Vi fann 7182 artiklar i dette arkivet.
For omtrent tretti år sia så planta Johan Kvendset ein vinranke attmed husnova heime i Trøa. Johan har alltid vore interessert i hagebruk, og dette var nok eit forsøk som han nok tvila på at det vart noko resultat av. Men no i haust så kom dei første mogne vindruene – etter rundt tretti års venting.
Etter ein lang pause på grunn av koronavirusets «herjing» var Senioruniversitetet attende med samling i kulturhuset for både medlemar og andre sist torsdag. På programmet stod songmøte, med gamle revyviser som tema. Det er nok eit veldig aktuelt tema ettersom det no blir arbeidd med å samle gamle revyviser mellom to permar. Gamle revyveteranar legg ned ein stor jobb for å få dette på plass, og det vart signalisert at dei skal være i mål i neste år – kanskje til Vårsøghelga eller kanskje til neste haust, fortalte Eivind Holte som orienterte om stoda for dette arbeidet.
Tirsdag 6.oktober arrangerte fjellgruppa i Surnadal Pensjonistlag tur til Skåkleiva i Rindal. Vi var 19 stk. Det var sterk! vind fra øst, men sola skein så forholdene var egentlig gode. De færreste av oss hadde vært der før, så dette var absolutt en kjekk opplevelse.
I samband med oppgradering av straumforsyninga og det elektriske anlegget i butikken blir vi nødd til å halde stengt tysdag ettermiddag frå kl 13.00. Deler av elanlegget er frå den tida da butikken opna på 80-talet og vi er no pålagt å skifte ut deler av anlegget med tanke på driftssikkerheit og for å få eit meir moderne utstyr med bl.a. automatsikringar i heile anlegget. Stengninga gjeld både butikken og drivstoffanlegget.
Sist fredag var det full utrykking for alle naudetatar da det kom melding om brann på Talgø gard. Brann er det store marerittet som vi alle er redde for og som vi fryktar skal skje med oss – fredag skjedde det altså på Talgø gard. På Talgø gard var det ingen heime og det var det heller ikkje hos naboen, så det var ein tilfeldig forbipasserande som oppdaga og meldte brannen, fortel Anita Talgø som eig garden og som bur der. I tillegg budde det 2-3 leigebuarar i Gammelstua – dei var på jobb på Talgø MøreTre da brannen starta.
Todalen sokneråd inviterer til jubileumsfest saman med årets 50-års jubilantar. Det skjer Laurdag 10. oktober kl. 18.00 i Todalen Ungdomshus, med servering av middag og kaffe – alle er velkomne til å bli med på jubileumsfesta.
Gjennom heile natta og utover laurdagen har det vore brannvakt på branntomta på Talgø Gard. Det har vore ein skummel landvind som har auka i styrke utover laurdagen, og brannen har faktisk blussa opp litt eit par gonger i løpet av natta og morgontimane. – Vi kjem til å plassere brannvakt her så lenge det er sjanse for at det skal ta fyr på ny, seier Håvard Stensønes som brannbefal i Surnadal kommune.
For Fjellgruppa til pensjonistlaget går tyren oppå Skåkleiva tirsdag 6.10. Vi møtes på parkeringsplassen nedafor Øyakjerka kl 10:30 og samkjører opp til Torshall. Derifrå følgjer vi bomvegen til parkeringsplass før vi går til toppen. Ta med mat og drikke og godt humør! Tor Asle, Brage og Kristian er guidar som vanleg! Vel møtt til alle som […]
I ettermiddag har Gammelstua på Talgø Gard stått i full fyr, og brannmannskapa kjempa ein periode for å berge resten av bygningsmassen i gardstunet. Hell i uhell gjorde at den sterke landvinden løya på litt da det brann som verst og saman med iherdig innsats av brannmannskapa redda nok det både hovedhuset, 2-3 uthus og ei gammel gardssag. Det var ikkje folk heime da brannen starta, så brannen vart meldt av tilfeldig forbipasserande.
Det er nok ingen grunn til panikk fordi om Mesta setter ut vegstikker langs vegkantane. Vêrmeldinga for dei neste dagane og for heile den komande 10-dagesperioden lovar temperaturar godt på plassida og lite eller ingen nedbør.
2 mann frå Wennstrøm Net har i dag vore i full gang med oppgradering av utstyret for kortbetaling av drivstoff ved HalsOil/Matkroken Todalen. Det er strengare krav til sikre betalingsrutina som krev at kortterminalen blir oppgradert. I dag er det difor skifta utstyr både ute ved pumpa og inne ved kassa på Matkroken.
Sanitetens «Vippsbasar» pågår for fullt, og komande laurdag 3. oktober frå kl. 10.00 til kl. 15.30 treffer du loddselgarar på Matkroken Todalen. – Men du treng slett ikkje møte opp på Matkroken i Todalen for å delta på «Vippsbasaren» – det er berre å gå inn på Vippskontoen din og finn «Basar Todalen Sanitetsforening» eller du kan bruke Vipps nr 534955 for å kjøpe lodd kvar du enn oppheld deg.