, profesjonelt ensemble av musikarar, etablert i 1988 og med eit musikalsk vidsyn få, om nokon, kammerorkester kan matche. Dei er, i tillegg til i Surnadal, også store internasjonalt, og konsertane er prega av humør, spontanitet og intensitet. Punktum.
Det vart ein mildt start på det nye året – og kanskje på rekordvis – Brusetmarka kan iallfall skilte med rundt 15 varmegrader i morgontimane på torsdag 2. januar. Det er for så vidt ikkje noko å skryte av, da Åndalsnes melder om rekord på mellom 18 og 19 grader. Unormalt er det uansett, når ein tenkjer på at vi faktisk ofte har slike temperaturar i sommarmånadene.
No når 2019 er i ferd med å ebbe ut så sluttar 2019 slik som det starta, med vind og regn – mykje regn og sludd er det meldt på yr.no. Det vil nok legge ein dempar på nyttårsfeiringa, iallfall med tanke på markeringa med fyrverkeri. Men sjølv om vêret legg ein dempar på nyttårsfeiringa, så er […]
Drivas lesarar kåra Elinor Bolme til «Årets Drivanavn i 2019». Elinor var nominert for sitt store engasjement for organisasjonen Norske Kvinners Sanitetsforening (NKS). Der er ho fylkesleiar på 6. året, og røper at ho truleg takkar ja til gjenvalg når tida kjem, skriv Driva når dei presenterer Elinor på sine nettider.
I dag har sambandet kvanne – Rykkjem vært ute av drift fleire gonger. Nå ser det ut til å bli normal drift: Kl. 12:24: Rute 46 Kvanne – Rykkjem: Normal drift fra 12:30, men sambandet kan bli innstilt igjen på grunn av værforholdene i dag!
I overkant av 40 personer møtte fram da grendelaget på Nordvik arrangerte romjulsmarsj 5. juledag. Litt regn i formiddagstimene, men været bedret seg etter hvert, og da starten gjekk mellom kl. 13 – 14 var det bare lett regnyr.
Todalen sokneråd minner om gudstenesta nyårsaftan kl. 16. Gudstenesta vert forretta av pensjonert sokneprest/sjømannsprest Torbjørn Brøske. Ved orgelet finn vi kantor Bjørn Vevang. Dei tre ungdomane som skal konfirmerast i vår, er med og les samlingsbøna og dei to lesetekstene.
Julerevy er tradisjonelt ein del av julefeiringa i Todalen – den høyrer liksom med og har gjort det så langt attende som vi kan hugse. Det er jammen ein god tradisjon å føre vidare og med storsalen full av publikum er det og tydeleg at folk sett pris på julerevyen. Frå år til anna har det vore generasjonsskifte i revystaben, og slik er det i år – mange nye er komne med i revyarbeidet, og på mange måtar har julerevyen fått ein ny giv.
Vi minner om kveldens arrangement i Ungdomshuset – julerevyen «Todalen Ymseri». Dørene opnar kl. 20 og billettar får du kjøpt ved inngangen. Her er det sal av mat og drikke, og det blir mulegheit for ein svingom. Og så den store spenninga, da: Kven får heidersprisen – «Den Gyldne Patron»?
Er det du som har mista brillene dine under Romjulsmarsjen i dag? Eit par briller vart under marsjen funne ved Pilskaret. Brillene har «gullinnfatning» og det ser ut som dei har fått seg ein liten trøkk. Brillene er levert inn på Matkroken Todalen, og rettmessig eigar kan få dei att der, når butikken opnar laurdag […]
Billettane til julerevyen 2019, «Todalen Ymseri», er no lagt ut for sal på Matkroken Todalen. Vi tenkte å være tidleg ut med tanke på at det kanskje kan være ei høveleg julegåve til familie, eller vener og kjente, seier Knut Bergli i Todalen Idrettslag som er arrangør. Billettane kostar kr 150 pr stk., og kan kjøpast i kassa på matkroken. Julerevyen «Todalen Ymseri» går av stabelen 3. juledag, fredag 27. desember kl. 20.00 i Todalen ungdomshus.